Dec
28

“මම රඟපාන්න කැමති නැහැ” – දෙනෙති පුස්සේගොඩ

 
987 Views
   
 

දෙනෙති පුස්සේගොඩ කියන්නේ මේ දිනවල කාගේත් අවධානය දිනාගත් සුරූපී නර්තන ශිල්පිනියක්. සමාජ මාධ්ය ඔස්සේ කලින් කලට බිහිවෙන තරු අතරට ආව අලුත්ම නර්තන තාරකාවිය දෙනෙති පුස්සේගොඩ නිසාම පිනිපලස තුළින් ඇය සමග කතාබහ කළා.

ඔයා ගැන මුලින්ම කියන්නකෝ…

මගේ ගම නුවර. ගේට්වේ ජාත්යන්තර පාස​ලේ තමයි ඉගෙන ගත්තේ. අප්පච්චි ප්රියන්ත පුස්සේගොඩ. අම්මා ධම්මි පුස්සේගොඩ. අයියලා දෙන්නෙක් මට ඉන්නේ. ලොකු අයියා කෞෂාල් පුස්සේගොඩ දැන් අවුරුදු 10කට වඩා ඔස්ට්රේලියාවේ මෙල්බන් නුවර පදිංචි වෙලා ඉන්නේ. පොඩි අයියා ෂෙනාල් පුස්සේගොඩ එයා සොෆ්ට්වෙයාර් ඉන්ජිනියර් කෙනෙක්. අපේ ඩාන්සින් වීඩියෝ සහ සින්දු හදන ඒවායේ ඉඳන් කැමරාකරණයයි එඩිට් කරන ඒවයි කරන්නේ පොඩි අයියා.

මුලින්ම වැඩිම ප්රතිචාර ලැබුණ වීඩියෝ එක මොකක්ද ? 

අපි වීඩියෝ කිහිපයක්ම කළා. ඉස්සෙල්ලාම ගොඩක් ප්රතිචාර හම්බවුණේ ‘පන්දම’ කියන සින්දුවට මමයි මගේ යාළුවයි කරපු ඩාන්සින් වීඩියෝ එක. ඊට පස්සේ රෝහිත රාජපක්ෂගේ ‘ඇයගේ සිනා’ සින්දුවට ඩාන්ස් කවර් එකක් කළා. තව Old Town Road කියන ඉංග්රීසි සින්දුවට කළ කවර් ඩාන්ස් එකට වර්ල්ඩ් වයිඩ් විව්ස් ආවා. ඒවායින් තමා යූටියුබ් චැනල් එක ගොඩනැගුණේ.

මේ ඩාන්සින් ගමනේ රටම දන්නා කෙනෙක් වුණු නිර්මාණය ගැනත් කියමු ?

මමයි, කාව්යයි කිංකිණි සහ අංජලි එක්ක ඉංග්රීසි සිංදුවකට හන්තානේ ඩාන්ස් එකක් කළා. ඒ ඩාන්ස් එකට එඩිට් එකක් හදලා තිබ්බා රන්වන් රන්වන් සේල ඇඳ එකේ මික්ස් එකකට. ඒක කවුද කළේ කියලා තමා දන්නේ නැත්තේ. ඒකෙන් හොඳටම වයිරල් ගිහින් ලංකාවේ ගොඩක් කට්ටිය අපිව දැනගත්තා. ඒක වෙන්නේ 2019 දී. ඊට පස්සේ අපි කරපු ජෙරුසලම වීඩියෝ එක ලංකාවේ විතරක් නෙවෙයි ලෝකයේ රටවල් කිහිපයක ඉන්න අය නරඹලා තියෙනවා. මේ වෙද්දී මිලියන 7.1ක් බලලා තියෙනවා.

ඒක මුළු ලෝකෙම කරන ලස්සන ඩාන්ස් එකක් හින්දා සහ චැලේන්ජ් එකක් නිසා අපි එක පැයක් ඇතුළත ප්රැක්ටිස් කරලා කරපු එකක්. අපේ ගෙදර පිටිපස්සේ තියෙන පාරට ගිහින් විනෝදෙට වගේ කරපු වීඩියෝ එකක්. සාමාන්යයෙන් අපි වීඩියෝ කරද්දී ගොඩක් ප්ලෑන් කරලා කරන්නේ. නමුත් මේක විතරක් අපි නිකම් එකතුවෙලා එක දවසින් කරලා අප්ලෝඩ් කරා. ඒකත් වුණේ කවුදෝ කෙනෙක් ඒකට සඳ කුමාරි සින්දුව දාලා එඩිට් එකක් කරලා ටික් ටොක් එකට දාලා. ඒකෙන් තමා ගොඩක් අය අපේ විඩියෝස් බලන්න පටන් ගත්තේ. මොකද ගොඩක් අය හිතුවේ අපි සඳ කුමාරි එකට නටන්නේ කියලා. නමුත් අඩ ගැහුවේ වෙන ගිතයකට ඊට පස්සේ මම කාව්යා එක්ක ඩාන්සින් කවර් එකක් කරා චන්ද්රා පායන්න සින්දුවට. ඒකටත් හොඳ ප්රතිචාර ලැබුණා.

