Nov
21

අංගොඩ ලොක්කාගෙන් පසු පාතාලේ බලය ඇල්ලූ අතුරුගිරියේ ලැඩියා ඉන්දියාවේදී කොටු වූ හැටි

 
1449 Views
   
 

මිනිස් ඝා’ ත න කරමින් මහා පරිමාණ ම ත් ද්ර ව් ය ජාවාරම්වල නිරත වෙමින් ධනවත් පුද්ගලයන්ට ම ර ණ බිය ඇතිකර කප්පම් ගනිමින් මෙරට ජනතාව භීතියට පත් කරගෙන සිටි පාතාල ලෝකයේ මහා කෙරුම්කාරයන් බොහොමයකට පසුගිය කාලය ඒ තරම් යහපත් එකක් නොවීය.

පාතාල බලයෙන් මෙරට අහිංසක ජනතාව භීතියටත් සංතරාසයටත් පත් කරගෙන සිටි පාතාලයේ ගෝර්ඩ් ෆාදර් ලෙස හැඳින්වූ මාකඳුරේ මධුෂ් පසුගියදා මැරුම් කෑවේය. කඩුවෙල පාතාලයේ කෙරුම්කාරයන් වූ ඌරුජුවා සහ ඉන්ද්රා නමැති මැරයන් දෙදෙනා ද අකාලයේ මරු තුරුලට ගිහ.

කොස්ගොඩ තාරක නැමැති තිරිසනාටද සිදු වුණේ සිය ජීවිතය අකාලයේ අවසන්කර ගැනීමටය. අංගොඩ ලොක්කා සහ කෙසෙල්වත්තේ දිනුක නමැති පාතාල මැරයන් දෙදෙනාද හදිසි හෘදයාබාධවලින් අවසන් ගමන් ගියේ දිට්ටධම්මවේදනීය කර්මය මෙලොවදීම පඩිසන් දෙමින්ය.

මේ පාතාල මැරයන් එකා දෙන්නා මෙසේ අවසන් ගමන් යද්දී මෙරට නීතිගරුක පුරවැසියන් සැනසුම් සුසුම් හෙළුෑහ. පාතාල මැරයන් එකා දෙන්නා මිය යද්දී තවත් මැරයන් කීපදෙනෙකුම පොලිස් අ ත් අඩංගුවට පත්වූහ.

ඉන්දියාව සිය වාසභූමිය කරගෙන ශීර ලංකාව ම ත් කු ඩු ටොන් ගණනින් පොම්ප කරමින් සිටි කිඹුලාඇළේ ගුණා පසුගිය දවසක ඉන්දීය පොලිසිය භාරයට පත් වුණේය.

මෙරට පාතාලය උණුසුම් කළ අලූත්ම පුවත පසුගියදා ඉන්දියාවේ කොයිම්බතූර් පරදේශයෙන් අසන්නට ලැබුණේය. ඒ අංගොඩ ලොක්කා නමැත්තා පාතාල මැරයාගේ දකුණු අත ලෙස ඔහු සමීපයේම සිටි අතුරුගිරියේ ලැඩියා නැමති පාතාල මැරයා ඉන්දියාවේ කොයිම්බතූර් පොලිසිය මගින් පසුගියදා අත් අඩංගුවට ගැනීමේ සිදුවීමත් සමගය. චානුක කථානායක හෙවත් අතුරුගිරියේ ලඩියා 38 හැවිරිදිය.

අතුරුගිරියේ හැදිවැඩුණු චානුක හරිහමන් රැකියාවක් තිබුණේ නැත. නන්නන්තාර ජීවිතයක්ගත කරමින් සිටි චානුක පසුකලෙක අංගොඩ ලොක්කා සමග සබඳතාවක් ගොඩනඟා ගත්තේය. ඒ වනවිට අංගොඩ ලෝකකා චණ්ඩිකමින් අංගොඩ මුල්ලේරියාව ඇතුළු පරදේශ ගණනාවක සිය බලය ව්යාප්ත කරගෙන සිටියේය. ම ත් ද්ර ව් ය ජාවාරම, ගං ජා ව්යාපාරය මෙන්ම කප්පම් ගැනීම් ජයට ම කරගෙන ගිය අංගොඩ ලොක්කා පාතාලයේ කෙළිකාරයකු බවට පත් වෙමින් සිටියේය.

චානුක හෙවත් ලඩියා සිය කල්ලියට සම්බන්ධ වීම අංගොඩ ලොක්කාටද විශාල ශක්තියක් වුණේය. එතැන් පටන් අතුරුගිරියේ ලැඩියා ලෙස කුපරකට චරිතයක් වූ මොහු අංගොඩ ලොක්කා සමග එක්ව පාතාලයේ කෙළිකාරයකු බවට පත් වුණේය.

