Mar
14

රාජපක්ෂ සහෝදරයෝ හොර සමාගම් හදා රටෙන් සල්ලි පන්නයි!

 
252 Views
   
 

තමන් දැරූ තනතුරුවලින් නීති විරෝධී ආකාරයෙන් ඉවත් කිරීම අභියෝගයට ලක් කරමින් සමාගම් කළමණාකාර අධ්‍යක්ෂවරයකු ලෙස කටයුතු කළ සජිත් රාජපක්ෂ මහතා විසින් ගොනුකර තිබූ නඩුව සම්බන්ධයෙන් නියෝගය 2024 අප්‍රේල් 30 වැනිදා නිකුත් කිරීමට කොළඹ වාණිජ මහාධිකරණ විනිසුරු ප්‍රියන්ත ප්‍රනාන්දු මහතා මාර්තු (13) දින නියම කළේය.

තමාව නැවත එම තනතුරුවල පිහිටුවන ලෙසට අධිකරණය විසින්ම ලබා දුන් නියෝගය නොසලකා හැරීමෙන් විත්තිකරුවන් අධිකරණයට අපහාස සිදුකර ඇති බැවින් ඔවුනට එරෙහිව නීතිමය පියවර ගන්නා ලෙස ඉල්ලා සජිත් රාජපක්ෂ මහතා විසින් ගොනුකර තිබූ පැමිණිල්ල සම්බන්ධයෙන් විමර්ශනය එදින පැවැත්වීමටද විනිසුරුවරයා දින නියම කළේය.

DSI සමාගම ඇතුළු සමාගම් සමූහයට අයත් සමාගම් කිහිපයක කළමනාකාර අධ්‍යක්ෂ ධූර දැරූ සිය සේවාදායකයා එකී තනතුරුවලින් ඉවත් කර ඇත්තේ සමාගම් පණත උල්ලංඝනය කරමින් හා ස්වභාව යුක්ති ධර්මයට සම්පූර්ණයෙන්ම පටහැනි ආකාරයෙන් යැයි සජිත් රාජපක්ෂ මහතා වෙනුවෙන් පෙනී සිටි ජනාධිපති නීතිඥ මාරපන මහතා මාර්තු (13) දින කොළඹ වාණිජ මහා අධිකරණ විනිසුරු ප්‍රියන්ත ප්‍රනාන්දු මහතා හමුවේදී පැවසීය. අභූත චෝදනා මත අත්අඩංගුවට ගෙන රක්ෂිත බන්ධනාගාරයක් ගතකර සිටියදී සිය සේවා දායකයාව නිසි විමර්ශනයක් සිදු නොකර අත්තනෝමතික ආකාරයෙන් ඉවත් කිරීමෙන් සහ ඔහු දැරූ තනතුරුවලට වැඩ බැලීම සඳහා වෙනත් අය පත්කිරීම සම්පූර්ණයෙන්ම නීති විරෝධී වන්නේ යැයිද ජනාධිපති නීතිඥ නවින් මාරපන මහතා එහිදී අධිකරණයට පැවසීය.

එකී ඉවත් කිරීම සිදුකර ඇත්තේ ඉතා සීමිත පිරිසකගේ අවශ්‍යතාවය හා බලපෑම් මත බවත් විශේෂයෙන් ඉතා කාර්යක්ෂම පුද්ගලයෙකු වන සජිත් රාජපක්ෂ වැනි අයෙකු ඉවත් කිරීම, වග උත්තරකරුවන් සිදුකර ඇතැයි කියන විවිධ අක්‍රමිකතාවන් වසන් කිරීමේ අරමුණින් සිදුකළ බවට පෙනී යන්නේ යැයිද ජනාධිපති නීතිඥවරයා අධිකරණයට පැවසීය.

DSI සමාගම් සමූහයට අයත් සමාගම් අතරින් සිය සේවා දායකයා මෙහෙයවන සමාගම් මව් සමාගමේ ලාභයෙන් 60%කට අධික ශුද්ධ ලාභයක් උපයා ඇති බවත් එකී දක්‍ෂභාවයන් හේතුවෙන් අනෙකුත් සමාගම්වල මූලිකයන් ලෙස කටයුතු කළ වගඋත්තරකරුවන්, ද්වේශසහගතව එකී කුමන්ත්‍රණය දියත් කර ඇති බවත් ජනාධිපති නීතිඥවරයා අධිකරණයට කරුණු දක්වන ලදී.

තවදුරටත් අධිකරණයට කරුණු පෙන්වා දී ඇත්තේ DSI සමූහ ව්‍යාපාරයේ වර්තමාන කළමනාකාර අධ්‍යක්ෂ මෙන්ම CNCI (The Ceylon National Chamber of Industries) ආයතනයේ නියෝජ්‍ය සභාපති කසුන් රාජපක්ෂ සහ DSI සමූහ ව්‍යාපාරයේ  අධ්‍යක්ෂකවරයෙක් සහ NCE (National Chamber of Exporters) (NCE) ආයතනයේ  උප සභාපති ලෙස කටයුතු කරන ඩිල්ශාන් රාජපක්ෂ යන අය මෙරටින් පිට විවිධ පාවහන් හා සම්බන්ධ ව්‍යාපාර ආරම්භ කොට කූට ලෙස මව් සමාගමේ මුදල් විනිමය නීති වලට පටහැනි ආකාරයෙන් පිටුවහල් කර ඇති බවයි. මෙලෙස සමාගමට අහිමි කර ඇති මුළු මුදල මිලියන 400කට අධික බව අධිකරණයට කරුණු දක්වා ඇත.

