Jul
17

කුහකත්වයෙන් තොරව ඇත්ත ඇති හැටියෙන් දකිමු – ගෝඨා ට ඉඩ දෙමු..!

 
1287 Views
   
 

වසංගතයක ඇති බැරෑරුම්කම අපි මේවනවිට කොතෙකුත් කතා කරඇත්තෙමු. එවන් තත්ත්වයක් තුල මනසින් උසස් යැයි සම්මත සත්ත්වයාගේ වගකීම් කෙබඳුදැයි ද අපි විමසා ඇත්තෙමු. එහෙත් ඒ වගක් නෑසු කන්ව හා නො’දුටු දෑසින් යුතුව කල් ගෙවන්නෝ ද වෙති. එය සැමදා සැමවිට ජාතියක් අපි මුහුණ දෙන ඛේදවාචකයකි. ඉන් මිදීම තවමත් ලෙහෙසි පහසු කාර්යයක් වී නැත. ඇතැම් තන්හි දිගින් දිගට ම සිදුවන මිනිස් සංහතියට ම අනුමත කළ නොහැකි සිදුවීම් ඒ දුෂ්කරතාවය පැහැදිලි කරයි. එහෙයින් වසංගතයේ ස්වභාවය පෙර ලිපියකින් යලි මෙනෙහි කරන්නට සිතුවෙමි.

“…වසංගතය යන වදන අප සමාජ ව්‍යවහාරයේ නිතරන්තරයෙන් දැන් දැන් අසන්නට ලැබුණ ද අපි අපිම “වසංගතයක්” යන්න නිතර භාවිත කළෝ වෙමු. කිසිවෙකුත් තවකෙකුට හිරිහැරයක් හෝ කණ්කරච්චලයක් වූ අවස්ථාවන්හිදී ද මෙවන් වසංගත තත්ත්වයක් නොවුව ද, එසේ වන හි’රිහැරයට “වසංගතයක්” යැයි පවසන්නට අපි පුරුදුව සිටියෙමු. දැන් ඒ තත්ත්වය අප දෙපා මුලට ම පැමිණ ඇත. වසංගතයට ගොදුරු වූවෝ අතරින් ඇතැමෙක් මි’යැදී ය. තවත් අය ලෙඩ ඇඳේ ය. තවත් අය අසාදිත ය. අනෙක් පිරිස කොයි මොහොතේ අපේ දොරටත් එය තට්ටු කරාවිදැයි සැකයෙන් කල් ගෙවති. ඒ ආකාරයට අනෙකුන් කරා වසංගතය නො’පැමිණේවායි අපි පතමු. ඒ කෙසේ වෙතත්, රටේ තත්ත්වය බ’රපතල ය. ඒ නිසාම ඒ යට ඇති කටුක එහෙත් අමන ජුගුප්සාවන් ද අපි අවබෝධ කරගත යුතු වෙමු.”

ඒ අතර, වසංගතයට ඇති එක ම විද්‍යාත්මක විසඳුම ලෙස ලොව ම පිළිගත් ක්‍රමවේද අතරින් එන්නත්කරණය විශේෂිත ය. එන්නත් නිෂ්පාදනයේ දී හා එන්නත් මිලදීගැනීමේ දී ලොව ම මුහුණ දුන් අභියෝග අපමණ ය. ආගන්තුක වෛරසයක් වෙනුවෙන් ප්‍රතිකාර සොයාගැනීම දියුණු සමාජයේ දී වුව අභියෝගයකි. ප්‍රතිකාර සොයාගත්ත ද ගෝලීය වසංගත තත්ත්වයක දී එය නිෂ්පාදනය හා බෙදාහැරීම තවත් අභියෝගාත්මක ය. ගෝලීය ජනගහනයට සාපේක්ෂව හා එහි ඉල්ලුම්කරුවන් අතර බෙදාහැරීම තරගකාරී ය. ඒ නිසා ම එහි මිල ගණන් ද ඇතැම් රාජ්‍යයන්ට තවත් ජය ගතයුතු ඉසව්වකි.

මෙවන් ගෝලීය වසංගත තත්ත්වයත් සමඟ ම අප රට ද මුහුණ දී ඇත්තේ අලුත් අලුත් අභියෝග රැසකට ය. සමස්ත දේශය ම දශක කිහිපයකට පසු වෙනස් ම දැක්මකින් හා ක්‍රියාකාරී යථාවකින් යුතු නායකත්වයකට අත වැනුවේ ද එතෙක් පැවැති අභියෝග රැසක් ජයගන්නට ය. පඹ ගාලක පටලවා ඇති දේශයක් ඉන් මුදවාගැනීම පිණිස අවංකව කැපවූ නායකත්වයක් රට භාරගැනීමත් සමඟ ම ගෝලීය වසංගත තත්ත්වයකට මුහුණ දීමට සිදුවීම එක් අතකින් කනගාටුදායක ය. ඒ තුල වන දු’ෂ්ට බලවේග සැපෙන්, සතුටින්, සුවෙන් යුතුව කල්ගෙවමින් අන්තේයවාසියකයින් මිරිඟු පසුපස දක්කද්දී වුව රට අගාධයෙන් ගොඩටගැනීමට පාලකයින්ට සිදුව තිබේ. ඒ අතර දත් විළිස්සන විදෙස් බලවේගයන් ද පිටුදැකීමට පියවර ගතයුතුව තිබේ.

