Feb
10

” මම හැමතිස්සෙම හරි නෑ, මම හොඳ කෙනෙකුත් නෙවෙයි මම එහෙම උත්සාහ කරන්නෙත් නෑ” ජනප්‍රිය නිළි මේධා ජයරත්න

 
1942 Views
   
 

මේධා ජයරත්න කියල කියන්නේ කාලයෙන් කාලයට මෙරට ජනයා අතර කතාබහට ළක්වන ලාංකීය කලා ක්ෂේත්‍රය තුළ ඉන්න ජනප්‍රිය වගේම සුන්දර රංගන ශිල්පිනියකි. ඇත්තෙන්ම ඇයව අපට සිය තරුණ පෙනුම එක ලෙසින්ම පවත්වා ගනිමින් ක්‍රියාකාරී ලෙස කටයුතු කරන චරිතයක් ලෙස හදුන්වන්න පුලුවනි. කොහොම නමුත් මීට වසර ගණනාවකට පෙරදී කලා ක්ෂේත්‍රයට එකතුවෙන මේධාව අපට ටෙලිනාට්‍ය ගණනාවකින්ම සහ හිරු මෙගා ස්ටාර් වේදිකාව තුළින් මේ දිනවල දැකගන්නට ලැබුණා

කොහොමහරි ඉතින් නිවේදිකාවක ලෙසින් කලා ක්ෂේත්‍රයට පිවිසෙන ඇය පසුකාලීනව රංගන ශිල්පිනියක ලෙසත් කටයුතු කරනු ලබනවා. කොහොම නමුත් මේ සුරූපී රංගන ශිල්පිනිය පිළිබඳ පසුගිය කාලයේ සමාජ මාධ්‍ය තුළ විශාල කතාබහක් ඇතිව තිබුණා. ඒ බව නොරහසක්. කොහොම නමුත් මේ ජනප්‍රිය රංගන ශිල්පිනිය පසුගිය දවසක යු ටියුබ් සම්මුක සාකච්චාවකට එක්ව තිබුණා. එහිදී ඇය දක්වපු අදහස් කිහිපයක් තමයි අද අපි මේ විදිහට අරගෙන එන්නේ

ඇත්තටම ඔබ අපේ කලා ක්ෂේත්‍රය තුළ ඉන්න ජනප්‍රිය වගේම සුරූපී රංගන ශිල්පිනියක ලෙස හදුන්වන්න පුලුවන්. ඉතින් අවුරුදු 40ක් පැනලත් ඔබ කොහොමද මේ තරම් ලස්සනට ෆිගර් එක මේන්ටේන් කරන්නේ ?

මම විශ්වාස කරන්නේ ලස්සන කියන දේ එන්න ඕනි හිත ඇතුළෙන් කියලයි. මම ගුණදායි දේ කනවා, ජිම් යනවා. අනික මම කාටවත් වැරදි කරන්න හිතන් නෑ. මම හිතන්නෙ ඒකත් බලපානවා ඇති ලස්සන වෙන්න. ජීවිතේ වැරදිච්ච තැනක් හදාගන්න හම්බුණොත්, කොතනද හදාගන්නෙ? මම කොහොමත් වෙච්ච දේවල් ගැන පසුතැවෙන කෙනෙක් නෙවෙයි. මම වැරදුනු තැන්වල ඉඳන් පටන් ගන්න කෙනෙක්. සමහර දේවල් අතෑරිය එක ගැන දුකක් නෑ

මේධා කියල කියන්නේ විවාහයට සමුදීලා තනිව ඉන්න චරිතයක්. ඉතින් විවාහය අත ඇරිය එක ගැන ඔබට දුකක් නැද්ද ?

විවාහයේ නොගැළපෙන තැන් ගොඩාක් තිබුණා. සමහර අවස්ථාවලදී අපිට දැනෙනවා ඒක. මම ඉතින් අතෑරියා එච්චරයි

ඇත්තටම මේධා හොයනවද ඔබේ දික්කසාද සැමියා ගැන?