2015 වර්ෂයේ මුල් භාගය මෙරට පාතාලයේ නමගිය අපරාධකාරයන් දෙදෙනකුවන අංගොඩ ලොක්කාගේ නායකත්වය යටතේ බිහිවී තිබූ පාතාල කල්ලිය සහ රණාලේ සමයං නායකත්වය දුන් පාතාල කල්ලිය අතර ඒ වනවිට මාරාන්තික ගැටුම් හටගෙන තිබුණේය. රණාලේ සමයංට අවශ්ය වී තිබුණේ කොළඹ පාතාලයේ කෙරුම්කාරයා එහෙමත් නැත්නම් අග රජු ලෙස කිරුළු පැළඳීමටය.

ඒ සඳහා විශාලම බාධාව වී තිබුණේ අංගොඩ ලොක්කාය. අංගොඩ ලොක්කා සිය පාතාල රාජධානිය බවට පත් කරගෙන සිටියේ අංගොඩ, අතුරුගිරිය, හෝකන්දර, වැල්ලම්පිටිය, මුල්ලේරියාව පරදේශයන්ය. ධනවත් ව්යාපාරිකයන්ගෙන් මාසිකව කප්පම් මුදල් ලබා ගැනීම, මහා පරිමාණ හෙ රො යි න් ජාවාරම, රජයේ වගුරු ඉඩම් ගොඩකරක විකිණීම ඇතුළු මහා පරිමාණ ජාවාරම්වල නිරත වෙමින් අංගොඩ ලොක්කා මහා ධානපතියකු බවට පත්ව සිටියේය.

අංගොඩ ලොක්කාට පාතාලයේ කෙළිකාරයකු වීමට ඉඩ නොදී අංගොඩ පාතාල බලය ද තමන් සතුකර ගැනීමේ පරම චේතනාවෙන් සිටි සමයං දිගින් දිගට ම ඒ සඳහා සටන් වැදුණේය.

සමයංට අංගොඩ පාතාලයේ බලය ලබාදීමට ඉඩ නොතැබූ අංගොඩ ලොක්කා පරමුඛ පාතාල කල්ලිය ඔවුන්ට පරතිපරහාර එල්ල කරමින් සිය බලය රැක ගැනීමට දැඩි උත්සාහයක නිරත වූහ. 2015 වර්ෂය වනවිට මේ පාතාල කල්ලි දෙක අතර සටන් උගර වන්නේ මේ පාතාල බලය බෙදා ගැනීම සඳහාය.

අංගොඩ ලොක්කාගේ කල්ලියේ පරබලම සාමාජිකයා වූයේ මනිල් බණ්ඩාර ධර්මසිරි නොහොත් බණ්ඩාය. අතුරුගිරියේ ලැඩියා, බාල්දි පිරයන්ත නන්දන ඇතුළු පාතාල මැරයන් විසිපහක තිහක කණ්ඩායමක් අංගොඩ ලොක්කාගේ කල්ලියට එක්ව සිටියහ. 

ඒ වනවිට මෙරට පාතාලයේ ගෝර්ඩ් ෆාදර් බවට පත්ව සිටියේ මාකඳුරේ මධුෂ්ය. ඩුබායි රාජ්යයේ සැඟවී සිටිමින් ශීර ලංකාවට හෙ රො යි න් ටොන් ගණනින් පොම්ප කළ මධුෂ් මහා ධන කුවේරයකු බවට පත්ව සිටියේය. අංගොඩ ලොක්කා මාකඳුරේ මධුෂ් සමග සමීප සබඳතා පැවැත්වූ නිසා ඔහුට ඒ හරහා විශාල ශක්තිමත් බලයක් ලැබී තිබුණේය. රණාලේ සමයං සමග ගෙනගිය මහා පාතාල සටනට අංගොඩ ලොක්කාට මේ සම්බන්ධතාව මහා පිටිවහලක් විය. 

එහෙත් රණාලේ සමයංගේ පාතාල බලය ඒ වනවිට බෙහෙවින් ශක්තිමත්ව පැවතුණේය. සමයංට අවශ්ය වී තිබුණේ අංගොඩ ලොක්කා ඇතුළු උගේ පාතාල සහචරයන් සමූල ඝා කර පාතාල බලය තමන් සතුකර ගැනීමය. 

මෙහි මුල්ම පරහාරය එල්ල වූයේ අරංගලදීය. අරංගල මංසන්ධියේදී අංගොඩ ලොක්කාගේ කල්ලියේ පරබලයන් වූ බණ්ඩා, ලැඩියා, බාල්දි පිරයන්ත නන්දන ඇතුළු පිරිසක් වෑන් රථයකින් යමින් සිටියදී සමයංගේ කල්ලියේ සාමාජිකයන් ඔවුන් ලූහුබඳින්නට වූහ. 