කාව්යා සහ කිංකිණි කොහොමද මේ ඩාන්සින් වීඩියෝවලට එකතු වෙන්න

මමයි කාව්යායි ගියේ ගේට්වේ ජාත්යන්තර පාසලට. ඉස්කොලෝ යන කාලේ ඉඳන් නර්තනය හදාරන නිසා කාව්යා දෙනෙති කිව්වම ඔක්කොම වගේ දන්නවා. කිංකිණි අපේ පාසලේ නෙවෙයි. එයා ඇත්තටම ගම්පොළ. මම හේමා මිස්ගේ ක්ලාස් එකේ ඉන්න කාලේ අවුරුදු හය හත වගේ කාලේදී එයත් ආවා මිස්ගේ ක්ලාස් එකට. එතනින් තමා එයාව දැන ගත්තේ. ක්ලාස් දෙකේම ඇනුවල් කොන්සර්ට් එකට අපි එකට ඩාන්සින් අයිටම් ප්රැක්ටිස් කළා. කොහොම හරි අපි ක්ලාස් නැවැත්තුවත් අපි අතරේ ගොඩනැගුණු මිත්රත්වය දිගටම තිබ්බා. ඊට පස්සේ මම වීඩියෝ හදද්දී කාව්යා එක්ක හදනවා වගේම කිංකිණිවත් මතක් වෙලා ඇහුවා කැමතිද එන්න මෙහෙම ඩාන්ස් කවර් ටිකක් කරනවා කියලා. අපි ආසාවෙන්ම කරන දෙයක් නිසා එයා කැමති වුණා. කාව්යා ගේට්වේ ජාත්යනතර පාසලේ ආර්ථික විද්යාව උගන්වන ගුරුවරියක්. කිංකිණි නීති ශිෂ්යාවක් පේරාදෙණිය විශ්වවිද්යාලයේ. 

දැන් ඩාන්සින් වීඩියෝ වයිරල් වීමත් එක්ක කලා ක්ෂේත්රයට පිවිසෙන්න අවස්ථාව ලැබිලා තියෙනවා නේද

ඔව්. මෑතකම අපි කළා භාතිය සන්තුෂ් අයියලාගේ උන්මාද ප්රේම ගීය මියුසික් වීඩියෝ එක. භාතිය අයියා මගෙන් ඇහුවා වීඩියෝ එකක් කරන්න කැමතිද කියලා. වීඩියෝ එකට මුළු පිරිසම තෝරාගෙන මටම ඒක නිර්මාණය කරන්නත් කිව්වා. මම සාමාන්යයෙන් කරන්නේ මගේම පිරිස එක්ක නර්තනයක් නිර්මාණය කිරීම. නමුත් මේ වගේ පිරිසක් එක්ක මට වෙනස් අලුත් නිර්මාණයක් කරන්න ලැබුණු එක ගැන සහ ඒ වගේ ලොකු අවස්ථාවක් ලැබුණු එක ගැන ගොඩක් සතුටුයි. ඒ වගේම රූපවාහිනී නාළිකා කිහිපයකින් වැඩසටහන්වලට ආරාධනා ලැබුණා. 

රඟපාන්න ආරාධනා ලැබිලා නැද්ද ? 

ආරාධනා ගොඩක් කිහිපයක් තියෙනවා. නමුත් රංගනයට කැමැත්තක් නැහැ. නමුත් වීඩියෝ වැඩක් නම් භාර ගන්න ඉඩ තියෙනවා. සුපුන් පෙරේරාගේ වීඩියෝ එකට හිටියා. ඒ වගේ මම ආස ආටිස් කෙනෙක්ගේ වීඩියෝ එකකට සහභාගි වෙනවා. ටෙලි ඩ්රාමා සහ චිත්රපටවලට නම් කැමති නැහැ. 

දෙනෙති ආදරවන්තියක්ද

ඔව්. දැන් අවුරුදු හයක් විතර වෙනවා අපේ ආදරේට. එයා මාව පොඩි කාලේ ඉඳන්ම දන්න කෙනෙක්. අපි ෆැමිලි ෆ්රෙන්ඩ්ස්ලා. එයත් නුවර. එයා දන්නවා මම ඩාන්සින්වලට කොච්චර ආදරේද කියලා. එයත් එහෙම තමයි එයා කරන දේට එයා හරි ආදරෙයි. 

 

අනුෂා රණසිංහ

මෙන්න බලන්න තවත් ගොසිප්