Feb
9

” වෛද්‍ය උපදෙස් අනුව තමයි ඉදිරියට තාත්තා රංගනයට යොමු වෙනවා ද නැද්ද කියලා තීරණය වෙන්නේ” ගිරිරාජ්ගේ දියණිය අමන්ද්‍යා උත්පලී

 
1201 Views
   
 

මේවෙනකොට ශ්‍රී ලංකාවේ ටෙලි නාට්‍ය කලාව තුළ අතිශය ජනප්‍රියත්වයට පත් ටෙලි නිර්මාණයක් තමයි නාඩ්ගම්කාරයෝ කියල කියන්නේ. ඉතින් මේ දිනවල ජනප්‍රියත්වයට පත් මේ ටෙලි නාට්‍යයේ ඉන්න සුවිශේෂ චරිතයක් තමයි ” කුකුළා මුදලාලි ” කියල කියන්නේ. ඇත්තෙන්ම මෙම චරිතයට සිය රංගන දායකත්වය ලබා දෙන්නේ ලංකාව තුළ නමක් දිනු ආදරණීය දක්ෂ රංගන ශිල්පියෙකු වන ගිරිරාජ් කෞෂල්‍යය මහතායි. කොහොම නමුත් ගිරිරාජ් මහතා වර්තමානයේ අසනීප තත්ත්වයෙන් පසුවීම නිසාවෙන් ඔහුව අපට මේ ටෙලිනාට්‍ය තුළින් දැකගන්නට ලැබෙන්නේ නැහැ

කොහොම නමුත් අසනීප තත්ත්වය නිසා ම රංගනයෙන් ඈත් වූ ගිරිරාජ් තමන්ගේ දියණියව රංගනයට යොමු කර තිබෙනවා. ඉතින් අද අපි කතා කරන්න යන්නේ නාඩ්ගම්කාරයෝ ටෙලිනාට්‍යයට අලුතින්ම එක්වුණු ගිරිරාජ් කෞෂල්‍ය මහතාගේ දියණිය ගැනයි. ඇය නමින් අමන්ද්‍යා උත්පලි. ඇත්තෙන්ම ඇයට ඇයට කලාව කියන්න දේ ආධුනික දෙයක් නම් නෙවෙයි. ඊට හේතුව වනුයේ මොකද ඇගේ පියා ලංකාව තුළ නමක් දිනු ආදරණීය දක්ෂ රංගන ශිල්පියෙකු වීමයි

ඔබට නාඩගම් කාරයෝ ටෙලි නාට්‍යයට ආරාධනා ලැබුණෙ කොහොමද ?

ශිවා මාමා මාමා සද්ධා මට මේ නාට්‍යයට ආරාධනා කලහම මට පුදුම හිතුනා. මම ඒ ආරාධනාව ඉහළින්ම පිළිගත්තා. මගේ කලා ජීවිතයට මේ ලැබුණු අවස්ථාව ලොකු පන්නරයක් වෙනවා. මම පාසල් යන කාලේ තාත්තා අකමැති මම රඟපානවට. හැබැයි මම කලාවට එන්න ආසාවෙන් හිටියා. කොහොම වුණත් මගේ ආසාව මම හිත යට තියාගෙන හිටියේ. ඒ අවස්ථාව මට ලැබුණා

ඇත්තටම ඔබේ පියා නාඩ්ගම්කාරයෝ ටෙලි නාට්‍යයේ විශේෂ භූමිකාවකට රංගන දායකත්වය ලබාදුන්නු කෙනෙක්. ඉතින් ඔබ මේ ටෙලිනාට්‍යයට සම්බන්ධ වෙන්නේ ඔබේ පියාගේ අඩුව පුරවන්න නේද ?