අරංගල හන්දියේදී සමයංගේ ගෝල බාලයන් අංගොඩ ලොක්කාගේ සගයන්ට අනපේක්ෂිත පරහාරයක් එලල් කළෝය. මේ පරහාරයෙන් බණ්ඩා ලැඩියා බාල්දි පිරයන්ත තුවාල ලැබුව ද ඔවුන් දිවි ගලවා ගත්තේ අනූනවයෙන්ය. 

ලොක්කා මේ වැඬේ හරි යන්නේ නැහැ. සමයංට ගහලා දැම්මෙ නැත්නම් අපිට තව ටික දවසකින් පාරේ බැහැලා යන්න බැරි වෙනවා. අපි අරංගලදී බේරුණේ නූලෙන්.” 

ලැඩියා සිය කල්ලියේ පරධානියා වූ අංගොඩ ලොක්කාට කීවේය. ඒ වනවිට ලොක්කා සිටියේ ද දැඩි භීතියෙන් යුතුවය.

“අපි මොකද කරන්නෙ. සමයංගෙ ඔත්තුකාරයෝ හැම තැනම ඌට අත දිග ඇරලා වියදම් කරන්න පුළුවන්. මරාගෙන මැරෙන්න කොල්ලො සෙට් එකක් ඉන්නවා.”

තමන් භීතියට පත්වී සිටින බවක් නොපෙන් වූ අංගොඩ ලොක්කා සිය ගෝලබාලයන්ට කීවේය.

“ලොක්කා අපි මොකාට ගැහුවත් වැඩක් නැහැ සමයංව ඉවරයක් කරලා දැම්මෙ නැත්නම්, ඌ නයා වගෙ. පන්න පන්න ගහනවා. ඒ නිසා අපි හැමදේම පැත්තකට තියලා මූට ගේම් එකක් දෙන්න බලමු.”

අංගොඩ ලොක්කාගේ සමීපතම ගෝලයන් දෙතුන් දෙනාගෙන් එකකු වූ ලැඩියා කීවේය. සමයං ඝා ත න ය කිරීමේ සැලසුමක් මොවුන් සකස් කරන්නේ ඉන් අනතුරුවය. මාස ගණනක් තිස්සේ කළ සැලසුමේ ප‍්‍රතිඵලයක් ලෙස කි‍්‍රයාත්මක කරන දිනය උදා වුණේය.

“සමයං කඩුවෙල උසාවියට ගේන දවසේ උසාවිය ඇතුළෙදී ඌට ගහන්න ඕනෙ. ඒ වැඬේට මං ආර්මි එකෙන් පැන්න කොල්ලෙක් සෙට් කර ගත්තා. සමයංට ගහලා දැම්මට පස්සේ මේ ප‍්‍රශ්න සේරම ඉවරයි.”

අංගොඩ ලොක්කා සිය සැලසුම ගෝලබාලයන් වෙත ඉදිරිපත් කළේය. ඒ අනුව සමයං කඩුවෙල අධිකරණය වෙත රැගෙන ආ අවස්ථාවේ හමුදාවෙන් පලා ආ තරුණයකු එහි සිට සමයංට වෙඩි තබා ඝා ත න ය කිරීමට අංගොඩ ලොක්කා උත්සාහ කළේය.

එහෙත් ලොක්කාගේ සැලසුම සාර්ථක වුණේ නැත. ප‍්‍රහාරයෙන් සමයං බරපතළ තුවාල ලැබුව ද ඔහු දිවි ගලවා ගත්තේය. මේ සිදුවීමෙන් පසු දණ්ඩෙන් පහර කෑ නාගයකු ලෙස කෝපයට පත්ව සිටි සමයං අංගොඩ ලොක්කාගේ කල්ලිය සමූල ඝා ත න ය කිරීමේ මෙහෙයුම ආරම්භ කළේය.

“ලොක්කාගේ ටීම් එකට ගෑවිච්ච ගෑවිච්ච හැම එකෙක්ම ඉවර කරලා දාපල්ලා. ඌ දන්නෙ නැහැ සමයං කියන්නෙ කවුද කියලා. ඌ නරක මිනිහාට අතතියන්න ආවෙ..”

සමයං සිය ගෝලබාලයන් කැඳවා අංගොඩ ලොක්කා ඇතුළු සහචරයන් සියල්ල විනාශකර දැමීමට උපදෙස් දුන්නේය. ලෙයට ලෙයින් පළිගැනීමේ මහා මිනිස් සංහාරය ආරම්භ වන්නේ 2017 වර්ෂයේදීය. වියරු වැටී සිටි සමයංගේ ගෝලබාලයන් අංගොඩ ලොක්කාගේ කල්ලියේ සගයන් ලූහුබඳිමින් ඔවුන් ඝාතනය කරන්නට වූහ.

