Feb
19

” මට දැන් බොහොම සුවයි, ඉක්මනින් රගපාන්න එනවා” ප්‍රතිකාර ලබමින් ඉන්න ගිරිරාජ් කෞෂල්‍යය මුල්වරට මාධ්‍යට කී කතාව

 
766 Views
   
 

ගිරිරාජ් කෞෂල්‍යය කියල කියන්නේ වසර ගණනාවක සිට සිය ජනප්‍රියත්වය එකලෙසින්ම පවත්වාගෙන ඉන්න ජනප්‍රිය වගේම ප්‍රවීණ රංගන ශිල්පියෙක්. වේදිකා නාට්‍යය තුළ වගේම පුංචි තිරයෙත් එක ලෙසින්ම සිය රංගන කුසලතාවන් පෙන්නුම් කළ ඒ මහතාව මේවෙනකොට මෙරට නොහදුනන කෙනෙකු නැති තරම්. කොහොම නමුත් පසුගිය කාලයේ අපට ඔහුව දැකගන්නට ලැබුණු ජනප්‍රිය ටෙලි නිර්මාණයක් තමයි ” නාඩ්ගම්කාරයෝ ” කියල කියන්නේ. ඇත්තෙන්ම මෙම ටෙලි නාට්‍යයේ කුකුළා මුදලාලි’ ගේ චරිතයට සිය රංගන දායකත්වය ලබාදුන්නේ ගිරිරාජ් කෞෂල්‍යය මහතායි

කොහොම නමුත් කුකුළා මුදලාලිගේ චරිතයට සිය රංගන දායකත්වය ලබාදුන්නු ඔහුව අපට වචනයේ පරිසමාප්ත අර්ථයෙන්ම කියනවානම් නොම්මර එකේ රංගන ශිල්පියෙකු ලෙස හදුන්වන්න පුලුවනි. කෙසේවෙතත් ඔහු සිය රංගන දායකත්වය ලබාදෙන මේ කුකුළා මුදලාලී කියන චරිතය අපට කලයක් ටෙලි නාට්‍ය තුළින් දැකගන්නට ලැබෙන්නේ නැහැ. ඊට හේතුව වෙන්නේ ගිරිරාජ් කෞෂල්‍යය මහතා දැඩි ලෙස අසනීප වීමයි. එලෙස ඔහු අසනීප වීමත් සමග ටෙලිනාට්‍යයට අනුව කුකුළා මුදලාලි සිරගත කරනවා. ඊට පස්සේ අපිට ඔහුව ටෙලි කතා මාලාව තුළ දී දකින්න ලැබෙන්නේ නැහැ

කොහොම නමුත් මේ ආකාරයට අසනීප වෙන ඔහු මේ වන විටත් වෛද්‍ය ප්‍රතිකාර ලබා ගනිමිනුයි පසුවෙන්නේ. කෙසේවෙතත් ඔහු නැවත වතාවක් රංගනයත් එක්ක සම්බන්ධ නොවේවී කියලයි හැමෝම වගේ කිව්වේ. ඉතින් මේ ආකාරයට නාඩ්ගම්කාරයෝ ටෙලි නාට්‍යයේ කුකුළා මුදලාලී කියන චරිතය තුළින් අපට ඔහුව දැකගන්නට නොලැබුනත් ඔහු සිය දියණියව මේ ටෙලි නිර්මාණය සදහා එක් කරනවා. ඇත්තෙන්ම ඇයත් සිය පියා වගේම සුවිශේෂ වු රංගන කුසලතාවන්ගෙන් හෙබි චරිතයක් කිව්වොත් නිවැරදියි. කෙසේවෙතත් වෛද්‍ය ප්‍රතිකාර සමග සුවවෙමින් සිටින ගිරිරාජ් කෞෂල්‍යයා මහතා පසුගියදා මාධ්‍යට අදහස් දක්වලා තිබුනේ මෙලෙසයි

දුවට නාඩ්ගම්කාරයෝ එකේ රංගනයට ආරාධනා කරාම ඔබට මොකද හිතුනේ ?