පසුගිය දවස්වල එයාට කොවිඩ් හැදිලා හිටියා. මම ඉතින් කෑම හදලා යැව්වා ගෙදරට. මං දන්නෑ කෑවද නැද්ද කියලා. ඒත් ඉතින් හදලා යැව්වා. දන්නෑ හිතේ තරහක් තියෙනවද නැද්ද කියලා. මට නම් එයා ගැන තරහක් නැහැ

කොහොමහරි ඉතින් මේධා කියන්නේ දරුවන් ඉන්න මවක් ඉතින් ඔබට දරුවෝ ගැන හිතෙන්නේ නැද්ද ?

මට දරුවෝ නිතරම හම්බවෙනවා. ඔවුනව ඊයෙත් හම්බුණා. මම එයාලා ගැන හිතනවා. මගේ ළඟට දරුවෝ දෙන්නා එව්වා නම් අනේ මම බලාගන්නවා

ඔබේ පුතයි දුවයි ඇයි ඔයා ළඟට නෑවිත් තාත්තා ළඟට ගියේ ?

උසාවියෙනුත් මම එයාලව ඉල්ලලා හිටියා. දරුවෝ ඉතින් දැන් ලොකුයි. උසාවියෙන් අහනවා කා එක්කද ඉන්න කැමති කියලා. ඒකත් ඉතින් දරුවන්ගේ ඔලුවට විශබීජ වැටිලා තිබුණ නිසා, මම එයාලව දුන්නා. හැබැයි ජීවිතෙන් අතෑරලා නෑ

ඇත්තටම දරුවොත් නැතුව තනිකඩව ඉන්නවා කියන එකත් නිදහසක් නේද..?

නෑ මේක නිදහසක් නෙවෙයි. තමන්ගේ දරුවෝ ළඟ නෑ කියල කියන්නෙ අම්මා කෙනෙකුට ඒ තරම් දුකක් නැහැ

තනිකඩව ජීවත්වෙන ඔබ රඟපෑමෙන්මද ජීවත් වෙන්නෙ ?

මට බෝයි කෙනෙක් ඉන්නවා. මම රඟපාන්නෙ ආසාවට. රඟපෑවත් නැතත්, එයාට මාව බලාගන්න පුළුවන්. එයා දරුවෝ දෙන්නත් එක්කම මාව භාරගන්න කැමතියි

කොහොමහරි ඉතින් මේ විදිහට අදහස් දක්වපු ඇගේ විවාහය පිළිබඳ විමසූ විට ඇය කියා සිටියේ මෙන්න මේ වගේ කතාවකුයි

” එක වෙලාවකට හිතෙනවා, විවාහයට නොගිහින් මෙහෙම ඉන්න එක හොදයි කියලා. ඇත්තටම දෙන්නෙක් විවාහ වෙන්නම ඕනි නෑනේ. විවාහ නොවුණා කියලා බැඳිම් නැති වෙන් නෑ. ඒ ගැන මම උපදෙස් දෙන් නෑ කාටවත්. මිනිස්සු කරන දේවල් විවේචනය කරන්නෙත් නෑ. ඔයාට දැනෙන දේ වෙනයි, මට දැනෙන දේ වෙනයි. මට හොඳයි නම් මම කරනවා. මම හැමතිස්සෙම හරි නෑ. මගේ වැරැද්ද මම පිළිගන්නවා. මම හොඳ කෙනෙකුත් නෙවෙයි. මම එහෙම උත්සාහ කරන්නෙත් නෑ. මම ගත්ත තීරණ ගැන මම පසුතැවෙන් නෑ” කියලයි ඇය අවසාන වශයෙන් කියා සිටියේ

erertreterterter
මෙන්න බලන්න තවත් ගොසිප්