සමයංගේ මුල්ම ගොදුර බවට පත්වුණේ අංගොඩ රත්තරන්ය. රත්තරන් යනු අංගොඩ ලොක්කාගේ සමීපතම මිතුරෙකි. ඉදිකිරීම් කේෂ්ත‍්‍රයට සම්බන්ධ ව්‍යාපාර කීපයක් කරගෙන ගිය රත්තරන් ධනවත් පුද්ගලයකු විය. රත්තරන්ට එරෙහි එකම ම ර ණ වරෙන්තු චෝදනාව වූයේ අංගොඩ ලොක්කාගේ සමීපතම මිතුරකු වීම පමණය.

මුල්ලේරියාව නගරයේ යමින් සිටියදී එහි කඩා වැදුණු සමයංගේ ගෝලබාලයන් මහදවල් රත්තරන්ට වෙඩි තබා ඝා ත න ය කර පලා ගියහ. රත්තරන් ඝාතන සිද්ධියෙන් අංගොඩ ලොක්කා සලිත වුණේය. සමයංගෙන් තමන්ට කිසිම ගැලවීමක් නොමැති බව ඔහු හොඳින් දැන සිටියේය. ලොක්කා සිය ගෝලබාලයන් කැඳවා සමයංගෙන් එල්ල වී ඇති තර්ජනයට පිළියම් සෙවීම පිළිබඳව සාකච්ඡා කළේය.

මෙහෙම ගියොත් සමයංගෙ උන් අපි සේරම මරලා දායි. ඒ නිසා මේකට මොකක් හරි විසඳුමක් හොයන්න ඕනෙ.” ඒ වනවිට දැඩි ලෙස වික්්ෂිප්ත භාවයට පත්ව සිටි ලැඩියා කීවේය.

“මධුෂ් අයියා එක්ක මේ ගැන කතා කළා. එයා කිව්වා උදව් කරන්නම් කියලා. මධුෂ් අයියටත් ඇරියස් එකක් තියනවා සමයං එක්ක. මධුෂ් අයියගෙ සෙට් එකේ හිටපු හොඳම එකෙක් සතිෂ්. සමයං ඌට ගැහුවා රාජගිරිය ඔබේසේකරපුරේදී. ඒකට මධුෂ් සමයං එක්ක ලොකු වෛරයකින් ඉන්නෙ. ඒ නිසා අපට මේ වෙලාවෙ මධුෂ්ගෙ උදව් ගන්න පුළුවන්.”

අංගොඩ ලොක්කා සිය සමීපතම සගයන් වූ බණ්ඩා, ලැඩියා සහ බාල්දි පි‍්‍රයන්ත සමග කීවේය. එහෙත් රත්තරන් ඝා ත න ය කර ගත වුණේ දින කීපයකි. අංගොඩ ලොක්කාගේ සහ ලැඩියාගේ සමීපතම මිතුරා වූ බණ්ඩා සමයංගේ ගොදුරක් බවට පත් වුණේය. බණ්ඩා අතුරුගිරිය නගරයේ රූපලාවන්‍යාගාරයක පේෂල්කර ගැනීමට ගොස් සිටියදී එහි කඩා වැදුණු සමයංගේ කල්ලියේ ඝා ත ක ය න් දෙදෙනෙක් මහදවල් ඔහුට වෙඩි තබා ඝා ත න ය කර පලා ගියහ.

මේ ඝා ත න ය සඳහා සමයංගේ කල්ලිය රූපලාවන්‍යාගාරයේ හිමිකාරිය වූ සඳුනිගේ සහාය ලබාගෙන තිබිණි. බණ්ඩා ඝා ත න ය අංගොඩ ලොක්කාගේ කල්ලියට එල්ල වූ මරු පහරක් බඳු විය. මේ අතර සමයං ගෙන් අංගොඩ ලොක්කාගේ ජංගම දුරකථනය වෙත දිගින් දිගට ම තර්ජනාත්මක ඇමතුම් ගලා එන්නට වුණේය.

“මං ඇතුළෙ හිටියට මගේ උන් එළියෙ හොඳට වැඩ දෙනවා. උඹට මං ජීවත් වෙලා ඉන්න ඉඩ තියන්නෙ නැහැ. උඹ නරක මිනිහ එක්ක හැප්පෙන්න ආවෙ. තව වැඩි දවසක් යන්න ඉස්සර මං උඹේ ම ර ණ සහතිකය ලියනවා.”

සමයංගේ තර්ජන හමුවේ අංගොඩ ලොක්කා දැඩි ලෙස අසරණ තත්ත්වයට පත්ව සිටියේය.

