Feb
17

ජීවිතේට ආදරේ කරන්න හිතෙන තරමට එයා මාව වෙනස් කළා – ගයාන් වික්‍රමතිලක සංවේදීව කළ, හෙළිදරව්ව

 
753 Views
   
He changed me as much as I love life - Gayan Wickramathilaka Sensitive, Revealed  

ගයාන් වික්‍රමතිලක කියන්නෙ පුංචි තිරයෙන් ඔබ මු‍ණගැහුණු හැමෝම දන්න හඳුනන රංගන ශිල්පියෙක්. පසුකාලීනව සිනමාවටත් පිවිසි ගයාන්, චිත්‍රපට සීමිත සංඛ්‍යාවකට (6කට.) සිය රංගන දායකත්වය ලබා දුන්නා. එසේම ඔහු දේශපාලන පිටියට පැමිණීමටත් යම් උත්සාහයක නියැලුණා. පළමු විවාහයෙන් වෙන් වූ ගයාන්ගේ අත ගත් සුරූපිනිය වුණේ චතුරිකා පීරිස්. දැන් මේ දෙන්නාට පුංචි දියණියකුත් ඉන්නවා. පසුගිය දවසක යූටියුබ් නාලිකාවක් සමඟ සම්මුඛ සාකච්ඡාවකට එක්වුණු ගයාන් වික්‍රමතිලක, ඔහු ගැන, නොදන්නා කියන බොහෝ දේ හෙළි කළේ මෙහෙමයි.

ගයාන් දැන් දේශපාලනයේ පේන්න නැත්තෙ කැපිලාද ? කපලාද?

මගේ දරුවෝ වගේම අනිත් දරුවෝ ගැනත් මට වුවමනාවක් තිබුණා. ඒ කැක්කුම, අරමුණ වෙනුවෙන් මූලික වෙන කෙනාව ඉස්සරහාට ගේන්න ලොකු වුවමානවක් තිබුණා. නමුත් ඒ විශ්වාසය සමහර තැන්වල කැඩිලා ගියා. මම නැවත වතාවක් හිතමින් ඉන්නවා. තනි ශක්තියෙන් මම ඒ දේවල් කරනවා. ඒ නිසා මේ දවස්වල කට වහන් පැත්තකට වෙලා ඉන්නවා. මට අවුරුදු 41යි, දුවට අවුරුදු දෙකහමාරයි.. මම මගේ දරුවා වෙනුවෙන් පියෙක් විදිහට කරන දේ වටිනවා කියලා මට හිතෙනවා.. මිනිහෙක් පරිණත වෙනකොට අවබෝධයක් එනවා. මගේ ටෙලි නාට්‍යයක් යනකොට චැනල් එක මාරු කරනවාට මම කැමති නෑ. මට සිංහල , දෙමළ හැම මිනිස්සුම ආදරේ කළා. අදටත් මගේ පෝස්ට් උඩට අරන් කියනවා, ලැජ්ජ නැද්ද ගයාන් කියලා. මම හිතන්නෙ ඒ දේට හැම ඡන්දදායකයෙක්ම වග කියන්න ඕන..

චතුරිකා එදා කියපු දේ..?

මම කතා කරලා නෑ එයා එක්ක ඒ ගැන. ඇත්තටම ඒ දවස්වල ඉඳගෙන එක මේසේ කන්න වෙලාවක් නැතිවුණා. මම හිතුවක්කාර කෙනෙක් කිසි දෙයක් අහන්නෙ නැති. කාර්යබහුල ජීවිතයක් ඒක. කලාකරුවෙකුට ඒක ඔරොත්තු දෙන් නෑ. මිනිස්සු කැමතියි අපිව ආදරෙන් වැළඳගන්න. දේශපාලනයෙන් මිනිස්සු සතුටු කරනවාට වඩා කලාවෙන් කරන්න හිතුවා මම..

කලින් විවාහය කතාබහට ලක්වූ මාතෘකාවක්… ආරාධනා ඔබේ තුන්වැනි දරුවනේ. කොයි තරම් ජීවිතේ වෙනස් කළාද ඇය?

ජීවිතේට ආදරේ කරන්න හිතෙන තරමට එයා මාව වෙනස් කළා. හේතුව චතුරිකායි මායි දෝණියි තුන්දෙනාගෙම තියෙන ලින්ක් එක. මමයි දෝණියි විතරක් නෙවෙයි අම්මත් බලපානවා. දැන් මම කන බොන තැනක දේශපාලනය කතා කරන් නෑ. අනවශ්‍ය කතන්දර කියාගෙන ආවොත් දෝණි එක්ක කාලේ ගත කරන්න යනවා. ඒ බොන්ඩ් එකත් එක්ක මිනිස්සුන්ගෙ ආකල්ප වෙනස් වෙනවා.

