411 Views
කොළඹ – කටුනායක අධිවේගී මාර්ගයේ R11-01 කිලෝමීටර් කණුව අසලදී අද (25) අළුයම 02.00ට පමණ සිදුවූ රිය අනතුරකින් ජල සම්පාදන රාජ්‍ය අමාත්‍ය සනත් නිශාන්ත ජීවිතක්ෂයට පත් වී තිබෙනවා.
පොලිසිය සඳහන් කළේ රාජ්‍ය අමාත්‍යවරයා ගමන් ගත් ජීප් රථය මාර්ගයේ එම දෙසටම ධාවනය වූ කන්ටේනර් රථයක පසුපස ගැටීමෙන් අනතුරුව මාර්ගයේ ආරක්ෂක වැටෙහි ද ගැටී ඇති බවයි.
මෙම අනතුරෙන් රාජ්‍ය අමාත්‍යවරයාගේ ආරක්ෂකයා ලෙස කටයුතුකළ පොලිස් කොස්තාපල් ජයකොඩි (72542) ද ජීවිතක්ෂයට පත්වී තිබෙනවා.
අනතුරින් බරපතළ තුවාල ලැබූ අමාත්‍යවරයා සහ ඔහුගේ ආරක්ෂකයා එම ස්ථානයේදීම ජීවිතක්ෂයට පත්ව ඇති බවයි රාගම රෝහලේ අධ්‍යක්ෂක ලියනගේ රණවීර සඳහන් කළේ.
එමෙන්ම ජීප් රථයේ රියදුරු සුළු තුවාල ලබා රෝහල්ගත කර ඇති බවයි ඔහු සඳහන් කළේ.
ජීවිතක්ෂයට පත් වූ රාජ්‍ය අමාත්‍යවරයාගේ සහ ආරක්ෂකයාගේ මෘත දේහයන් මේ වනවිට රාගම ශික්ෂණ රෝහලේ මෘත ශරීරාගාරයෙහි තැම්පත් කර තිබෙනවා.