“අපි දැන් මොකද කරන්නෙ. සමයංගෙන් අපිට කිසිම ගැලවීමක් නැහැ. කොයි වෙලාවක හරි අපි දෙන්නවම ම ර ලා දානවා. ඊට ඉස්සර මොනවා හරි කරන්න ඕනෙ.”

ම ර ණ භීතියෙන් සලිත වී සිටි ලැඩියා සිය කල්ලියේ ප‍්‍රධානියා වූ අංගොඩ ලොක්කාට කීවේය.

“දැන් ඉතින් මධුෂ් අයියගෙ පිහිට විතරයි තියෙන්නෙ. එයා කියන දෙයක් කරමු. නැත්නම් අපි සේරටම පරලොව යන්න වෙන්නෙ. කෝකටත් අපි මේ වෙලාවෙ හැංගිලා ඉන්න එක ඇඟට ගුණයි.”

අංගොඩ ලොක්කා ලැඩියා සමග කීවේය. ඔහු දිගින් දිගට ම ඩුබායිහි වසන මාකඳුරේ මධුෂ්ට දුරකථනයෙන් කතා කළේය. තම ජීවිතය ගලවා දෙන ලෙස ආයාචනා කරන්න වුණේය.

“මධුෂ් අයියා මේ වෙලාවේ අපිව බේරා ගන්න. ඔයා විතරයි අපට පිහිට ට ඉන්නෙ. සමයං කොයි වෙලාවක හරි මාවයි ලැඩියාවයි ඉවර කරනවා. ඒක ඉරහඳ වගේ විශ්වාසයි.”

අංගොඩ ලොක්කාගේ සහ ලැඩියාගේ ආයාචනා නිසාම සමයං පරලොව යැවීමේ සැලසුම මධුෂ් විසින් සකස් කළේ ඩුබායි රාජ්‍යයේ සිටය.

“සමයං පරලොව යවන්න මං ප්ලෑන් එකක් ගැහුවා. කළුතර පි‍්‍රසන් එකේ ඉඳලා මිනිහා උසාවියට ගේනකොට අතරමඟදී අපි පි‍්‍රසන් බස් එකට ගහන්න ඕනෙ.”

“මං කළුතර පි‍්‍රසන් එකේ ඉන්න කාලේ පි‍්‍රසන් එක අවට ලෝකේෂන් හොඳට බලාගෙන තිබුණෙ.”

“පි‍්‍රසන් එකේ ඉඳලා බස් එක ප‍්‍රධාන පාරට එන්නෙ පාළු පොල් වත්තු හරහා. ඒ අතරෙ පොඩි කඳුගැටවලින් වැහිච්ච ඒරියා එකක් තියනවා. බස් එකට ඇටෑක් කරන්න හොඳම ඒරියා එක ඒක තමයි.”

මධුෂ් මීට වසර ගණනාවකට උඩදී කළුතර බන්ධනාගාරයේ රඳවා සිටියදී ඒ අවට පරිසරය නිරීක්ෂණය කිරීමෙන් ලබාගෙන තිබූ දැනුම පාවිච්චි කරගෙන මේ සැලසුම සකස් කළේය.

කළුතර බන්ධනාගාරයේ සිට ප‍්‍රධාන පාර දක්වා මඟ අතරතුර ස්ථානයකදී බන්ධනාගාර බස් රථයට පහරදීම සඳහා සැලසුම ගැන සොයා බැලීමට ලැඩියා සිය ගෝලයන් කීපදෙනෙකු සමග කළුතර ගියේය. ප‍්‍රහාරය එල්ල කිරීමට සුදුසු ස්ථානය සොයා බැලූ ලැඩියා ඒ පිළිබඳව මධුෂ්ට දැනුම් දුන්නේය.

“මධුෂ් අයියා ඩුබායි හිටියට කළුතර පි‍්‍රසන් එක අවට හැම පාරක්ම ගහක් කොළක් ගැනම දන්නවනෙ. ඔයා කියපු ලොකේෂන් එක ඒ විදිහටම තියනවා. අපිට මෙතැනදී වැඬේ කරන්න පුළුවන්.”

ලැඩියා ඩුබායි රාජ්‍යයේ සිටින මධුෂ්ට ඒ පිළිබඳව පැහැදිලි කළේය. බන්ධනාගාර බස් රථයෙන් රැගෙන එන සමයං කළුතර එතනමඩල ප‍්‍රදේශයේදී ඝා’ ත න ය කිරීමට සියලූ සැලසුම් සකස් කෙරිණි. අංගොඩ ලොක්කා සහ ලැඩියා මේ ප‍්‍රහාරයට නායකත්වය දුන්හ.

