Feb
8

” ආදරණීය තේරුම් ගත් කරුණාවන්ත සැමියෙකු ලැබුණු එක පිනක්” ආදර්ශමත් පවුල් ජීවිතයක් ගතකරන නිරෝෂා හේරත්

 
532 Views
   
 

කුමාර ජයකාන්ත සහ නිරෝෂා හේරත් කියල කියන්නේ අපේ කලා ක්ෂේත්‍රය තුළ ඉන්න ජනප්‍රිය වගේම නිහතමානී යුවළක්. ඇත්තෙන්ම ක්ෂේත්‍රය තුළ නමක් දිනාගෙන ඉන්න මේ යුවළ අඹුසැමියන් ලෙසින් ගත කරන්නේ ඉතාමත් සුන්දර දිවියක්. කොහොම නමුත් බොහෝ අවස්ථාවන්හීදී මේ රංගන ශිල්පීන් දෙදෙනාගේ පවුල පිළිබඳව වගේම ඔවුන්ගේ පවුල් ජීවිතයේ අපූරු බව පිළිබඳව කතාබහට ළක්වෙනවා. මේවෙනකොට වසර විසි පහකට වැඩි කාලයක් බොහොම ආදරයෙන් විවාහ ජීවිතය සමරන මේ යුවළ ඔවුන් පිළිබඳව කතාබහ කරලා තිබෙනවා අපට දැකගන්නට ලැබුණා

එලෙස අදහස් දක්වපු ඔවුන් දෙදෙනා අතරින් නිරෝෂානම් කියල තිබුනේ ” ආදරණීය, තේරුම් ගත් කරුණාවන්ත සැමියෙකු ලැබුණු එක පිනක්. කුමාර ගැන ලෝකෙට පේන්න වර්ණනා කරන්නවත් රටට පේන්න සතුටෙන් ඉන්නවා කියලාවත් බොරුවට පෙන්වන්න ඕන නැහැ. මෙච්චර කාලෙකට අපි දෙන්නා කාගෙන්වත් කතාවක් අහගත්තෙ නැහැ.” කියලයි

ඉතින් මේ විදිහට අදහස් දක්වපු ඇය කියන්නේ අපි දෙන්නට දෙන්නා කවදාවත් නීති දාගෙන රඟපාන්න එපා කියලත් නැහැ කියලයි. ඒ වගේම තමන් කරන්න ඕන මොනවද කියලා දැනගෙන හැමදේම ලිමිට් එකේ කරනවා නම් කාගෙන්වත් කතා අහගන්න ඕනේ නැහැ කියන ඇය කියන්නේ ගෙවල් වල ප්‍රශ්න ඇති වෙන්නෙත් නැහැ කියලයි. අපි මොන දේ කලත් තමන්ගේ පවුලේ සැමියාගේ බිරිඳගේ දරුවන්ගේ ගෞරවය ගැන හිතලා වැඩ කරනවා නම් හොදින් ඉන්න පුළුවන් කියලයි ඇය අවසාන වශයෙන් කියා සිටියේ

කොහොමහරි ඉතින් දශක කිහිපයක් තුළදී විවිධ නිර්මාණයන් සදහා මේ යුවළ සිය රංගන දායකත්වය ලබාදුන්නු අතර ඒවා සියල්ලටම හිමිවූයේ ඉහළ ප්‍රේක්ෂක ආදරයක්. ඇත්තෙන්ම ඔවුන්ගේ නිර්මාණ කාර්යයන් සියල්ල ප්‍රේක්ෂක හදවත් වල ආදරයෙන් ලැගුම් අරගෙන තිබෙනවා. ඒ බව නොරහසක්. ඉතින් ඔවුන්ගේ ඉදිරි කලා කටයුතුවලට වගේම ඉදිරි බලාපොරොත්තු සියල්ල සර්වප්‍රකාරයෙන්ම සාර්ථක වේවා කියල අපි හදවතින්ම සුභපැතුම් එකතු කරනවා

මෙන්න බලන්න තවත් ගොසිප්