Jun
25

අසේල සම්පත්ට අවශ්‍ය නීතිමය සහය නොමිලේම ලබාදෙනවා – විපක්ෂ නායක සජිත්

 
1175 Views
   
 

අත්අඩංගුවට ගත්තායැයි පැවසෙන අසේල සම්පත් මහතා වෙනුවෙන් අවශ්‍ය නීතිමය සහය නොමිලේම  ලබාදීමට සමගි ජන බලවේගය කටයුතු කරන බව විපක්ෂ නායක සජිත් ප්‍රේමදාස මහතා ට්විටර් පණිවුඩයක් නිකුත් කරමින් පවසනවා. ඒ මහතා වැඩි දුරටත් සඳහන් කරන්නේ අසේල සම්පත් මහතා පැ’හැරගෙන දැන් අත්අඩංගුවට ගෙන ඇති බවට පවසන බවටයි. අදාළ පණිවුඩය පහතින්.

“සමාජ සහ සිවිල් ක්‍රියාකාරිකයෙකු වන අසේල සම්පත් පැ’හැරගෙන ගොස් ඇති බව වාර්තා වේ. දැන් පැවසෙන්නේ ඔහු අත්අඩංගුවට ගෙන ඇති බවය. ඔහුගේ අයිතිවාසිකම් ආරක්ෂා කර සුරක්ෂිත කිරීමට අප කැපවෙන අතර ඔහු වෙනුවෙන් සමගි ජන බලවේගය නොමිලේම නීතිමය සහය ලබා දෙන්නෙමු.”

“සියළුම ශ්‍රී ලාංකේය පුරවැසියන්ට ඔවුන්ගේ හෘදය සාක්ෂියට අනුව කථා කිරීමේ අයිතිය ද සෑම කෙනෙකුටම ඔවුන්ගේ නිදහස භුක්ති විඳීමේ අයිතිය ද සුරක්ෂිත විය යුතු අතර ඒ වෙනුවෙන් අපි තිරසරව පෙනී සිටිමු.”

අදාළ නිවේදනයන්හි ට්විටර් සටහන් පහත පරිදි වේ.

#

මෙන්න බලන්න තවත් ගොසිප්