“උඹලා දෙන්නා මේ වැඬේ හරියට කරපල්ලා. මං උඹලා දෙන්නට බෝට්ටුවකින් ඉන්දියාවට ගෙන්න ගන්න සේරම ලෑස්ති කරලා තියෙන්නෙ. ඉන්දියාවෙන් ඩුබායිවලට පැන ගන්න එච්චර අමාරුවක් නැහැ.”

මාකඳුරේ මධුෂ් අංගොඩ ලොක්කාට සහ ලැඩියාට උපදෙස් දුන්නේය. සැලසුම් කළ ආකාරයටම ප‍්‍රහාරය සිදු විය. 2017 වර්ෂයේ පෙබරවාරි මස 27 වැනිදා උදෑසන කළුතර එතනමඩල ප‍්‍රදේශය ගිනි ගත්තේය.

රණාලේ සමයං ඇතුළු පාතාල සාමාජිකයන් පිරිසක් බන්ධනාගාර බස් රථයක රැගෙන යද්දී මඟ හරස් කළ අංගොඩ ලොක්කා ලැඩියා ඇතුළු පාතාල කල්ලිය බස් රථයට ප‍්‍රහාර එල්ල කළහ. ඒ ප‍්‍රහාරවලින් රණාලේ සමයං අවසන් ගමන් ගියේය. සමයං පමණක් නොව, මෙම ප‍්‍රහාරයට මැදි වූ බන්ධනාගාර නිලධාරීන් ඇතුළු හත්දෙනකුට එහිදී ජීවිත අහිමි විය.

මෙම ප‍්‍රහාරය එල්ලකර පැය 24 ක් ගත වීමට පෙර මුහුදු මාර්ග ඔස්සේ අංගොඩ ලොක්කා සහ ලැඩියා ඉන්දියාවට පැන ගත්හ. ඔවුන් ඉන්දියාවට ගෙන්වා ගැනීමට අවශ්‍ය සියලූ කටයුතු සම්පාදනය කර තිබුණේ මාකඳුරේ මධුෂ් විසින්ය. රණාලේ සමයං ඝාතන සිද්ධියෙන් පසු කඩුවෙල පාතාලය මාරාවේෂ වූවන් බවට පත්ව සිටියහ. අංගොඩ ලොක්කාගේ සමීපතමයන් පමණක් නොව මාකඳුරේ මධුෂ් සමග සම්බන්ධතා පැවැත්වූවන් සොය සොයා පහරදීමට ඔවුන් කටයුතු කළෝය.

මාකඳුරේ මධුෂ්ගේ සමීපතම මිතුරකු වූ රිස්ඛාන් නමැත්තා කෝටිපති ව්‍යාපාරිකයකු විය. කොටහේන ප‍්‍රදේශයේ ඩ්‍රොප්මී නමැති වාහන කුලී රථ සේවයක හිමිකරු වූ රිස්ඛාන් ප‍්‍රබල දේශපාලනඥයන් පවා ඇසුරු කරමින් සිටි ප‍්‍රබල චරිතයක් විය. තම කල්ලියේ නායකයා ඝා ත න ය ට එකට එක කිරීමක් ලෙස රිස්ඛාන් මරා දැමීමට සමයංගේ ගෝලයන් කටයුතු කළෝය.

කොටහේනේ පිහිටි රිස්ඛාන්ගේ කාර්යාලයට කඩාවැදුණු සමයංගේ ගෝලබාලයන් දෙදෙනකු ඔහුට වෙඩි තබා ඝා ත න ය කර පලා ගියහ. එහෙත් පලා යමින් සිටි එක් පාතාල සාමාජිකයකු ප‍්‍රදේශවාසීන්ගේ පහරකෑමෙන් අවසන් ගමන් ගියේය. අනෙකා ඒ අවස්ථාවේ පොලිසිය භාරයට පත් වුණේය.

රිස්ඛාන් ඝා ත න ය මධුෂ්ට දරාගත නොහැකි පාඩුවක් මෙන්ම දුකක් ගෙනදුන් සිදුවීමක් විය. රිස්ඛාන් ඝා ත න ය ට සම්බන්ධ වූවන් මරා දැමීමට මධුෂ් සිය ගෝලබාලයන්ට උපදෙස් දුන්නේය. රිස්ඛාන් ඝා ත න ය වෙනුවෙන් කොහේදෝ සිටි කොස් මල්ලීට ජීවිතය අහිමි වන්නේ ඒ අතරතුදීය.

රිස්ඛාන් ඝා ත ක ය න් සඳහා සිය යතුරුපැදිය ලබාදීම කොස් මල්ලීට එල්ල වූ චෝදනාව විය. කොස් මල්ලී පැහැරගෙන ගොස් ඝා ත න ය කර ඔහුගේ හිස කඳෙන් වෙන්කර හිස කොටස අලූත්කඬේ අධිකරණය ඉදිරිපිට ට ගෙනැවිත් දැමීමට මධුෂ්ගේ ගෝලයන් කටයුතු කළේ පොලිසියට ද අභියෝග කරමින්ය.

