Feb
9

” ආදරවන්තියක් විදිහට මම ආදරේ ඕනෑවටත් වඩා විඳිනවා” රංගන ශිල්පිනී මනිෂා චංචලා කියන කතාව

 
834 Views
   
 

මේවෙනකොට මෙරට කලා ක්ෂේත්‍රය තුළ නවක රංගන ශිල්පිනියන් රැසක් ජනප්‍රියත්වයට පත්ව සිටින අතර පුංචි තිරය තුළ අතිශය ජනප්‍රියත්වයට පත් යොවුන් රංගන ශිල්පිනියක් තමයි මනීෂා චංචලා කියල කියන්නේ. සිදු ටෙලි නාට්‍යයේ තෙරුනි කියන චරිතය සදහා සිය රංගන දායකත්වය ලබා දුන්නු ඇයට ලාංකීය කලා ක්ෂේත්‍රය තුළ හිමිවන්නේ සීඝ්‍ර ජනප්‍රියත්වයක්.

කොහොම නමුත් නවක පරපුරේ රංගන ශිල්පිනියක ලෙස කටයුතු කරන මනීෂා 2008 වසරේ මහනුවර කඳුරට fm එකත් එක්ක ළමා නිවේදිකාවක ලෙස කටයුතු කරන අතර දෙරණ ලිට්ල් ස්ටාර් තරගයට ඉදිරිපත් වෙනවා. එලෙස ඉදිරිපත් වෙන මනීෂාට 12 න් පහළ 4 වන ස්ථානය දිනා ගන්නට සමත් වෙනවා. ඇත්තෙන්ම සිය දියණියගේ දක්ෂතාවන් කුඩා කාලයේ සිටම හදුනාගත් ඇගේ මව්පියන් කටයුතු කරන්නේ ඇයව කලාවට යොමු කිරීමටයි

ඉතින් සිය දෙමාපියන්ගෙන් ලැබුණු සහයෝගය නිසාවෙන්ම ඇය මේවෙනකොට මෙරට කලා ක්ෂේත්‍රය තුළ දක්ෂ රංගන ශිල්පිනියක ලෙස මෙන්ම නිවේදිකාවක් සහ ගායිකාවක ලෙසත් කටයුතු කරනවා. කොහොමහරි ඉතින් අද අපි කතා කරන්න යන්නේ මේ ජනප්‍රිය යොවුන් රංගන ශිල්පිනිය සමගයි

මනීෂාගේ සහ කළිදුගේ ආදර කතාව මේවෙනකොට ලංකාවේ හැමෝම වගේ දන්නවා. ඉතින් මුලින්ම ඔබේ ආදරය ගැන කතා කළොත් ?

මම ගොඩක් වාසනාවන්ත කෙනෙක්. මොකද මම ආදරේ කියන දේ විඳිනවා. මම ආදරේ කරන්නේ දෙරණ නාලිකාවේ ම ප්‍රවෘත්ති ප්‍රකාශ කලිදු කරුණාරත්නට. ඇත්තටම එයා හරිම අව්‍යාජ චරිතයක්. ඒ නිසාම වෙන්න ඇති මම එයාට ආදරේ කරන්න පටන් ගත්තේ. කලිදු කියන්නේ පොළොවේ පොළොවේ පය ගහලා ජීවත්වන කෙනෙක්. කොහොම වුණත් ආදරවන්තියක් විදිහට මම ආදරේ ඕනෑවටත් වඩා විඳිනවා

නවකයෙක් හැටියට ඔබ මෙරට කලා ක්ෂේත්‍රය තුළ සුවිශේෂ ජනප්‍රියත්වයක් ලබාගෙන තිබෙනවා. ඉතින් නවකයෙක් හැටියට ඔබට ප්‍රවීණයන්ගෙන් ලැබෙන සහයෝගය කොහොමද?

මම සම්බන්ධ වුණ හැම නිර්මාණයකම හිටිය ප්‍රවීනයන් මට ගොඩක් උදව් කරා. එයාලා හැම දෙයක්ම මට කියලා දුන්නා. මම රංගනය කියන දේ ඉගෙනගන්න පටන් ගත්තෙත් ප්‍රවීණයන්ගෙන් ලැබෙන ගුරුහරුකම් වලින්. නවකයෙක් විදියට මම ගොඩක් සතුටු වෙනවා ඒ වගේ ප්‍රවීනයන් එක්ක වැඩ කරන්න ලැබීම ගැන. මම මේ ක්ෂේත්‍රයේ ඉදිරියට යන්න ලොකු බලාපොරොත්තුවක් තියෙනවා. ඉතින් ඒකට ප්‍රවීණයන්ගෙන් ලබන උපදෙස් ගුරුහරුකම් ගොඩක් වටිනවා

ඔබට ජීවිතයේ කඩාවැටීම් තියෙනවාද ?

නෑ කියලා කිව්වොත් ඒක බොරුවක්. ඕනම කෙනෙකුගෙ ජීවිතේ කඩාවැටීම් පසුබැසීම් තියෙනවා. මගේ ජීවිතය තුළත් ඒවා නොතිබුනාම නෙමෙයි. හැබැයි මම ඒවා ඒ විදිහට බාර අරගෙන නැහැ. මම ඒ හැම දේකින්ම අලුත් අත්දැකීම් ලබනවා. ඒ අත්දැකීම් අරගෙන තමයි මම මේ තරම් දුර ඉදිරියට ආවේ

එලෙස අදහස් දක්වපු ඇයගෙන් අවසාන වශයෙන් අසා සිටියේ ඔබ චරිත තෝරා බේරා ගෙනද රංගනයට සම්බන්ධ වෙන්නේ කියලයි. ඊට ඇය ලබාදුන්නේ මෙන්න මේ වගේ පිළිතුරකුයි

” ඔව් මම මුලින්ම බලනවා මට ඒ චරිතය කරන්න පුළුවන්ද කියලා. මොකද මම රඟපාන චරිතයට මට සාධාරණයක් කරන්න බැරිනම් මම ඒ චරිතය රඟපාලා වැඩක් නැහැ. අනික මම කැමතියි එකිනෙකට වෙනස් වූ චරිත රඟපාන්න” කියලයි

ඉතින් මේවෙද්දී කලා ක්ෂේත්‍රය තුළ සුවිශේෂ ගමනක් යන ඇයට ඇගේ ඉදිරි බලාපොරොත්තු සියල්ල සර්වප්‍රකාරයෙන්ම සාර්ථක වෙන්න කියල අපි හදවතින්ම සුභපැතුම් එකතු කරනවා

erertreterterter
මෙන්න බලන්න තවත් ගොසිප්