හාර්ට් එෆ්එම්වලින් පස්සෙ ගයාන්ගෙ චිත්‍රපටි ජීවිතේට වුණ දේ..?

මම හැමදාම මට වුවමනා දේ කළ මනුස්සයෙක්. මේ ක්ෂේත්‍රය පොඩියි. මිනිස්සු කටකතා හදනවා. මෙයා මෙහෙමයි අරෙහෙමයි කියලා. මේක ඇතුළේ කල්ලිවාදයක් තියෙනවා. ඒක ඇතුලේ මම පොරක් නොවෙන්න ඇති. ඒ නිසා වෙන්නැති මම ඈත් වෙන්න හේතුව…

චතුරිකා හමුවුණු එක…?

අද මම මෙහෙම ඉන්න ඒ වගේ බිරිඳක් ලැබුණු එක වටිනවා. මං වගේ මනුස්සයෙක් කන්ට්‍රෝල් කරන්න අමාරුයි. චතුරිකා පොඩි පොඩි දේවල් අල්ලන් මගේ ඔලුව කන කෙනෙක් නෙවෙයි. අපේ ෆැමිලි එක ඇතුළේ බොන්ඩ් එක හදන්නෙ චතුරිකා. මම ගන්න තීරණ වලට එයාගේ බලපෑමක් නෑ. හොඳයි නම් හොඳයි, නරකයි නම් නරකයි කියනවා.

පළමු විවාහයේ අසාර්ථක වූණේ ඒ බොන්ඩ් එකේ අවුල්ද?

ඒක එහෙම වෙන්නැති. මගෙත් වැරදි තියෙන්නෙ ඇති. ඒ පැත්තෙත් වැරදි තියෙන්න ඇති. හැබැයි මම හිතනවා, ගැළපෙන් නැති අය ගහමහරාගෙන, ප්‍රශ්න ඇති කරගෙන, එකිනෙකා මරාගෙන ජීවත් වෙනවාට වඩා අයින් වෙන එක හොඳයි. එතැනදි හැඟීම්බර වෙන්න නරකයි. දරුවෝ ඒ දේවල් දකිනවා, කතා නොකර ඉන්නවා දකිනවා… ගහ මරාගන්නවා දකිනවා. එහෙම ජිවත් වෙලා වැඩක් නෑ. ඒකයි මම දේශපාලනයෙන් අයින් වෙන්න හේතුව. මම තව අවුරුදු 25ක් ජීවත් වෙයි. ඔය 25 ඇතුළේ මට රටක් ලෝකයක් වෙනස් කරන්න බෑ.

පුතාලා දෙන්නත් එක්ක තියෙන ගනුදෙනුව කොහොමද?

ගොඩක් අඩුයි. ඒකට සමහර වෙලාවට ඒගොල්ලො ඉන්න පරිසරයත් බලපානවා ඇති. ඒගොල්ලො වෙනුවෙන් මම මගේ යුතුකම් ඉෂ්ඨ කරගෙන යනවා, පුලුවන් විදිහට. එතනින් එහාට මම ඒගොල්ලොන්ට බලපෑම් කරන් නෑ. මම අවස්ථා කිහිපයකදී කතා කළා, එන්න නංගි බලලා යන්න කියලා. ලොකු කැමැත්තක් නෑ ඒකට.. මම ආසයි ඒ දෙන්නයි ආරාධනයි තුන්දෙනයි එකට ඉන්නවා බලන්න. තාත්තා කෙනෙක් හැටියට ආස වුණත් එතනට ගන්න අමාරුයි. ඒක සමහරක් විට එයාලා වැඩිහිටි වෙලා රස්සාවක් කරනකොට, තීරණයක් ගන්න පුළුවන්. අද ඒගොල්ලෝ ඉන්නෙ වෙන අය තීරණ ගන්න තැනකනේ.

දුවෙක් ඉන්න තාත්තෙක් විදිහට දැනෙන වගකීම ?

අපි ඔක්කොටම පොදුවේ ලොකු වගකීමක් එන්න ඔ්නි. මේක තිරිසනුන් ඉන්න ලෝකයක්. ළමා අපචාර කරන උන් ආයුධ පෙන්නලා වෙඩි තියන එක හොඳයි. ඒ තරම්ම මට අප්පිරියයි. මේක අපි හැමෝම හිතන්න ඔ්නි දෙයක්, වැඩිහිටියෝ හැටියට. දැන් ඉන්න ළමයි කතාකරන විදිහ දැක්කම මට පුදුමයි. ලොකු භයානක තැනක අපි ඉන්නෙ.

මෙන්න බලන්න තවත් ගොසිප්