මේ අතර අංගොඩ ලොක්කා සහ ලැඩියා ඉන්දියාවේ සිට සිය පාතාල කල්ලිය මෙහෙයවන්නට වූහ. සමංයගේ කල්ලියෙන් එල්ල වන ප‍්‍රහාරවලට මුහුණ දෙමින් ඊට ප‍්‍රතිප‍්‍රහාර එල්ල කිරීමට ඔවුන් කටයුතු කළෝය.

බණ්ඩා නමැති තම සමීප මිතුරු ඝා ත න ය කිරීමට ඔත්තු ලබාදුන් බව කියන රූපලාවන්‍ය ශිල්පිනී සඳුනි මරා දැමීමට ලැඩියා සැලසුම් කළේ ඉන්දියාවේ සිටය. අංගොඩ ලොක්කාගේ කල්ලියේ ඝා ත ක ය න් දෙදෙනකු සඳුනිගේ නිවසට යවා දරුවන් දෙදෙනා සහ මව බලා සිටියදීම ඇයට වෙඩි තබා ඝා ත න ය කිරීමට ලැඩියා කටයුතු කළේය. සමයංගේ කල්ලිය සහ අංගොඩ ලොක්කාගේ කල්ලිය අතර වෛරයට නිමක් නැත. ඔවුන් එකිකෙනා ම රා ගැනීම අවසන් වුණේ නැත.

අංගොඩ ලොක්කා සහ ලැඩියා ඉන්දියාවේ සිට සිය පාතාල කල්ලිය මෙහෙයවමින් සමයංගේ කල්ලියේ සාමාජිකයන් එකා දෙන්නා ඝා ත න ය කළෝය. ඒ අතරට ම ත්ද්‍ ර ව්‍ ය ජාවාරම ද ඔවුන් ජයටම කරගෙන යන්නට පටන් ගත්හ. එහෙත් ඉන්දියාවේ රැඳී සිටීමට ඔවුන්ට කැමැත්තක් තිබුණේ නැත.

“මධුෂ් අයියා අපි දෙන්නව ඩුබායිවලට ගෙන්න ගන්න. මෙහෙ ඉඳලා ලොකුවට බිස්නස් එකක් කරන්නත් බෑනෙ. අපි කැමැතියි ඔයත් එක්ක ඩුබායි ඇවිත් එකට වැඩ කරන්න.” අංගොඩ ලොක්කා සිය කල්‍යාණ මිතුරා වූ මධුෂ්ට කීවේය. මධුෂ්ටත් අවශ්‍ය වී තිබුණේ අංගොඩ ලොක්කා සහ ලැඩියා ඩුබායි රාජ්‍යයට ගෙන්වා ගැනීමටය.

ඉන්දියාවට පැමිණ මාස දෙකකට පමණ පසුව අංගොඩ ලොක්කා සහ ලැඩියා ඩුබායි රාජ්‍යයට පලා යෑම සඳහා චෙන්නායි ගුවන්තොටුපළ වෙත ආහ. ඔවුන් ඩුබායි රාජ්‍යයට යෑම සඳහා ව්‍යාජ විදේශ ගමන් බලපත‍්‍ර දෙකක් සකස් කරගෙන සිටියහ. ඔවුන් දෙදෙනාට චෙන්නායි ගුවන්තොටුපළ පසුකර යෑමට ඉඩ ලැබුණේ නැත. චෙන්නායි ගුවන්තොටුපළේ ආගමන විගමන නිලධාරීන් විසින් ලැඩියා සහ අංගොඩ ලොක්කා අ ත් අඩංගුවට ගත්හ.

ව්‍යාජ විදේශ ගමන් බලපත‍්‍රයකින් ආගමන විගමන නීති උල්ලංඝනය කිරීමේ වරදට ඔවුන් දෙදෙනාට චෙන්නායි සිරමැදිරියේ ලගින්නට සිදුවුණේය. මාස 06කට පමණ පසු ඇප මත මුදාහරිනු ලැබූ ලොක්කා සහ ලැඩියා චෙන්නායි නගරයේ නවාතැන් ගත්තෝය.

ඔවුන් දෙදෙනා ඉන්දියාවේ පුරවැසියන් ලෙස පෙනී සිටිමින් ශී‍්‍ර ලංකාවේ පාතාලයත් ම ත්කු ඩු ජාවාරමත් ජයමට කරගෙන යන්නට පටන් ගත්හ. ඒ සඳහා ඉන්දීය ජාතිකයන් කීපදෙනකුගේම සහාය ඔවුන් වෙත ලැබී තිබිණි. රූමත් කාන්තාවන් ඇසුරට අංගොඩ ලොක්කා දැඩි ලෙස ආශා කළේය. ඉන්දියාවේ රූමත් කාන්තාවන් කීපදෙනකු සමගම ඔහු සබඳතා පවත්වාගෙන ගියේය.