මුල ඉදලම දුවට විවිධ නිර්මාණවලින් ආරාධනා ආවා. නමුත් මගේ ලොකු කැමැත්තක් තිබුනේ නැහැ දුව නිළියක් වෙනවට. මගේ ආසාව තිබුනේම දුව හොද ගායිකාවක් වෙනවා දකින්න. ජයප්‍රකාශ් ශිවගුරුනාදන්ට තමයි ඕන උනේ දුවව රංගනයට ගන්න. ඊට කලින් මගේ තුන්වෙනි චිත්‍රපටය ඉදිරියේදී තිරගත වෙන්න නියමිත” කතුරු මිතුරු ” එකේ පොඩි චරිතයක් කළා දුව. ඒ නිසා දුව හොඳ ගායිකාවක් වගේම හොද නිළියක් වෙයි කියල මට හිතෙනවා. ” කියලයි

මුල් කොටස් දකිද්දී ඔබට මොනවද හිතුනේ ?

ඉතාම සතුටු හිතුනා. මගේ දරුවා උනත් වැරැද්දක් තියෙනවානම් එය මූනටම කියන එක තමයි මගේ විදිහ. එයාගේ කිසිම ආධුනික ගතියක් මට පෙනුනේ නැහැ. ගායනය ගැනනම් හැමෝම දන්නවනේ. පළවෙනි දවසේ ඉදලම ඒ අවස්ථාවන්වලට මුහුණ දීම චරිතය ගොඩනැගීම ගැන ඇයට අවබෝධයක් තිබුණා කියල මට හිතෙනවා

කුකුළා මුදලාලිවයි කල්පනාවයි එකම දර්ශන තලයක දකින්න ලැබෙයිද ?

බොහෝදුරට දකින්න ලැබෙයි කියල මාත් ප්‍රාර්ථනා කරනවා. මේවෙද්දී මම බොහෝ සෙයින් සුවවෙමින් ඉන්නවා. ඉදිරියේදී වෛද්‍ය උපදෙස් අනුව මට නිර්දේශ අනුව මම ඉදිරියේදී රගපෑමට සම්බන්ධ වෙන්න තියෙනවා. කොහොමත් තව කාලයකට අලුත් නිර්මාණ නම් බාරගන්නේ නැතිවෙයි. නමුත් දවසක් දෙකක් හරි මට රගපාන්න ලැබුණොත් මම නාඩ්ගම්කාරයෝ එකේනම් රග පානවා. ඒ නිසා නාඩ්ගම්කාරයෝ අවසන් වෙන්න කලින් එහි රගපෑමේ දැඩි ආසාවක් තිබෙනවා

කතුරු මිතුරු ළගදීම තිරගත වෙනවාද?

නිෂ්පාදන සමාගම මා සමග ඒ ගැන කතා කරල නැහැ. මන් අසනීප නිසා වෙන්න ඇති

ප්‍රේක්ෂක ආදරය වැඩියෙන්ම දැනෙන කාලයක් නේද මේක ?

ඇත්තටම ඔව්. අපේ දරුවන් පවා කියන්නේ මේ තරම් ආදරයක් ඇති කියල හිතුවේ නැහැ කියලයි. කවුරු හරි පෝස්ට් එකක් සමාජ මාධ්‍යට දැම්මට පස්සේ නිරෝගී සුවය පතලා ඒකට විශාල ආශීර්වාදයක් එකතු වෙනවා. ඒ දේවල් කවුරුත් කරන්නේ ලාභ ප්‍රයෝජන බලාගෙන නෙවෙයිනේ. මෙතන තියෙන්නේ ආදරය. මම කවදත් පුළුවන් විදිහට කාටත් උදව් කරගෙන ජීවත්වෙන කෙනෙක්. ඒ නිසානේ මේ තරම් ආදරයක් ලැබුණේ. හැබැයි අසනීප වීමත් එක්ක මට ලැබුණු ආශිර්වාදය ආදරය එක්ක තවත් හොඳ වෙන්න ඕනේ කියල හිතුනා

ප්‍රේක්ෂකයින්ට මොනවද කියන්න තියෙන්නේ ?

ඇතැම් සමාජ මාධ්‍ය මම රංගනයට සමු දුන්නා වැනි පුවත් පළ කරල තිබ්බා. ඒ ගැන මම කතා කරන්න කැමතිත් නැහැ. දෙතුන්දෙනෙකුගේ පටු අරමුණු වෙනුවෙන් සමාජයටම බැනල වෛර කරල වැඩක් නැහැ. ඒ අය කරන ඒවා ඒ අය ගෙනියයි. මට මගේ ආදරණීය ප්‍රේක්ෂකයින්ට කියන්න තියෙන්නේ මට හැකියාව ලැබුණු ගමන් වෛද්‍ය උපදෙස් අනුව මට සුදුසු යැයි කියල හැගෙන චරිත තුළින් මම නැවත රංගනයට එනවා

erertreterterter
මෙන්න බලන්න තවත් ගොසිප්