Oct
30

කාන්තාවක් නඩත්තු කරන්න රත්තරන් මුදු 5ක් ඉස්සූ තරුණයාට මීගමුව අධිකරණයෙන් දුන් දඬුවම

 
1243 Views
   
 

ඉතා සමීපව ඇසුරු කරන 29 හැවිරිදි කාන්තාවක් වෙනුවෙන් වියදම් කිරීමට මුදල් සොයා ගැනීම සඳහා ස්වර්ණාභරණ මිලදී ගැනීමට ගනුදෙනු කරුවකු ලෙස පැමිණ ලක්ෂ 7 ක් පමණ වටිනා රන් මුදු 5ක් කොල්ලකන ලද සැකකරුවකු නොවැම්බර් මස 9 වන දින දක්වා රක්ෂිත බන්ධනාගාර ගත කරන ලෙස මීගමුව ප්රධාන මහේස්ත්රාත් පී.එන්.එල් මහවත්ත මහත්මිය නියෝග කළාය.

මෙසේ රක්ෂිත බන්ධනාගාර ගත කරනු ලැබුවේ මීගමුව දළුපොත සිරකඳවුර පාරේ පදිංචි 23 හැවිරිදි විකුම් සංකලන නැමැති සැකකරුය.

මෙම සැකකරු 2021 මැයි මස 8 වන දින මීගමුවේ පිහිටි ප්රසිද්ධ ස්වර්ණාභරණ අලෙවි සැලකට පැමිණ මුද්දක් මිලදී ගැනීමට අවශ්ය බව පවසා ඇති අතර වෙළෙඳ සේවකයෙකු විසින් ලබාදුන් රත්රන් මුදු කිහිපයක් ඇඟිලිවල පැළඳ ප්රමාණය පරීක්ෂා කරන බව අඟවමින් සිට මුදු පහක් ඇඟිලිවල පැළඳගෙන යතුරුපැදියක නැඟ පලාගොස් තිබේ.

සී.සී.ටී.වී කැමරාවල සටහන්ව තිබූ දර්ශන ඔස්සේ විමර්ශනය සිදු කළ මීගමුව කොට්ඨාස අපරාධ විමර්ශන අංශයේ නිලධාරීන් විසින් මැයි මස 26 වෙනිදා මීගමුව සිර කඳවුර ප්රදේශයේදී සැකකරුව අත් අඩංගුවට ගෙන තිබේ.

අත් අඩංගුවට ගෙන සිදු කළ ප්රශ්න කිරීම් වලදී අනාවරණය වූ තොරතුරු මත ගම්පහ සහ කොළඹ ස්වර්ණාභරණ උකස් මධ්යස්ථාන වලට අලෙවි කර තිබූ ග්රෑම් 25.49 ක රත්රන් පොලිසිය භාරයට ගෙන තිබේ.

මීගමුව කොට්ඨාස ජේෂ්ඨ පොලිස් අධිකාරි සමන් මහතාගේ අධීක්ෂණය යටතේ අපරාධ විමර්ශන ඒකකයේ ස්ථානාධිපති ප්රධාන පොලිස් පරීක්ෂක සමින්ද සිල්වා මහතාගේ උපදෙස් අනුව පොලිස් පරීක්ෂක කරුණානායක මහතා සිදුකළ මෙම අත් අඩංගුවට ගැනීමට සහ විමර්ශන කටයුතු සඳහා උප පොලිස් පරීක්ෂකවරුන් වන මාරසිංහ, මධුශංක, පොලිස් සැරයන් විජේනායක, පොලිස් කොස්තාපල් වන්නිනායක, කාන්තා පොලිස් කොස්තාපල් සවින්ද්යා යන නිලධාරීන් සහභාගි වී ඇත.

මීගමුව පොලීසියේ නඩු මෙහෙයවන නිලධාරියා වූ නවරත්න බණ්ඩාර මහතා මෙම පැමිණිල්ල මෙහෙයවීය.

erertreterterter
මෙන්න බලන්න තවත් ගොසිප්