කවදාවත් එහෙම නැහැ. මොකද තාත්තා එක්ක බලද්දි මම කලාව ඇතුලේ පුංචිම පුංචි වැලි කැටයක් වගේ. ගිරිරාජ් කියන රංගන ශිල්පියාගේ අඩුව පුරවන්න තවම කෙනෙක් ඉපදිලා නැහැ. නාඩගම් කාරයෝ ටෙලි නාට්‍යයේ මුලින්ම මට ආරාධනා කරද්දි මම මුලින්ම ඒ ගැන කිව්වේ තාත්තට. එයාට ගොඩක් සතුටුයි. කොටස් එක දෙකක් රඟපානකොට ලැබුණු ප්‍රතිචාර නම් ගොඩයි. කුකුලා මුදලාලිගේ ඇත්තම දුව රංගනයට ඇවිල්ලා කියලා ගොඩක් අය කිව්වා

ඔබ රංගනයට එකතුවෙන්නේ මෑතකදී ඉතින් ඔබ රංගනයට අමතරව වෙනත් වෘත්තියක නියැළෙනවා නේද ?

ඔව් මම පෞද්ගලික ආයතනයක වැඩ කරනවා. දැන් රැකියාවෙන් අයින් වෙලා පූර්ණකාලීනව රංගනයට යොමු වෙලා තමයි ඉන්නේ. දැනට මම සංගීත ගුරුවරියක් විදිහට මගෙම කලා කලා ආයතනයක් පවත්වාගෙන යනවා. රංගනය පැත්තෙන් තාත්තාගේ උපදෙස් එක්ක ලොකු ගමනක් යන්න බලාපොරොත්තුවෙන් ඉන්නවා

කොහොම නමුත් කුකුලා මුදලාලී කියන චරිතය මේ ටෙලි නාට්‍යයේ ඉන්න වැදගත් චරිතයක්. ඉතින් නාඩගම්කාරයෝ ටෙලිනාට්‍ය තුලින් නැවත අපිට කුකුලා මුදලාලි දකින්න ලැබෙන්නේ නැද්ද ?

ඇත්තම කිව්වොත් තාත්තා මේ අසනීප තත්වයට මුහුණ දුන්නේ අනපේක්ෂිත විදිහට. අපි මේ රෝගය ගැන ළඟදි තමයි දැනගත්තේ. මහරගම අපේක්ෂා අපේක්ශා රෝහලෙන් තමයි තාත්තට ප්‍රතිකාර කරන්නේ. වෛද්‍ය උපදෙස් අනුව තමයි ඉදිරියට තාත්ත රංගනයට යොමු වෙනවා ද නැද්ද කියලා තීරණය වෙන්නේ. කොහොම වුණත් තාත්තා මේ දිනවල ප්‍රතිකාර වලට යොමු වෙලා නිසා විවේකීව තමයි කාලය ගත කරන්නේ. තාත්තට දැන් තරමක සුවයක් තියෙනවා. එයා හොඳටම හොඳ උනහම නැවතත් රංගනයට ඒයි. හැබැයි ඒකට කොච්චර කාලයක් යයිද කියලා කියන්න බැහැ. සමාජ මාධ්‍ය ඔස්සේ විවිධ කටකතා පැතිරු වත් අපේ පවුලේ කිසිම කෙනෙක් ඒවට ප්‍රතිචාර දෙන්න ගියේ නැහැ

නාඩ්ගම්කාරයෝ ටෙලි නාට්‍යයට එකතුවීමත් සමග ඔබේ රංගනයට තාත්තාගෙන් ලැබුණු ප්‍රතිචාර කොහොමද ?

තාත්තා ගොඩක් සතුටින් youtube එකෙන් පවා නාට්‍ය කීප වතාවක්ම බැලුවා. මම පුංචි තිරයට එන දෙවැනි අවස්ථාව තමයි මේක. මුලින්ම රූපවාහිනියේ අවුරුදු ටෙලි නාට්‍යයක පුංචි කොටසක් රඟ පෑවා. කොහොම වුණත් රටේ ජනප්‍රිය ටෙලි නාට්‍යයකට ආරාධනා ලැබීම ගැන මම ගොඩක් සතුටු වෙනවා. ඉතින් තාත්තගේ උපදෙස් එක්කම මගේ වැරදි අඩුපාඩු හදාගෙන රංගනය හොඳට කරන්න බලාපොරොත්තු වෙනවා

erertreterterter
මෙන්න බලන්න තවත් ගොසිප්