Sep
12

මිත්‍යාවට හසු වූ ඖෂධ

 
152 Views
   
 

බල්ලො ම රලා හරි සල්ලි හොයන මිනිස්සු ගැන අපි ඕන තරම් අහල දැකලා තියෙනවා.කො විඩ් වසංගතයෙන් තමන්ගේ මඩිය තරකරගන්න පුද්ගලයන් අනන්තවත් සමාජයේ එහේ මෙහේ නො පෙනී සැරිසරමින් ඉන්නවා. ඖෂධ තමයි ලෝකෙ තියෙන දෙවෙනි භයානකම ව්‍යාපාරය වගේම මාෆියාව.ඊට සම්බන්ධ පිරිසත් අතිවිශාලයි. මේ දවස්වල ලොකුම කතාබහ ටොසිලිසුමාබ්(Tocilizumab) ඖෂධය ගැනයි.මෙම ඖෂධය පිළිබඳ නො දන්නා කෙනෙක් නැතිතරම්.ඇතැම් අය සිතන්නේ මෙම ඖෂධය කො විඩ් මර්ධන බෙහෙතක් ලෙසයි. මිනිසුන් ම රණයට අධික බයයි. ඇති නැ ති හැමෝම ආසයි ජීවත් වෙන්න.එම නිසාම තමයි ඇතැම් මුදල් යහමින් ඇති උදවිය ඔක්සිජන් සිලින්ඩර ගෙදර ගිහින් තියාගන්න තරම් ඉක්මන් වුනේ. නිවසේදී හිතුමතේ ඔක්සිජන් ගන්න බැරි බවත් ඊට වෛද්‍ය උපදෙස් අවශ්‍ය බවත් මිනිස්සුන්ට තේරෙන්නෙ නෑ. ඇතැම් විට ඔක්සිජන් භාවිතාව වැඩිවීමෙන්ම නියුමෝනියා තත්වය ඇති වී ම රණයට පත්වීමට පුලුවන් බව වෛද්‍යවරුන් විසින්ම ප්‍රකාශ කලා.

මෙම Tocilizumab ඖෂධය ලෝකයට ඇවිත් දැන් දශකයකටත් වැඩි බව ඔබ දන්නවාද? සමහර මාධ්‍ය වාර්තාකරණය නිසා මේ ඖෂධය ඍජුවම කො විඩ් හොඳ කරන බෙහෙතක් ලෙස බරපතලව වැරදි අර්ථකථනයක් සමග සමාජගතවී ඇත. නමුත් මේ ඖෂධය කො විඩ් රෝගය ආසාදිතවූ රෝගියෙකුට, යම් සංකූලතා ඇතිවූ විට , නියමිත මාත්‍රාව නියමිත වෙලාවට දීමෙන් ජීවිත ගලවා ගැනීමට හැකි බව අලුතින් සොයාගෙන ඇත. මෙතෙක් මේ Tocilizumab ඖෂධය භාවිතා කලේ ආතරයිටීස් රෝග අවස්ථා වලට ප්‍රතිකාර කිරීම සඳහා පමණයි. සාමාන්‍ය වෙළෙඳපොළ වටිනාකම රුපියල් 100,000 ක් රුපියල් 120,000ක් පමණ වුවත් කො විඩ් ආසාදිතව දැඩි සත්කාර ඒකකවල ප්‍රතිකාර ලබන සමහර රෝගීන්ට මෙම ඖෂධය දීමට නියම කෙරිණි. කෙසේ වෙතත් හිතුමතේ විවිධ ඖෂධ වර්ග ගැන කතා කිරීම නිසා අද සමහර ඖෂධ පිළිබඳ මිත්‍යාමත සමාජ ගත වෙමින් පවතී. මෙයට උදාහරණයක් ලෙස එදා හිටපු ඇමරිකානු ජනාධිපති ඩොනල්ඩ් ට්‍රම්ප් ඖෂධයක් ප්‍රකාශ කිරීමත් එය සමාජගතවීමත් පෙන්වා දිය හැකිය. Tocilizumab කියන ඖෂධය යනු කුමන වර්ගයේ ඖෂධයක්ද යන්න හරියට දැනගැනීම ඉතාමත් වැදගත්. මේ අනුව කායික රෝග පිළිබඳ විශේෂඥ වෛද්‍ය ලලිත් ඒකනායක මහතා පවසන්නේ මෙසේය.