ලැඩියා අංගොඩ ලොක්කා සුසංයෝගය මහා පරිමාණ ම ත්ද්‍ ර ව්‍ ය ජාවාරමට එකට සම්බන්ධ වී සිටිය ද ආදායම් බෙදා ගැනීමේදී ඔවුන් අතර නිතර නිතර ආරවුල් ඇති වන්නට පටන් ගත්තේ ඔය අතරතුරදීය. ම ත්ද්‍ ර ව්‍ ය අලෙවියෙන් ලැබෙන මහා ධනස්කන්ධයෙන් වැඩි කොටසක් අංගොඩ ලොක්කාගේ ගිණුමට බැරවී තිබුණේය. මේ මුදල් ගනුදෙනු නිසා ලොක්කා සහ ලැඩියා අතර නිතර නිතර ආරවුල් ඇති වන්නට පටන් ගත්තේය.

“අපි දෙන්නා එකට බිස්නස් කරනවා නම් ලැබෙන දේත් දෙකට බෙදෙන්න ඕනෙ. එහෙම නැත්නම් මේ බිස්නස් අතඇරලා දාමු.” ලැඩියා නිතරම මේ ගැන අංගොඩ ලොක්කාට කීවේය.

“හරි හරි මට ලැබෙන ආදායම දෙතුන් දෙනකුට බෙදෙන්න ඕනෙ. ඒ නිසයි මං වැඩි ලාභයක් ගත්තෙ.” මේ ගැන කතා කරන හැම මොහොතකම අංගොඩ ලොක්කා මොකක් හෝ කියා ලිස්සා ගියේය.

එහෙත් ඔහු ලාභය වෙනත් අයකුට බෙදා දුන් බවක් ලැඩියා දැක්කේ නැත. හිටිහැටියේ අභිරහස් අන්දමින් අංගොඩ ලොක්කා මිය යන්නේ ඒ අතරතුදීය. අංගොඩ ලොක්කාගේ අභිරහස් මරණයෙන් පසු ම ත්ද්‍ ර ව්‍ ය ජාවාරම ලැඩියා අතට පත් වුණේය.

අංගොඩ පාතාලය මෙහෙයවීමේ බලය ලැබුණේ ද ලැඩියාටය. මේ අතර අංගොඩ ලොක්කාගේ ම ර ණ ය සම්බන්ධයෙන් විමර්ශන පැවැත්වූ ඉන්දීය පොලිසිය ඔහුගේ පැටිකිරිය සොයා ගත්තේය. අංගොඩ ලොක්කා ශී‍්‍ර ලංකාවේ අංක එකේ පාතාල නායකයකු බවත් ඔහු මිනිස් ඝා ත න රැසකට මෙන්ම මහා පරිමාණ ම ත්ද්‍ ර ව්‍ ය ජාවාරම්වලට සම්බන්ධ බව ඉන්දීය පොලිසිය සොයා ගත්තේය.

අංගොඩ ලොක්කාගේ සමීපතම සගයා වූ ලැඩියා පිළිබඳව ද ඉන්දීය පොලිසිය හොයන්නට පටන් ගත්තේ එතැන් සිටය. අංගොඩ ලොක්කා සතුව තිබූ ගිනි අවි කීපයක් ලැඩියා අතට පත්වී තිබෙන බව ඉන්දීය පොලිසිය සොයාගෙන තිබුණේය. මේ අතර ඉන්දීය පොලිසිය ලැඩියා සැඟවී සිටින බැංගලෝර් ප‍්‍රදේශයේ මහල් නිවාසය සොයා ගත්තේය. ඉන්දීය පොලිසිය සහ බුද්ධි අංශ මහල් නිවාසය වටලා ලැඩියා අ ත් අඩංගුවට ගත්හ.

ලැඩියාට නවාතැන් පහසුකම් දුන් ඉන්දීය ජාතිකයන් දෙදෙනකු ද එහිදී අ ත් අඩංගුවට පත් විය. අතුරුගිරියේ ලැඩියා මේ වනවිට සිටින්නේ ඉන්දියාවේ බන්ධනාගාරයේය. ලැඩියා සමග පාතාලයේ වික‍්‍රමයන් කළ අංගොඩ ලොක්කාවත් මාකඳුරේ මධුෂ්වත් අද ජීවතුන් අතර නැත. මහා ධන කුවේරයන් ලෙස ජීවිත වන පාතාල මැරයන්ට අත්වන ඉරණම එයමය.

 

හේමන්ත රන්දුණු

මෙන්න බලන්න තවත් ගොසිප්