Sep
1

එයා ගිය මුල් කාලේදි මට කිසිම දෙයක් තනියම කර ගන්න බැරිවුණා, සාමාන්‍ය ජීවිතය පිළිබඳ හොඳ අවබෝධයක් තිබෙන ආදරණීය අයෙක් මට අවශ්‍යයි – දිලිනි ලක්මාලි

 
1279 Views
   
 

දිලිනි ලක්මාලි තිරිමාන්න රංගනයට පිවිසි මුල් කාලයේ ඇය බොහෝ විට ගැමි චරිතවලට කොටු වූයේ අවිහිංසක රුවත් දිගු වරලසත් නිසාය. එහෙත් දැන් ඇය චරිතාංග රංගන ශිල්පිනියක ලෙස ප්‍රේක්ෂක ආදරයට පාත්‍රව සිටින්නීය. මේ ඇය ගැනයි. මේ දිනවල ඇය රංගනයෙන් දායක වන නිර්මාණ ගැන සිහිකරමින්ම ඇය කතාබහ ඇරඹුවාල. ඇය මේ දවස්වල මුල් තැන දීලා තියෙන්නේ ටෙලිනාට්‍ය තුනක වැඩකටයුතු වලටලු. ඒ නාට්‍යවලට විකාශනය ආරම්භ කළ දින සිටම ඉතා හොඳ ප්‍රතිචාර ලැබෙනවා. දක්ෂ, වැඩිපුර ප්‍රතිචාර ලැබෙන්නෙත් තරුණ පිරිසගෙන් කියලා තමයි ආරංචිය.

එසේ වුවත් ඇතැම් විට දිලිනිගේ නිහඬ බවටද ඇතැමුන් චෝදනා කරති. අප ඒ ගැනත් ඇයගෙන් විමසුවෙමු. මම සාමාන්‍යයෙන් වැඩ කරන කෙනෙක් සහ වැඩ කරපු කෙනෙක්. ටෙලිනාට්‍යයක් කළාම ඒක විකාශනය වන කාලය නිවැරදිව කියන්න අමාරුයි. ඒ නිසා තමයි මම නිහඬයි කියලා හිතෙනවා ඇත්තේ. මම ගොඩක් රඟපාලා තියෙන්නෙත් මෙගා ටෙලිනාට්‍යවලට වඩා සතිඅන්ත ටෙලිනාට්‍යවලයි. පෞද්ගලිකව මම නිතර නිතර පේන චරිතයක් වෙන්න කැමති නැ හැ. ඒ වගේම මට එකපාර ලොකු පිටපත් ප්‍රමාණයක්, ආරාධනා ගොඩක් ලැබෙන්නෙත් නැ හැ. ඒත් ලැබෙන අවස්ථාව වෙනුවෙන් මම මගේ උපරිම සහයෝගය ලබාදෙනවා.

චරිතාංග නිළියක ලෙස වෘත්තීය ජීවිතයේ අභියෝග ගැන විමසද්දී දිලිනිගේ පිළිතුර වූයේ මෙවැන්නකි. රූපගත කිරීම් අවසන් වූ ඉතා හොඳ ටෙලිනාට්‍ය අටක් නමයක් පමණ තිබුණත් ඒවා විකාශනය නො වීම මටත් ප්‍රශ්නයක් වගේම එය මගේ රංගන ජීවිතයට සිදුවන ලොකු පාඩුවක්. අපේ හැකියාව හඳුනගෙන ගැළපෙන චරිත ලබා දීලා අපිට මග පෙන්වන අධ්‍යක්ෂවරු, නිෂ්පාදකවරු වගේම එහෙම අවස්ථා නො දෙන පිරිසකුත් ඉන්නවා. රංගන ශිල්පීන් ශිල්පිනියන්ගේ හැකියාවන් අධ්‍යක්ෂකවරු හරිහැටි අඳුර ගන්නෙ නැත්තෙ ඇයි කියන්න මම දන්නෙ නැ හැ.

වත්මන් රංගන ක්ෂේත්‍රයේ තිබෙන තරගකාරීත්වය ගැන දිලිනි මෙසේ කීවාය. එදාවත් අදවත් තරගයක් තියෙනවා කියලා මට හිතිලා නැ හැ. බොහෝ විට දැන් මට වැඩ කරන්න ලැබෙන්නේ ප්‍රවීණයන් සමගයි. තරුණ පිරිස එක්ක වැඩ කරන්න ලැබෙන අවස්ථාව අඩුයි. දක්ෂතාව, කැපවීම සමග නිහතමානීකමත් තියාගත්තොත් ක්ෂේත්‍රය තුළ දිගු ගමනක් යා හැකියි.

ක්ෂේත්‍රයට ආව දවසේ ඉඳන් මගේ සෙවණැල්ල වගේ හිටියේ මගේ මල්ලි. මල්ලි දැන් ඩුබායිවල සූපවේදියෙක් විදිහට වැඩ කරනවා. මල්ලි නැ ති අඩුව මට වචනවලින් කියන්න අමාරුයි. එයා ගිය මුල් කාලේදි මට කිසිම දෙයක් තනියම කර ගන්න බැරිවුණා. ඒත් එයාගේ යහපත වෙනුවෙන් අක්කා විදිහට මමත් උපරිම සහයෝගය දිය යුතු නිසා අමාරුවෙන් ඒ වෙන්වීම දරාගෙන ඉන්නවා.

බැඳීම්වලට වඩාත් ළෙන්ගතු සුන්දර යුවතියක වන දිලිනිට ප්‍රේමයේ සුන්දරත්වය නො දැනෙනවා විය නො හැකිය. ඒ ගැනත් අප ඇයගෙන් විමසුවෙමු. කාලයක් මට ප්‍රේම සබඳතාවක් තිබුණත් මේ වෙද්දි මම පෙම්වතියක් නෙ වෙයි. ලැබුණු අත්දැකීම් සමග ජීවිතය හොඳින් ඉදිරියට පවත්වාගෙන යෑමට නම් වෘත්තීය ජීවිතයක් සාමාන්‍ය ජීවිතයත් පිළිබඳ හොඳ අවබෝධයක් තිබෙන ආදරණීය අයෙක් මට අවශ්‍යයි. විවාහ වෙන්න හොඳම වයසේ ඉන්න නිසා ගෙදරිනුත් ඒ ගැන කියනවා. ඒත් විවාහය සඳහා සුදුසුම කෙනා හමුවිය යුතු නිසා ඒ ගැන බලාපොරොත්තුවෙන් ඉන්නවා. (සචිනි බස්නායක – රසඳුන)

 

49

 

48

 

47

 

46

 

45

 

44

 

43

 

42

 

41

 

40

 

39

 

38

 

37

 

36

 

35

 

34

 

33

 

32

 

31

 

30

 

29

 

28

 

27

 

26

 

25

 

24

 

23

 

22

 

21

 

20

 

19

 

18

 

17

 

16

 

14

 

13

 

12

 

11

 

10

 

9

 

8

 

7

 

6

 

5

 

4

 

3

 

2

 

1

මෙන්න බලන්න තවත් ගොසිප්