May
20

ශ්‍රී ලංකන් ගුවන් සේවය විකුණා තුත්තිරි ගහේත් එල්ලෙමුද ?

 
1948 Views
   
 

එයාර් ලංකා විකිනීමට මම යෝජනා කරනවා.. රනිල් ලොක්කා….
ඇත්තටම මට ජේ ආර් ලොක්කා මතක්වුනානේ රනිල්ගේ ඒ කතාවට..

ඉහත ප්‍රකාශය කරන රනිල් අගමැතිතුමා එයාර්ලංකා අලාභයට හේතුවක් වූ තවත් එක් පුද්ගලයෙක්ම වීම දෛවයේ අපූරැ සරදමක්දැයි මට හැඟෙනවා… දිවාරෑ ගුවන්යානා ආශ්‍රිතව රාජකාරි කල පුද්ගලයෙකු වශයෙන් මෙම ප්‍රකාශයේ එක්තරා නොගැලපෙන බවක් ගෙන දෙනවා..

අපි දැන් බලමු එයාර්ලංකා පාඩුවෙන්න මූලික වූ හේතූ…කිහිපයක් කෙටියෙන්..

1998 දී ජාතික ගුවන්සේවය
ශ්‍රී ලංකන් ..එමිරේටිස් ආයතනයට පවරා දෙනවා.. එතැන් සිට එම සමාගම වසර දහයක් පුරාවට පාලනය කරන්නේ එමිරේටිස් පාලනාධිකාරය විසින්.1998 සිට 2008 දක්වා… නැවත පවරා ගන්නා තෙක්ම වසර 10 ක් ඔවුන් එයාර්ලංකා පද්ධතියම පාවිචිචි කලා විතරක් නොවෙි විනාශ කරලත් තිබුනා..

එයාර්ලංකා සමාගම සතුව තිබූ වාණිජමය වශයෙන් අගනා ගමනාන්ත (ෆෑන්ක්ෆර්ටි, මිලාන්,ඇමස්ටර්ඩෑමි, ස්ටොක්හෝර්මි,හෙල්සින්කි,ෆ්‍රාන්ස්මෙල්බර්න් ඔවුන්ගේ ග්‍රහනයට හසුකර ගත්තා..
එම වසර දහයක කාලය තුල කිසිදු එයාර් ලංකා ගුවන් යානයක් ඔවුන් යථාවත් කලේ නැහැ.එනමි පැරනි ගුවන්යානා වෙනුවට නවතම ගුවන්යානා මිලදී ගත්තේත් නැහැ..මහාද්වීපික ගුවන් සමාගමක් වූ ශ්‍රී ලංකන් හුදු කලාපීය ගුවන් සමාගමක් බවටද පත්කර තිබුනා.

පවරා ගන්නා විට අප සතුව ගුවන් යානා 21 ක් තිබුනා. ඒවා වසර 12 පමන පැරනි වීමත් යාවත්කාලීන නොවීමත් නිසා නඩත්තුවට අධික වියදමක් දැරීමට සිදුවුනා..
2008 පසුව දිගටම එලෙස පාඩු සිදුවුනා.

එහෙත් එමිරේටිස් අපට භාර දෙනවිට ශ්‍රී ලංකන් ලාභය. ඩො. බි. 9.2 වූවත් එය සාධනීය ලාභාංශයක් ලෙස අපට ගත හැකිද යන්න ප්‍රශ්නයක්. කෙසේ හෝ ලාබයක් පෙන්වීමත් ශ්‍රී ලංකන් අබලන් වීමත් දෙකක් නොව එකකි. හේතුව නමි ඔවුන් අපගේ පැරනි ගුවන්යානා 21 යාවත්කාලීන නොකිරීමත් පෙන්වූ ලාභාංශය ලීස් බැක් කිරීමි නිසා ලබා තිබීමත් නිසා එය ලාබයකට වඩා දිගුකාලීන පාඩුවකට හේතුවක්වී තිබුනා..
.
2008 පසුව ඇතිවුන ලෝක ආර්ථික අර්බුධයත්, රට තුල දීර්ඝ කාලීන යුද්ධයක් පැවතීමත්, එවකට එයාර් ලංකා පාලනයට පත්කර තිබූ නුසුදුස්සන් නිසාත් ගුවන් සේවය ඊළග වසරේදී එනමි 2009 දී වාර්ෂික ශුද්ධ අලාභය ඩො. බි. 10 ක් ලෙස වාර්තාවිය.. එලෙස වර්ධනය වූ අලාභය 2015 වනවිට ඩො. බි. 128.2 ලෙස වාර්තා විය..

මෙලෙස දිගින් දිගටම පාඩු ලැබීමට මා දුටු තවත් හේතු ගනනාවක්ද විය. එනමි එම ලෝක ආර්ථීක අර්බුදය නිසාවෙන් ගුවන් මගීන් සංඛ්‍යාවෙි විශාල අඩුවීමක් සිදුවීම,ගුවන් ප්‍රවෙිශ පත්‍ර ගාස්තු ඉහලයාම, තෙල් මිල උචිචාවචනය වීමත් නිසාත්, හෙජින් ගනුදෙනුව වැනි සිදුවීමි නිසාත් එම අවාසනාවන්ත පාඩු ලැබීම සිදුවිය…

2009 / 2015 කාලයේදී ගත් එක් සුවිශේෂී සාධනීය පියවරක් වූයේ පැරනි ගුවන්යානා වෙනුවට නවතම ගුවන්යානා මිලදී ගැනීමට කටයුතු කිරීමයි. එලෙස නවීන A330/300 ගුවන් යානා හතක්ද,
A 350/900 අති නවීන ගුවන්යානා හතක්ද විය.
මෙම පටිපාටිය නිසිපරිදි ක්‍රියාත්මක වූවානමි අද අපට පාඩු නොලබන ජාතික ගුවන්සේවයක් උරැමවීමට බොහෝදුරට ඉඩකඩ තිබුනි. එම සාර්ථක ගිවිසුම අවලංගුකර විශාල වන්දියක් ගෙවූයේ අද ගුවන් සමාගම පෞද්ගලීකරනය කිරීමට යෝජනාකරන රනිල් ගොයියාමය..

වත්මන් අර්බුධය නිසා දැන්නමි පෞද්ගලීකරනයට එකඟයි… ඒ වෙනත් විකල්පයක් ඇත්තේම නැති නිසාය. එයාර්ලංකා පමනක් නොව, විදුලිය,තෙල්, දුමිරිය ඇතුළු පාඩු ලබන සියළුම රාජ්‍ය ආයතන වහවහා පෞද්ගලීකරනය කිරීම කල යුතුය. දූෂිත රාජ්‍ය සේවය 1/3 එකකට අඩුකල යුතුය. කුමක්, කවරෙක් කලත් මෙි අපි උරැමකරගෙන තිබෙන අබග්ගය එයයි….

පරාක්‍රම බස්නායක
හිටපු රේගු අධ්‍යක්ෂ. බණ්ඩාරනායක ගුවන් තොටුපල
නීති හා නීති කටයුතු අධ්‍යක්ෂ රැන්සම් ලංකා..

erertreterterter
මෙන්න බලන්න තවත් ගොසිප්