1660 Views
මෙරට තුළ කො රෝනා ව්‍යාප්තිය සීඝ්‍ර වීමත් සමඟ පසුගිය 20 වනදා රාත්‍රී 10 සිට 30 වනදා අලුයම 4.00 දක්වා රට සම්පූර්ණයෙන්ම වසා දැමීමට රජය කටයුතු කළා. මෙම කාලය තුළ දී දෛනික ආදායම අ හිමි වූ පිරිසට රුපියල් 2000 ක් මුදලක් ලබා දීමටයි රජය තීරණය කළේ. කෙසේ වෙතත්, කුලී රැකියා කරමින් සිය ජීවිකාව රැගෙන ගිය බොහෝ අයගේ ආදායම් මාර්ග මේ වනවිට අ හිමිව තිබෙනවා. එවැනි කතාවක් ෆේස්බුක් තුළ මේ වනවිට මෙවන් කොමෙන්ටුවක් සංචරණය වෙමින් තිබෙනවා.
“අද මම කඩේට ගිය වෙලාවේ අවුරුදු 70ක විතර අංකල් කෙනෙක් කඩේට ඇවිත් ඇහැව්වා නෝනා අඩුවටම තියෙන හාල් මොනාද කියලා, කඩේ ඇන්ටි කිව්වේ නාඩු විතරයි අංකල් තියෙන්නේ ඒකත් 110ක් කියලා, අනේ නෝනා මට කිලෝ දෙකක් දෙන්න කියලා අංකල්ගේ සාක්කුවේන් 10කාසි විස්සේ කොල අරගෙන ඒකෙන් 220 එකතු කරලා දුන්නා, මම හිතන්නේ තව රුපියල් 30ක් වගේ ඉතුරු වෙන්න ඇති, මම ඇත්තටම කඩේට ගියේ ඩන්නිල් ඩබල් ස්වීච් පැකට් දෙකක් ගන්න, මොකද සති දෙකකටවත් රට වහයි කියලා, මම ගෙනිච්ච 5000න් මම ඒ අංකල්ට උවමනා දේවල් අරන් දුන්නා, මම සිකරට් ගත්තේ නෑ, හැබැයි මට අද මාර සතුටක් තියෙන්නේ, මම අද ඉදන් කවදාවත් සිකරට් බොන්නේ නෑ.
ඒ සල්ලි මම වියදම් කරන්නේ දුප්පත් මනුස්සයෙක්ගෙ බඩගින්න වෙනුවෙන් විතරයි, මොකද අපේ මිනිස්සු ගොඩක් මාසික වැටුප් ලබන අය ආසයි lockdown කරනවාට, හැබැයි දවසේ කුලියක් කරලා, අඩුමගානේ කාගේ හරි වත්තක් උදලු ගාලා දවසට රුපියල් 1000 ක් හම්බ කරන මනුස්සයෙක්ගෙ දුක ඊට වඩා වැඩි, මට ඒ අංකල් හාල් ගන්න සල්ලි එකතු කරපු විදිහට මගේ පපුව මොකක්ද වගේ උනා, අපි හැමෝම එකතු වෙලා හරියට පරිස්සම් උනානම් මෙහෙම තත්ත්වයක් එන්නේ නෑ කියන එක අපි පිලිගන්න ඕන, මේ අපේ රටේ එක පුද්ගලයෙක් වෙන්න පුලුවන් මේ වගේ දරුවන් බලන්නේ නැ ති, ඒ වගේම එදා වේල හම්බකරන් කන පවුල් කීයක් නම් ඇතිද, අපි එක එකාට ඇගිල්ල දික් කරන්නේ නැ තිව අපි හැදෙමු අපි පරිස්සම් වෙමු අපි එකිනෙකාට උදවු කරගමු, එතකොට මේ වසන්ගතයත් ඉවරවෙයි මිනිසත් කමත් වැඩි වෙයි, ඒ වගේම ලස්සන රටක් හැදෙයි,” – Hansaka Sanjaya