මේ සියල්ල අතරතුර, රටේ පිහිටට සිටින විදෙස් මිතුරන් ද සතුරන් ලෙස හුවා දක්වමින් කටයුතු කරන අමන බලවේගයන්ට පිළිතුරු සැපයීම ද රාජ්‍යයේ පාලකයින්ගේ කර මත පැටවී ඇති තවත් මරාලයකි. මේ සියල්ල සීරු මාරුවට විමසමින් රටේත්, ජනතාවගේත් සුබ සෙත වෙනුවෙන් කටයුතු කරන පාලකයෙක් ලෙස වත්මන් ජනාධිපතිවරයා කරන කැපවීම ජනගත නොවනතැනට පත්කිරීමට අතළොස්සක් වූ දු’ෂ්ට – පරාජිත බලවේගයන්ට කිසියම් අවකාශයක් උදාවී තිබීම ද කනගාටුදායක ය. මෙය ද සියුම්ව විමසය යුතු කරුණකි. වත්මන් ජනාධිපතිවරයා පත්වී වසර එකහමාරකි. පාලක පක්ෂයේ නායකත්වයට අවනත ඍජු ආණ්ඩුවක් පත්වී වසරකට ආසන්න ය. මෙම කාල සීමාව තුල සිදු වූ සාධනීය වෙනස්කම් රැසකි. ඒ එකින් එක ජනතා ගෞරවයට පාත්‍රවන්නට තරම් සමහන් වූ රටක් පමණක් නොව ලෝකයක් ද අපට අහිමිව තිබේ. ඒ අන් කවරක්වත් නො’ව මේ අප පෙලන ගෝලීය වසංගතයයි. ඒ නිසා ම විවේකී මනසකින් රටේ පාලකයාගේ සාධනීය ක්‍රියාදාමයන් අගයන්නට අපට අවස්ථා අහිමිකර තිබේ.

මෙම අහිමි වගකීම සමබරව විමසුමට ලක්කිරීම සැබැ පුරවැසි යුතුකම් අතර ඉහලින්ම තිබිය යුතු ය. අප මේ ගැනත් අවධානය යොමු කළ යුතු ය. සැබෑ පුරවැසි යුතුකම් ඉටුකරන්නටනම් ඒ බව දත යුතු ය. නොදන්නා දේ වටහා දීම දැනුමැත්තන්ගේ වගකීම් අතර වෙයි. මේ අප ඉටු කරන්නේ ඒ කාර්ය ය. දුෂ්ට, අධම, පවිටු හා පටු චේතනාවන්ගෙන් සමන්විත වූවන්ට මිස වෙනකෙකුට සාපේක්ෂව ගෝඨා පාලනය නීරස විය නොහැකි ය.

මන්දයත්, මෑත ඉතිහාසයේ සන්ධිස්ථානයක් බඳු 1977 සිට මේ දක්වා පාලන කාලයන් තුල ස්ථාපිත රාජ්‍ය නායකත්වයන්ට හා රාජ්‍ය පරිපාලන ව්‍යුහයන්ට සාපේක්ෂව ගෝඨා පාලනයේ ඇති වෙනස තේරුම්ගැනීමට හා අගැයීමට සද් මනසින් යුතු පුරවැසියා දැන්වත් කැපවිය යුතු ය. එය අත් නොහළ යුතු කාර්යයකි. මන්දයත්, මේ අවස්ථාව ද මග හැරිය හොත් තවත් එවන් අවස්ථාවක් මෑත අනාගතයට උරුම නොවන්නට බොහෝ සේ ඉඩ ඇති නිසා ය. එසේ අපට අහිමිවන යම් කාලයක් වෙත්නම් ඒ කාලයේ දී සිදුවිය හැකි විනාශය තවත් සියවස් ගණනාවකට නිවැරදි කරගත නොහැකිවන නිසා ය. 2015 සිට 2019 මැද භාගය දක්වා රට ට අත් වූ ඉරණම ඒ වගට අනුපමේය උදාහරණ සපයා ඇත. නව පරපුරට මෙන්ම බොහෝ දෙනාට මතක මෑත ඉතිහාසය එසේ නම් ඈත ඉතිහාසයෙන් හා යලි වරද්දා ගතහොත් ඒ වරද්දා ගන්නා අනාගතයෙන් අප ලබා ගන්නා සුගතිය ගැන කවර කතා ද ?

සටහන :ජනිත් විපුලගුණ

erertreterterter
මෙන්න බලන්න තවත් ගොසිප්