Jul
28

සුව සැරියට වසර පහයි

 
749 Views
   
 

මෙරට රෝගී සත්කාරක සේවා වෙනුවෙන් මහත් කැප කිරීමක් සිදුකරන සුවසැරිය ගිලන් රථ සේවයට අදට වසර 5 ක් සපිරෙනවා.

2016 වසරේ ජුලි 28 වනදා ඉන්දීය අනුග්‍රහයෙන් 1990 සුවසැරිය ගිලන් රථ සේවය ආරම්භ කෙරෙන අතර, එහි සුවිශේෂීත්වය වුණේ සම්පූර්ණයෙන්ම නොමිලේ ලබාදෙන සේවාවක් වීමයි. නිවසේදී හෝ මහමඟදී අ’සාධ්‍ය තත්ත්වයට පත්වන ඕනෑම රෝගියෙකු කඩිනමින් රෝහල් ගත කිරීම එමගින් සිදුවනවා.

රෝගියාට අවශ්‍ය ප්‍රථමාධාර සේවාවන් ද එහිදී ක්‍රියාත්මකයි. දිනකට ඇමතුම් 5000 කට අධික ප්‍රමාණයක් සුවසැරිය ගිලන් රථ සේවයට ලැබෙන අතර, ගිලන් රථ 297 ක් මේ වනවිට සේවා කටයුතු වල නිතර වනවා. තවත් ගිලන් රථ 112 ක් අලුතින් එක් කිරීමට ජනාධිපතිවරයාගේ අවධානය යොමුව ඇති බවයි ප්‍රාථමික සෞඛ්‍ය සේවා රාජ්‍ය අමාත්‍යාංශය පැවසුවේ.

වසර 5 ක කාලය තුල සුව සැරියට ලැබී ඇති ඇමතුම් සංඛ්‍යාව හතලිස් එක්ලක්ෂ 70,125 ක්. රෝගීන් නවලක්ෂ 3438 ක් රෝහල් ගත කිරීමට එහි ඍජු දායකත්වය හිමිව තිබෙනවා.

කොරෝනා පාලනය සඳහා ද සුව සැරියෙන් වදනින් කෙටි කළ නො’හැකි දායකත්වයක් ලබාදෙන අතර මේ දක්වා රෝගීන් 67,962 ක් රෝහල් ගත කරමින් මිනිස් ජි’විත රැක ගැනීමට ඔවුන් කරන මෙහෙවර මෙරට සියලුදෙනාගේ ප්‍රශංසාවට ලක්වන්නක්.

මෙන්න බලන්න තවත් ගොසිප්