1364 Views
ජපානයෙන් මෙරටට ලැබීමට නියමිත ඇස්ට්‍රාසෙනෙකා එන්නත් මාත්‍රා 14 ලක්ෂ 70,000 ක් ඉදිරි සතිය තුළ ලැබෙනු ඇතැයි අපේක්ෂා කරන බව රාජ්‍ය අමාත්‍ය මහාචාර්ය චන්න ජයසුමන ප්‍රකාශ කළා.
මේ අතර ඊයේ (27) දිනයේ මෙරටින් වාර්තා වූ කොරෝනා ආ’සාදිතයින් 1,711 දෙනා අතරින් 1,688 දෙනෙකු අලුත් අවුරුදු පොකුරේ ආසාදිතයින් වනවා.
විදේශයන් හි සිට පැමිණ නිරෝධායන වන පුද්ගලයින් 23 දෙනෙකුද ඊයේ හඳුනාගත් ආ’සාදිතයින් අතර වන බවයි රජයේ ප්‍රවෘත්ති දෙපාර්තමේන්තුව සඳහන් කළේ.
මේ වනවිට මෙරටින් වාර්තා වන සමස්ත කොරෝනා ආ’සාදිතයින් සංඛ්‍යාව 299,892 ක්. එසේම පසුගිය 26 වනදා සිදුවූ තවත් කොරෝනා ආසාදිත ම’රණ 48 ක්ද සෞඛ්‍ය සේවා අධ්‍යක්ෂ ජනරාල්වරයා විසින් ඊයේ තහවුරු කළා. ඒ අනුව මෙරට සමස්ත කොරෝනා ආසාදිත ම’රණ සංඛ්‍යාව දැක්වෙන්නේ 4,195 ක් ලෙසින්.
මේ අතර, මෙරට කොරෝනා එන්නත්කරණ වැඩසටහන අඛණ්ඩව දියත් වනවා. රාජ්‍ය අමාත්‍ය මහාචාර්ය චන්න ජයසුමන ඊයේ කොළඹ පැවති මාධ්‍ය හමුවකදී කියා සිටියේ මීලඟ ඇස්ට්‍රාසෙනෙකා එන්නත් තොගය ලැබුණු පසු එහි 2 වන මාත්‍රාව අපේක්ෂාවෙන් සිටින පුද්ගලයින්ට ප්‍රමුඛතාව ලබාදෙන බවයි.
