Aug
21

මගේ මැණිකෙට ඇහෙන්න මේක කියවන්න, පිං සිද්ධ වෙයි – කො විඩ් රෝගියෙකුගේ අවසන් ඉල්ලීම

 
2577 Views
   
 

කො විඩ් හේතුවෙන් ම රණයට පත්වූ අයෙකුගේ දේහය රැගෙන යන අවස්ථාවේ ඔහු සතු පසුම්බිය බිමවැටෙනවා .මගෙ මැණිකෙට ඇහෙන්න කියවන්න, පිං සිද්ධ වෙයි. කියලා ඒකෙ ලොකුවට ලියලා අලවලා තිබුනා. මේ ඒ ටික,

එක්වරක් නොව දෙවරක් කියවන්න
සෙනෙහස – ටිකක් වැඩියෙන් දුකයි අදනම්, හුස්ම යන් නෑ පහලට – නුඹත් නෑ මට තනිය බෝමයි, මතක්වෙනවා හරියට – තවත් උහුලන් ඉන්න බෑ මට, අකුරු අහුලන් ලීවට – හුඟක් කල් තව ඉන්න සතුටින්, දරුවො සලකයි මැණිකෙට, පින්න වැටුනම හතිය එනවා – යන්නෙපා දැන් එලියට, දන්න මන්තර නිතර කිව්වා – විටෙක තරහා හිතුනට, ගන්න බෙහෙතක් පෝලිමේ ගිය – කලක් මතකයෙ නෑ මට, නුඹයි රැක්කේ මවක වාගේ – සමාවෙනවද බැන්නට

දූට දොලහයි පුතුට විස්සයි – ලිපට පිඹලා නෑ මම, කහට වතුරම නිතර බීලයි – තැම්බුවේ කඩ යප්පම, අතට ගත්තම දවසෙ පඩියට – මතින් මත්වී ආවම, කිසිම දවසක බැනල නෑ මට – හඬයි මතකය තිස්සෙම, හන්දි ගානේ වින්ද දහදුක – දන්නෙ නෑ වගෙ උන්නට, බීම නවතා වසර දෙක එන – සෙනසුරාදා හවසට, නුඹට මතකද දන්නෙ නෑ මං – එදත් බීලා ආවම

ඇදේ පොල්ලෙන් ඔලුව පලලත් – ටිකක් බැන්නේ නෑ මට, එදා රිදුනා බොහොම මැණිකේ – හදාගත්තා මම හිත, කටේ තියලා නෙවෙයි රැඟුවේ – දෙයක් හිතුවා යටිහිත, කෙල්ල කාලෙ දිනක් ටවුමේ – මාත් එක්කන් යනකොට, ඉල්ලු මාලේ පවුම් හතරේ – අරන් ” TV “එක යට, මගේ සඳහිරු වෙලා හරියට – වසර තිස්දෙක වෙන හෙට, අනේ මැණිකට දෙන්න හිටියට – එන්න බැරිවෙනවා මට

ඉහේ ඉඳලා සියළු දේ ගත – ටිකෙන් ටික අඩපණ වට, හිතේ ඉන්නේ නුඹයි අහසම – ආයෙ එන්නම් ගියාට, බැංකු පොත ඇති පැදුරු වානේ – සියළු දේ මා සන්තක, බිව්වා වාගේ ගිහින් දැම්මේ – උඹේ නම ඇති ගිණුමක, යන්න හිත නෑ ඉතින් මැණිකේ – ලබන භවයෙත් දවසක, එහෙම හමුවෙමු ඉතින් “සුමනේ” – නුඹෙන් යන්නේ හඬ හඬ (තරංග වික්‍රමසිංහ)

erertreterterter
මෙන්න බලන්න තවත් ගොසිප්