අධිකරණයට දක්වා ඇති කරුණු අනුව Azamaq Novelties Trading LLC යන ඩුබායි සමාගම හරහා මව් සමාගමට රුපියල් මිලියන එකසිය හතරක මූල්‍ය අවභාවිතාවක් ද, Y Communications QLD PTY LTD යන ඕස්ට්‍රේලියාවේ ස්ථාපිත සමාගම හරහා රුපියල් මිලියන 120ක මූල්‍ය අවභාවිතාවක් ද, Lakeland Footwear International Limited යන එක්සත් රාජධානියේ ස්ථාපිත සමාගම හරහා රුපියල් මිලියන හැත්තෑවක මූල්‍ය අවභාවිතාවක් ද වශයෙන් අති විශාල මූල්‍ය අවභාවිතා සිදු වී ඇති බව තහවුරු වී ඇත. ඉහත සමාගම්වල ආයෝජනය කර ඇති ප්‍රාග්ධනය හීන වී ශුන්‍ය අගයකට පත්ව එම සමාගම්වල අලාභය 2022 මාර්තු 31 වන දිනට රුපියල් මිලියන 81 ට අධික බව අධිකරණයට ඉදිරිපත්වී ඇති කරුණු මගින් සනාථ වන අතරම මෙය අදාළ සමාගම්වල  අධ්‍යක්ෂකවරුන්ගේ අධ්‍යක්ෂ වගකීම් දරුණු ලෙස පැහැර හැරීමකි. විශාල පාඩු සිදු වී තිබියදීත්, මෙම ආයතනවලට DSI ආයතනය විසින් මිලියන 212 ක අතිවිශාල ණය මුදලක් ලබා දී ඇති අතරම වෙළඳාම් කිරීම සඳහා රුපියල් මිලියන 60 කට අධික වටිනාකමකින් යුතු භාණ්ඩ තොග අඛණ්ඩව සපයා ඇත. මෙම ආයතන ක්‍රියාත්මක වූ විදේශීය රටවලින් ද තවදුරටත් ණය පහසුකම් ලබාගෙන තිබූ  අතර විදේශ විනිමය ලංකාවෙන් ඔබ්බට ප්‍රේෂණය සඳහා දැඩි සීමාවන් පනවා තිබූ 2021/2022 කාලය තුළ ලංකාවේ විදේශ විනිමය මෙම සමාගම් වෙත ප්‍රේෂණය කළේ කෙසේද යන්න ප්‍රශ්නාර්ථයක් වී ඇත. මෙම අනාවරණවලින්  ඉහත සමාගම්වල DSI ව්‍යාපාරය විසින් මෙතෙක්  ආයෝජනය කරන ලද අතිවිශාල මුදල් ප්‍රමාණයට සිදුවී ඇත්තේ කුමක්ද යන්න පිළිබඳව දැඩි ගැටලුකාරී තත්ත්වයක් මතු වී ඇත.

තවද Samson Footwear Private Limited ආයතනය හරහා ඉන්දියාවේ ද ආයෝජනයක් සිදුකර ඇති අතර එම ආයෝජනයෙන් ද මව් සමාගමට පාඩු සිදුවී ඇති අතර Premier Synthetic Leather Manufacturing (Pvt) Ltd හරහා මව් සමාගමෙන් රුපියල් බිලියනයකට අධික ඇපකර ලබාගෙන ඇති බවද වැඩිදුරටත් අනාවරණය විය. කසුන් රාජපක්ෂ මෙම සමාගම් සියල්ලේම  අධ්‍යක්ෂවරයකු වශයෙන්  කටයුතු කරයි.

සජිත් රාජපක්‍ෂ මහතා වෙනුවෙන් කරුණු දැක්වීමට අවසර ලබාදීම සම්බන්ධයෙන් වගඋත්තරකාර සමාගම් කළමනාකාර අධ්‍යක්ෂ කසුන් රාජපක්ෂ, තුසිත රාජපක්ෂ, භාතිය අමරකෝන්, නෙලානි රාජපක්ෂ හා අසංක රාජපක්ෂ වෙනුවෙන් පෙනී සිටි ජනාධිපති නීතිඥවරයා විරෝධතාවක් දක්වා තිබූ නමුත් පෙර නඩු දිනයකදී එකී විරෝධතාවය ප්‍රතික්ෂේප කල විණිසුරුවරයා සඳහා ජනාධිපති නීතිඥ නවීන් මාරපන මහතාට අවසර ලබාදී තිබුණි.

සජිත් රාජපක්ෂ ප්‍රමුඛ රණතුංග රාජපක්ෂ පවුල විසින් මෙහෙයවනු ලබන සමාගම් සමූහයේ ලාභදායිම ව්‍යාපාර කූට ලෙස තමන් අණසකට ගැනීමට සජිත් රාජපක්ෂ තම තනතුරුවලින් ද්වේෂ සහගතව ඉවත් කිරීමට පියවර ගෙන ඇතැයි ජනාධිපති නීතිඥ නවීන් මාරපන මහතා එහිදී අධිකරණයට වැඩිදුරටත් පෙන්වා දුන්නේය.

මෙම ක්‍රියාදාමය හරහා දේශීය වශයෙන් දස දහස් ගණනකට රැකියා සපයන DSIසමූහ ව්‍යාපාරය ඉතා බරපතල අර්බුදයකට නුදුරේදීම පත් විය හැකි බවට කරුණු අනාවරණය වී ඇත.

සජිත් රාජපක්ෂ වෙනුවෙන් ජනාධිපති නීතීඥ චන්දක ජයසුන්දර මහතා පෙනී සිටි අතර ඔහුගේ සමාගම වෙනුවෙන්  ජනාධිපති නීතීඥ නවීන් මාරපන මහතා පෙනී සිටියේය.

erertreterterter
මෙන්න බලන්න තවත් ගොසිප්