Mar
2

” සමහරු ගෙදරටම යෝජනා අරගෙන එනවා, හැබැයි ඒ කාටවත් මගේ හිත ගියේ නෑ” ජනප්‍රිය නිළි සංජානා ගමආරච්චි

 
735 Views
   
 

වර්තමානය වෙද්දී ලංකාවේ අපේ කලා ක්ෂේත්‍රය තුළ ජනප්‍රියත්වයට පත් සුන්දර රංගන ශිල්පිනියක් තමයි සංජානා ගමආරච්චි කියන්නේ. 2019 දෙරණ අවුරුදු කුමරිය තරගයෙන් තෙවැනි ස්ථානය ජයක්ග්‍රහනය කරන ඇය ඉන් අනතුරුව කලා ක්ෂේත්‍රයට පිවිසෙන අතර ඇයට මේවෙද්දී කලාව තුළ සුවිශේෂ වු ගමනක් යාමට හැකිව තිබෙනවා. ඒ බව නොරහසක්. කොහොම නමුත් සංජානාව මේ දිනවල කා අතරත් ජනප්‍රිය වී තිබෙන්නේ චාමර ජයවීර අධ්‍යක්ෂණය කරන දිවිතුරා නාට්‍යයේ ටීනාගේ චරිතය තුළිනුයි

කෙසේවෙතත් ගීත රූපරචනා සහ වෙළෙඳ දැන්වීම්වලින් ක්ෂේත්‍රයේ ජනප්‍රිය වුණු සංජානා මේවෙද්දී ටෙලිනාට්‍ය රැසකටම සිය රංගන දායකත්වය ලබාදී තිබෙනවා. ඒ කොහොම උනත් මේ දිනවල හිරු ⁣නාලිකාවේ විකාශය වෙන දිවිතුරා ටෙලිනාට්‍යයේ ටීනාගේ චරිතය ඔස්සේ ජනප්‍රියත්වයට පත් ඇය සුන්දර තරුණියක වන අතර අද අපි මේ විදිහට කතා කරන්න යන්නේ ඇයත් සමගිනුයි

සංජානාව අපට වර්තමානයේ දිවිතුරා ටෙලි නාට්‍යයේ ටීනාගේ චරිතය තුළින් දැකගන්නට ලැබෙනවා. ඉතින් දිවි තුරා ටෙලිනාට්‍යයට ලැබෙන ප්‍රතිචාර කොහොමද ?

ඇත්තටම ගොඩක් හොඳ ප්‍රතිචාර ලැබෙනවා. මේ දවස් වල දිවිතුරා ටෙලි නාට්‍යයට තමා යොමු වෙලා ඉන්නෙත්. ගොඩක් අය මේ ටෙලිනාට්‍ය නරඹනවා කියලා මම තේරුම් ගන්නේමට ලැබෙන ප්‍රතිචාර එක්ක. ගුණ දොස් හැමදේම මම සතුටින් භාරගන්නවා. තවත් නිර්මාණ කිහිපයකට මට ආරාධනා ලැබිලා තියෙනවා. ඒ හැමදේම සාර්ථකව කරන්න බලාපොරොත්තු වෙනවා

ඇත්තටම ක්ෂේත්‍රයේ නැගී එන රංගන ශිල්පිනියක් වන ඔබ චරිත තෝරා බේරා ගෙනද රඟපාන්නේ ?

මම තිරපිට පත මුලින්ම කියවනවා. පස්සේ ඒ ගැන ගෙදර අයට කියනවා. එයාලගේ අදහස් යෝජනා බාර ගන්නවා. මොකද එයාල කියන දේවල් මට ගොඩක් වැදගත් වෙනවා. තිර පිටපත ලැබුනට පස්සේ අදිල පලදින විදිහ කතා බහ කරන විදිහ ගැන මම හොයලා බලනවා

සුන්දර තරුණියක වන සංජානාට ප්‍රේම යෝජනා ගොඩක් එනවා කියලයි දැනගන්නට ලැබෙන්නේ. ඉතින් ඒක ඇත්තක්ද ?

මුලින්ම කියන්න ඕනේ මට තාම ප්‍රේමවන්තයෙක් නැහැ. මට අසීමාන්තික විදිහට යෝජනා එන්නේ නැහැ. සාමාන්‍ය විදිහට යෝජනා දෙක තුනක් එනවා. හැබැයි මම ඒ දේවල් ගැන උනන්දු නැහැ. සමහරු ගෙදරටම යෝජනා අරගෙන එනවා. හැබැයි ඒ කාටවත් මගේ හිත ගියේ නෑ

ඉතින් මේ විදිහට ඔබට ආපු හැම යෝජනාවක්ම ඔබ ප්‍රතික්ෂේප කළාද?

ඔව් මම තවම ඒ දේවල් වලට උනන්දුවක් නැහැ. ටෙලි නාට්‍යයක ගිවිසුම් වලට අත්සන් කරන විදිහට විවාහයට කෙනෙක් තෝර ගන්න බැහැ. ආවට ගියාට කෙනෙක් තෝරගන්නත් ගන්නත් බැහැ. මම හිතන්නේ සුදුසු කාලයට සුදුසු කෙනෙක් පැමිණේවි. ඒ නිසා ඔය කාරණය ගැන මම ඕනෑවට වඩා හිතන්නේ නෑ

ඇත්තටම මේ හැම දේකටම හේතුව වෙන්නේ ඔබට ඔබේ පළමු ප්‍රේමය අහිමිවීම ද ?

පලවෙනි ප්‍රේමය නැති වීම හරිම දුකක් කාට උනත්. හැබැයි මම නැවත සම්බන්ධයක් පටන් නොගන්න හේතුව ඒක නෙවෙයි. මම හිතන්නේ මගේ හිතට දැනුන කෙනෙක් මට තවම මුණ ගැහුනේ නෑ. හිතට හරියන කෙනෙක් ලැබුන දවසට මම බලනවා

රංගන ශිල්පිනියක ලෙස ඔබව අපට වර්තමානයේ නිර්මාණ රැසකින් දැකගන්නට ලැබෙනවා. ඉතින් ඔබ ඉදිරියේදී විවිධ චරිත රඟපාන්න බලාපොරොත්තුවෙන් ඉන්නවා ද ?

මම ආසයි සංකීර්ණ චරිත රඟපාන්න.සාමාන්‍ය චරිතවලට වඩා අසාමාන්‍යයෙන් චරිත ප්‍රේක්ෂකයින් ඉක්මනට හඳුනා ගන්නවා. ඒ චරිත ටෙලි නාට්‍යයක් අවසන් වුණත් ප්‍රේක්ෂකයින්ට මතක තියෙනවා. එහෙම චරිතයක ප්‍රතිරූපයක් නිර්මාණය කරන්න සංකීර්ණත්වය අවශ්‍ය වෙනවා. අපි කවුරු වුනත් වෙනසකට ආසයි. ඉතින් මාත් බලාපොරොත්තුවෙන් ඉන්නවා විවිධ චරිත රඟපාලා ප්‍රේක්ෂකයින් අතරට එන්න

erertreterterter
මෙන්න බලන්න තවත් ගොසිප්