“කොරෝනා වෛරසය අපගේ ශරීරයට ඇතුළු වූ පසුව අපේ ශරීරයේ වෛරසයට විරුද්ධව ප්‍රතිදේහ නිශ්පාදනය කිරීම පටන් ගන්නා බවත් ,හරියටම ප්‍රතිදේහ අපේ ශරීරය ආරක්ෂා කරන හමුදාවකට සමාන බවයි. බොහෝවිට මෙම ප්‍රතිදේහ වලට මෙම කොරෝනා වෛරසය විනාශ කරමින් රෝගියා සුව අතට හැරවීමට හැකියාව ඇති අතර ,නමුත් ඉතාමත් කලාතුරකින් මෙම ප්‍රතිදේහ හෙවත් මෙම ශරීර අභ්‍යන්තර ආරක්ෂිත හමුදාව වෛරසය සමග කරන සටන ඉතාමත් ත්‍රීවුර තත්ත්වයකට පත් වී ඉතාමත් කලබගෑනියකට පත් වේ.එම අවස්ථාවේදී අපේ ප්‍රතිදේහ එනම් හමුදාව භාවිතා කරන අවිආයුධ ශරීර අභ්‍යන්තර පටක වලට විරුද්ධව කටයුතු කිරීමට පටන් ගනී.මෙන්න මේ අවස්ථාව එම මොහොතේම හඳුනා නොගතහොත් කොරෝනා රෝගියකු මිය යාමට හැකිය.

මේ අවස්ථාවේ දී අපේ ප්‍රතිදේහ අපට විරුද්ධව ක්‍රියාත්මක වන බැවින් පිටින් ප්‍රතිදේහ අවශ්‍ය වේ.මෙන්න මේ අවස්ථාවේ අවශ්‍ය වන ප්‍රතිදේහ වර්ග වලින් එකක් ලෙස Tocilizumab ඖෂධය ගත හැකි බව වෛද්‍යවරයා පවසයි .ඒ හා සමාන ඖෂධ ගණනාවක් ඇත.මේ ඖෂධ සියල්ලම අලුතින්ම නිපදවූ ඒවා නොවේ.මේවා දශක ගණනාවක් ඔස්සේ රුමටයිඩ් ආතරයිටීස් සහ නොයෙකුත් පිළිකා වර්ග වලට භාවිතා කරන ඖෂධ වර්ග වේ. එම නිසා මෙම බෙහෙත් හරි මාත්‍රාව ,හරි වෙලාවට එම රෝගීන්ගේ ශරීරයට ඇතුල් කළහොත් එම රෝගීන්ගේ ජීවිත බේරා ගතහැකි වන බව විශේෂඥ වෛද්‍ය ලලිත් ඒකනායක මහතා පවසයි . මේ සියල්ල ගෙන හැර දැක්වූයේ ජනතාව වන ඔබ ඖෂධ පිළිබඳ විශාල ලෙස නොමග ගොස් ඇති නිසාවෙනි. තමාගේ තනි අවශ්‍යයතාවය මත ශරීර ගතකිරීමට යෑමෙන් වලකින්න. වෛද්‍ය උපදෙස් මත පමණක් කොරෝනා ඇතුලු සියලු රෝගයන් සඳහා ඖෂධ බාවිතා කල යුතුය .කෙතරම් මිලෙන් අධික වටිනා ඖෂධයක් වුවද හිතුමතේ ශරීරගත කරගත හොත් තමාටම මරු කැදවිය හැකි බව සිතට ගන්න. (රෂිකා සඳමාලි හෙන්නාය)

මෙන්න බලන්න තවත් ගොසිප්