1695 Views
වඳ සැත්කම් කළ බවට චෝදනා මත අනිවාර්ය නිවාඩු යවා සිටින කුරුණෑගල ශික්ෂණ රෝහලේ හිටපු වෛද්ය එස්.එස්.එම්. ෂාෆි මහතාට එම කාල සීමාවට අදාළ හිඟ වැටුප් ගෙවන ලෙස සෞඛ්ය අමාත්යංශය දන්වා ඇතැයි කුරුණෑගල ශික්ෂණ රෝහලේ අධ්යක්ෂ වෛද්ය සී. කැන්දන්ගමුව මහතා පවසයි.
ඔහු සඳහන් කළේ, එම කාල සීමාවට අදාළ හිඟ වැටුප් ගෙවීමට කටයුතු කරන ලෙසට ලිපියක් මගින් තමන් වෙත දැනුම් දුන්න ද වෛද්ය ෂාෆි මහතා නැවත සේවයේ පිහිටුවීම සම්බන්ධයෙන් මෙතෙක් කිසිදු දැනුම් දීමක් සිදු කර නොමැති බවය.
ඒ බව සෞඛ්ය අමාත්යංශය ඉදිරියේදී දැනුම් දෙනු ඇතැයි කුරුණෑගල ශික්ෂණ රෝහලේ අධ්යක්ෂ සී. කැන්දන්ගමුව මහතා වැඩිදුරට ත් සඳහන් කළේය. කෙසේ වෙතත්, සෞඛ්ය අමාත්යංශය නිකුත් කළ ලිපියේ වෛද්ය ෂාෆි මහතා නැවත සේවයේ පිහිටුවීම සම්බන්ධයෙන් සඳහන් කර ඇත.
එමෙන් ම, අදාළ ලිපියේ අනිවාර්ය නිවාඩු ගන්වන ලද නිලධාරියෙකු සම්බන්ධයෙන් ක්රියා කළ යුතු ආකාරය ආයතන සංග්රහයේ පැහැදිලිව දක්වා තිබියදී එම කාලයට අදාළ වැටුප් නොගෙවීම සම්බන්ධයෙන් වන හේතුන් කවරේ ද යන්න පිළිබදව වාර්තා කරන ලෙසය.
අදාළ ලිපිය සෞඛ්ය අමාත්යංශයේ ලේකම් වෛද්ය එස්.එච්. මුණසිංහ මහතා විසින් කුරුණෑගල ශික්ෂණ රෝහලේ අධ්යක්ෂවරයා යොමු කරනු ලැබ තිබේ.
