Oct
20

යලි පිබිදෙන සංචාරක කර්මාන්තය කොරෝනාව සමඟ කළමනාකරණය වූ හැටි

 
38 Views
   
 

කොරෝනා වසංගතය මුළු ලෝකයටම බාධා ගෙන එද්දී එය අපේ රටේත් හැම ක්ෂේත්‍රයකටම දැඩි බලපෑම් එල්ල කළා. අපේ රටේ ප්‍රමුඛතම ක්ෂේත්‍රයක් වුණු සංචාරක කර්මාන්තයටත් විශාල අභියෝගයකට මුහුණ දෙන්න සිදුවුණා.නමුත් ඒ අවස්ථාවේ අපේ රජය අවශ්‍ය උපදෙස් හා අවශ්‍ය පහසුකම් නිසියාකරව ලබා දීම නිසා සංචාරක අමාත්‍යාංශය,සංචාරක මණ්ඩලය හා සංචාරක අධිකාරිය ඇතුළු ආයතන එක්ව සිදුකළ මනා කළමනාකාරීත්වය හේතුවෙන් සාර්ථකව එම තත්ත්වයට මුහුණ දීමට හැකි වුණා.

ඒ හරහා වසංගතයත් සමඟ මෙරට සිරවී සිටි විදේශීය සංචාරකයින්ට පහසුකම් සලසනවා සේම මෙරට සිටින සංචාරක ක්ෂේත්‍රයට සම්බන්ද වෘත්තීන් වල නියළුන පිරිස ගැන සොයා බැලීමටද රජය අමතක කළේ නැත. මෙවැනි ක්ෂේත්‍ර නැවත පෙර පරිදි ලෝක වාසීන්ගේ හොඳ නම රැකගෙන සංචාරක ව්‍යාපාරයේ කටයුතු ආරම්භ කිරීමට හැකිවූයේ රට වසනු ලැබූ අවස්ථාවේ නිසියාකාරව මේ තත්ත්වය කළමනාකරණය කරගැනීමට හැකිවූ නිසාය. 2020 මාර්තු මාසේ ගුවන්තොටුපලවල් වැසුණා.ඒ වනවිට අපේ රට ඇතුලෙ සංචාරකයින් 70000 ක් පමණ හිරවෙලා හිටියා.මුලින්ම රජය විසින් එලෙස හිරවෙලා හිටිය සංචාරකයින් සුරක්ෂිතව ඔවුන්ගේ රටවල් බලා ආපසු යවන්න අවශ්‍ය ගත්තා.ඒ හිර වෙලා හිටපු සංචාරකයින්ට මුදල් අතේ නොමැති වීම නිසා හෝටල් වල දිගින් දිගටම නවාතැන් ගැනීමට නොහැකි තත්ත්වයක් තමයි මතුවුණේ.

සංචාරක මණ්ඩලය අදාල රටවල දූත මණ්ඩල සමඟ සාකච්ඡා කරලා ඒ වසංගත තත්ත්වයත් එක්ක හිරවෙල හිටිය සංචාරකයින් ආරක්ෂිතව ඔවුන්ගේ රටවල් වලට පිටත් කර යැවීමට කඩිනමින් පියවර ගත්තා. ඔවුන් මෙරටින් පිටවෙන තෙක් අවශ්‍ය පහසුකම් සැලසීමටත් සංචාරක මණ්ඩලය හා සංචාරක සංවර්ධන අධිකාරිය කටයුතු කළා.ඒ අනුව ඔවුන්ට අවශ්‍ය ආහාර,නවාතැන් සෞඛ්‍ය පහසුකම් ඇතුළු සියළුම පහසුකම් සපයමින් ඔවුන් මෙරටින් පිටවන තෙක් ආරක්ෂාකාරීව තබාගැනීමට කටයුතු කළා. ඒ හරහා අපේ රට පිළිබඳව,අපේ ආගන්තුක සත්කාරය පිළිබඳව සංචාරකයින් තැබූ විශ්වාසය තව තවත් වැඩි කිරීමට හැකි වුණා.ඒ අනුව අපි රටක් විදියට ලෝකයට පණිවිඩයක් දුන්නා සංචාරකයන් ගැන අපි විශේෂ සැලකිල්ලක් දක්වනවා සහ ඒ අයගෙ ආරක්ෂාව තහවුරු කරනවා කියන එක.

