Nov
28

සතුරු හමුදා වල ඔත්තු බැලීමට රුසියානු හමුදාවෙන් ඔත්තු බලන ගලක්

 
1101 Views
   
 

සතුරන් සම්බන්ධයෙන් ඔත්තු බැලිය හැකි පාෂාණයක් නිපදවීමට රුසියාව සමත් වී තිබෙනවා. නිවේදනයක් නිකුත් කරමින් රුසියානු ගුවන් හමුදාව ප්රකාශ කළේ සන්නිවේදනය කිරීමේ සහ චලනය වීමේ හැකියාව සහිතව මෙම පාෂාණ ඔත්තුකරුවා නිපද වූ බවයි.

ව්යාජ ලෙස නිපදවු මෙම පාෂාණය සැබෑ පාෂාණයක සියලු ආකාරයෙන් සමාන වන අතර යුද බිම තුළ පහසුවෙන් ස්ථානගත කළ හැකි බවද රුසියාවේ ස්වේට්සා නාලිකාව වාර්තා කලා. මීටර කිහිපයක් තුළට ශ්රවණය කිරීමේ හැකියාව සහ දර්ශන ලබා ගැනීමේ හැකියාවෙන් ද මෙම ඔත්තු බලන පාෂාණයේ සමන්විත වන බවයි වෙරලූස්හි රුසියානු ගුවන් හමුදා ඇකඩමිය අනාවරණය කළේ.

දේශසීමාව අසන්න කලාප තුළ මෙන්ම ගොඩනැගිලි අභ්යන්තරය හෝ ආසන්නයේ පවා මෙම පාෂාණය රැඳවීමට හැකියාව පවතිනවා. සැතපුමක පමණ දුරක සිට මෙම පාෂාණය මෙහෙයවීමට හැකියාව පවතින බව අනාවරණය කෙරුණා. මෙම පාෂාණය ඉහළින් දර්ශන ලබා දෙන කැමරාවක් පවතින අතර ඕනෑම අවස්ථාවක එම කොටස සඟවා ගැනීමට මෙම පාෂාණයට හැකියාව ලබා දී තිබෙනවා.

මෙය දැනටමත් ලෝකෙ පුරා භාවිතා වන තාක්ෂණයක් බවයි මොස්කව්හි රුසියානු ගුවන් හමුදා ඇකඩමිය අනාවරණය කළේ. බ්රිතාන්ය විසින් රුසියාවේ ඔත්තු බැලීමට භාවිතා කළ මෙවන් පාෂාණයක් රුසියානු හමුදා විසින් හඳුනාගෙන තිබූ අතර එසේ හඳුනාගත් පාෂාණය තාක්ෂණය වර්ධනය කරමින් මෙම ඔත්තු බැලීමේ රුසියානු පාෂාණය නිපදවා තිබෙනවා.

මෙම යන්ත්රයට පොළොව පත්ලේ සිට මෙන්ම ශීත පරිසරයක අයිස් පත්ලේ සිට පවා සතුරන්ගේ පණිවිඩය ශ්රවණය කළ හැකි බවයි අනාවරණ කෙරුණේ. මෙය කෘතිම නිර්මාණයක් බව හඳුනා ගැනීමට අපහසු වන පරිදි සාමාන්ය පාෂාණයක 100%ක් සමානව නිපදවා තිබෙනවා.

මෙම පාෂාණය ගුවනේ සිට සතුරු කලාප වෙත වඩාත් පහසුවෙන් පතිත කළ හැකි බවයි රුසියානු පුවත් සේවා වාර්තා කළේ. මේ වන විටත් රුසියානු පාබල හමුදාවේ මෙහෙයුම් සඳහා මෙම වර්ගයේ පාෂාණ භාවිත කරමින් පවතින බවද අනාවරණය කෙරුණා. මෙම පාෂාණයට චලන හැකියාවන් පවතින බැවින් නිරන්තරයෙන් සතුරා සමග ගමන් කිරීමට හැකියාව පවතින බවද පෙන්වාදී තිබෙනවා.

මෙවන් තාක්ෂණයක් මගින් දේශ සීමා ආරක්ෂාව පිළිබඳ වඩාත් නිවැරදි දත්ත ලබා ගැනීමට රුසියානු හමුදාවන්ට අවස්ථාවක් පවතින බවයි අනාවරණ කෙරුණේ. මෑත කාලීනව බ්රිතාන්යයේ රහසිගත යුද දත්ත පවා වඩාත් සාර්ථක මට්ටමෙන් අත්පත් කර ගැනීම ද රුසියාව සමත් වුණා. මෙම තත්වය සඳහා රුසියාව නවීන ඔත්තු බැලීමේ තාක්ෂණය භාවිතා කර පවතින බවටයි විශ්වාස පවතින්නේ.

01.

02.

03.

erertreterterter
මෙන්න බලන්න තවත් ගොසිප්