Sep
23

වෛද්‍ය ඒලියන්තගේ අභාවය වෙනුවෙන් ලසිත් මාලිංග සහ අගමැති මහින්ද තැබූ සටහන

 
309 Views
   
 

කොරෝනා ආසාදිතව කොළඹ පෞද්ගලික රෝහලක ප්‍රතිකාර ලබමින් සිටි වෛද්‍ය උපදේශක එලියන්ත වයිට් වයස අවුරුදු 48 ක්ව සිටියදී ඊයේ අභාවප්‍රාප්ත වුණා. ජාත්‍යන්තර මට්ටමේ ක්‍රීඩකයින් මෙන්ම දේශපාලනඥයින්ට ස්වයං සුව කිරීමේ ක්‍රමයකින් සහන සැලසූ ඔහු ඉන්දියාවේදීද ඒ පිළිබඳව අධ්‍යයනයන් සිදුකර තිබෙනවා.

ඔහුගෙන් ප්‍රතිකාර ලැබූ අය අතර සචින් තෙන්ඩුල්කාර්, ලසිත් මාලිංග වැනි ක්‍රීඩකයින්ද ඇතුළත්. එලියන්ත වයිට්ගේ අභාවය පිළිබඳව මාලිංග සිය ට්වීටර් ගිණුමේ සටහනක්ද එක්කර තිබුණා. එහිදී ඔහු සඳහන් කර ඇත්තේ 2008 වසරේදී තමාගේ පාදයේ ආබාධය විශ්මිත අන්දමින් සුව කිරීම තුළින් සිය ක්‍රීඩා දිවිය ඉහළ මට්ටමකට රැගෙන යෑමට හැකි වූ බවයි.

 

 

මේ අතර අග්‍රාමාත්‍ය මහින්ද රාජපක්ෂ මහතා ද සිය නිල ෆේස්බුක් ගිණුමේ මෙලෙස සටහනක් තබා තිබුනා.

 

 

මේ අතර නව කොරෝනා ආසාදිතයින් 1,321 දෙනෙකු ඊයේ හමුවීමත් සමඟ මෙරට මුළු ආසාදිතයින් සංඛ්‍යාව පන් ලක්ෂ 8,672 දක්වා ඉහළ ගියා. පසුගිය 21 වැනිදා සිදුවූ තවත් කොරෝනා ආසාදිත මරණ 92 ක් සෞඛ්‍ය සේවා අධ්‍යක්ෂ ජනරාල්වරයා විසින් ඊයේ තහවුරු කළා. ඊට පිරිමි පුද්ගලයන් 51 ක් සහ කාන්තාවන් 41 ක් ඇතුළත්. මි යගිය පිරිස අතර, 71 දෙනෙක් අවුරුදු 60 වැඩි පුද්ගලයින් වන අතර ඊට පිරිමි පුද්ගලයින් 39 ක් ඇතුළත්. අවුරුදු 30 ත් 59 ත් අතර පුද්ගලයන් 19 දෙනෙක් ජීවිතක්ෂයට පත්ව ඇති අතර එහි කාන්තාවන් 08 දෙනෙක් සිටින බවයි රජයේ ප්‍රවෘත්ති දෙපාර්තමේන්තුව සඳහන් කළේ. එමෙන්ම, කොරෝනා ආසාදනය වී සිදුවූ අවුරුදු 30 අඩු පුද්ගල ම රණ දෙකක් ඊයේ වාර්තා කළ ම රණ අතර වනවා. ඒ අනුව මෙරට සමස්ත කොරෝනා ආසාදිත ම රණ සංඛ්‍යාව දැක්වෙන්නේ 12,376 ක් ලෙසින්.

මෙන්න බලන්න තවත් ගොසිප්