හැබැයි මේවා රජය අණබෙර ගසමින් කරපු වැඩ නෙමෙයි.ඉතා දැවැන්ත සෞඛ්‍ය වැඩපිළිවෙලක් ක්‍රියාත්මක වෙද්දී පවා රජය මෙවැනි ක්ෂේත්‍ර වලට අවශ්‍ය පහසුකම් හා අදාළ මෙහෙයුම් කටයුතු අඩපණ වීමට නොදී සාර්ථකව පවත්වාගෙන ගියා.හැබැයි රජයෙ වැරදි හොයන විපක්ෂ නායක තුමාට සහ හෙන්චයියලාටත්,හැමදේම විවේචනය කරන අනුර කුමාර ඇතුළු නඩයටත් මෙවැනි රජයේ අගය කළයුතු දේවල් නොපෙනීම පුදුමයට කරුණක්.එහෙමත් නැත්නම් හොඳ දෙයට හොඳයි කීමට දිව නොනැමෙන දේශපාලන කුහක කමක් මේ දෙපාර්ෂවයම තිබීම විය හැකිය.
සංචාරකයින්ට ඒ ආකාරයෙන් ආගන්තුක සත්කාර කරද්දී මේ වසංගතයත් සමඟ අර්බුදයට ලක්වුණු සංචාරක කර්මාන්තයට අදාළ රැකියා හා ව්‍යාපාර කරන අය වෙනුවෙන් රජය ලබාදුන් සහන පිළිබඳවත් සජිත්ගේ නඩය සහ අනුර කූමාරගේ නඩය දැනගත යුතුමය.නැත්නම් සුද්දන්ට කළා අපේ උන්ට මොනවද කළේ කියලා අහන්නත් බැරි නැත.

2020 මැයි මාසයේදී සංචාරක ක්ෂේත්‍රයේ නියලී සිටින සියළුම පාර්ෂවයන් ගෙන්වලා ඔවුන්ගේ තියෙන ගැටළු විමසුව. ඒ අනුව ගරු සංචාරක ඇමතිතුනගේ උපදෙස් පරිදි අමාත්‍ය මණ්ඩල සංදේශයක් ඉදිරිපත් කරලා ඒ ගැටළු විසඳන්න පියවර ගත්තා. එහිදී සංචාරක මණ්ඩලයේ ලියාපදිංචි සංචාරක මඟපෙන්වන්නන්ට රුපියල් 20000 ක දීමනාවකුත් සංචාරක රියදුරන්ට රුපියල් 15000 ක දීමනාවකුත් දෙන්න කටයුතු කළා. ඒවාගේම සංචාරකයන්ට සේවා සපයන හෝටල්,ආපන ශාලා ඇතුළු අනෙකුත් ආයතන වල විදුලි හා ජල බිල්පත් ගෙවීම් සම්බන්දයෙන් සහනයක් ලබා දීමටත් කටයුතු කළා.

ඒවාගෙම සංචාරක මණ්ඩලය විසින් ලියාපදිංචි ගාස්තු 2020 සහ 2021 වසර වලට අයකර ගන්නේ නැතිව සවයංක්‍රීයවම එම ලියාපදිංචිය යාවත්කාලීන කරලා දුන්නා.ඒ විතරක් නෙමෙයි අලුතින් ලියාපදිංචි වන අයගේ ගාස්තුව සාමන්‍ය ගාස්තුව වගේ 10% ක මට්ටම දක්වාත් අඩු කළා. ඒ වගේම මෙවැනි අවස්ථා වල ආධාර ලබාදෙන ලෝක බැංකුව,එක්සත් ජාතීන්ගේ සංවිධානය,ආසියානු සංවර්ධන බැංකුව වගේ ආයතන වලට ඇරයුම් කළා සංචාරක ක්ෂේත්‍රයට සම්බන්ද සුළු හා මධ්‍ය පරිමාණ ව්‍යාපාර නඟාසිටුවීමට සහයවීමට. මේ ආකාරයට බැලුවාම මේ වසංගත් තත්ත්වය තුළ සෞඛ්‍ය ක්‍රියාමාර්ග ගන්න අතරේම,අනෙකුත ක්ෂේත්‍ර පිළිබඳව අවධානය යොමු කරනවා වගේම සංචාරක ක්ෂේත්‍රය වෙනුවෙනුත් විශාල කාර්යභාරයක් රජය විසින් ඉටුකර තිබෙනවා. වසංගත කාලය තුළ සංචාරක ක්ෂේත්‍රයේ කටයුතු මනාව පාලනය කළ නිසාම විදේශීය සංචාරකයන්ගේ හොඳ නම රැකගෙන නැවතත් සාර්ථකව අපට සංචාරක ක්ෂේත්‍රයේ කටයුතු ආරම්භ කිරීමට අද වනවිට හැකියාව ලැබිලා තියෙනවා. (තේමිය පරාක්‍රම)

මෙන්න බලන්න තවත් ගොසිප්