Feb
5

අසුබවාදීන්ට ජනපතිගෙන් කනේ පහරක් !

 
1477 Views
   
 

හැමවිටම ලෝකය වෙනස් කර ඇත්තේ සුබවාදී චින්තනයක් සහිත බුද්ධිමත් නායකයන්ය. බොහෝ දේවල් දරාගැනීම, අප්රමාණ කැපවීම හා විධිමත් සැලසුම් නැතිව කිසිවකුටත් ජයග්රහණ අත්පත් කර ගත නොහැකිය. අසුබවාදීන් නිරන්තර විවේචනයක යෙදුණ ද කළ යුත්ත ඉටු කිරීමට නායකයන් ක්රියා කළ යුතුය.

එහිදී සියලු දෙනාම සතුටු කිරීමට හැකි වන්නේ නැත. නිවැරැදි තීන්දුව ජනප්රිය තීන්දුවක් නොවන්නට පුළුවන. නායකයන් මේ තත්ත්වයට මුහුණ දෙමින් ඉලක්ක කරා ගමන් කළ යුතුය. රටේ හා ජාතියේ ප්රගමනය උදෙසා ආරම්භ කළ කිසිදු වැඩසටහනක් අතරමඟ නවත්වන්නේ නැති බව ජනාධිපතිවරයා නිදහස් සැමරුම් උත්සවයේදී කියා සිටියේය. ඉතිහාසයේ රජ දරුවන්ගේ අප්රමාණ කැපවීම හා පොදු ජනයාගේ ශ්රම දායකත්වයේ වටිනාකම ද මෙහිදී රාජ්ය නායකයා පෙන්වා දුන්නේය.

සීගිරිය වැනි විස්මිත නගර නිර්මාණ, රුවන්වැලිසෑය, ජේතවනාරාමය වැනි මහා ස්තූප මෙන්ම සාගර සමාන මහා වැව් ඉදිකළ ජාතියකට සංවර්ධනය ගැන අමුතුවෙන් ඉගැන්විය යුතු නැත. අපේ වාරි තාක්ෂණය ලෝකය මවිත කරන එකකි. වැවක බිසෝකොටුව හා යෝධ ඇළෙහි දිය බැස්මේ තාක්ෂණය ලෝකයේ කිසිදු ඉංජිනේරු විද්යාවකට හසු නොවන සූක්ෂ්ම ක්රමවේදවලින් සමන්විතය. අපට ආර්ථිකය ගොඩනැඟිය හැකිය.

කොවිඩ් පරාජය කළ හැකිය. ආසියාවේ හොඳම නාවික කේන්ද්රස්ථානය බවට ශ්රී ලංකාව පත් කළ හැකිය. අවශ්ය වන්නේ සුබවාදීව කටයුතු කිරීම පමණි. ඉතිහාසයේ සටහන් වී ඇති විශිෂ්ට ජයග්රහණ පසුපස ඇත්තේ සුබවාදී චින්තනය, අධිෂ්ඨානය හා කැපවීමයි. තිස් අවුරුදු ත්රස්තවාදී යුද්ධය නිමාවට පත් කිරීම හැඳින්විය හැක්කේ ශ්රී ලංකාවේ දෙවන නිදහස හැටියටය. 1948 මෙන්ම 2009 ද අභිමානයෙන් සැමරිය යුත්තේ නිදහස පාදක කරගෙනය. ලොව දරුණුම ත්රස්ත සංවිධානය අවි බලයෙන් පරාජය කළ නොහැකි බව ලෝක යුද විශේෂඥයන් පවා පෙන්වා දී තිබිණි.

එහෙත් මහින්ද රාජපක්ෂ ආණ්ඩුව එය වෙනස් කළේය. වසර තුන හමාරක් වැනි කෙටි කාලයක් තුළදී ත්රස්තවාදය මුළුමනින්ම පරාජය කිරීමට අපට හැකි විය. එය සුබවාදී චින්තනයක හා අප්රමාණ කැපවීමක ප්රතිඵලයකි. නිදහස වෙනුවෙන් ජීවිත පරිත්යාග කළ විශාල පිරිසක් සිටිති. ඔවුන්ගේ සුබවාදී චින්තනය හා අධිෂ්ඨානය නොවන්නට ශ්රී ලංකාව මේ වන විටත් කැබලිවලට කැඩී අවසන්ය. 

සමස්ත ලෝකයම දුෂ්කර කාල පරිච්ඡේදයක් පසු කරයි. එහි ජයග්රහණ අත්පත් කර ගත හැක්කේ එකිනෙක රටවල් ක්රියාත්මක කරන උපායමාර්ගවල සාර්ථකත්වයට අනුවය. මේ මොහොතේ අපගේ ප්රධාන අභියෝගය ආර්ථිකය ජය ගැනීමය. ඒ සඳහා කොන්දේසි විරහිතව ඉදිරිපත් විය යුතුය. යුතුකම් හා වගකීම් මනාව වටහා ගත යුතුය. අපේ බොහෝ දෙනා අයිතිවාසිකම් වෙනුවෙන් සටන් කරති. 

එහෙත් තමන්ගේ වගකීම් හා යුතුකම් අමතක කරති. අයිතිවාසිකම් ගැන මෙන්ම වගකීම් ගැන ද කල්පනා කරන සමාජයක් අපට අවශ්ය වෙයි. කෘෂිකර්මය, කර්මාන්ත අංශය මෙන්ම සේවා අංශය ද රටේ ආර්ථික දියුණුවට එකසේ යොදා ගත යුතු බව රාජ්ය නායකයා අවධාරණය කරයි. මේ පණිවිඩය ගොවිපොළට, කම්හලට, වැඩබිමට පමණක් නොව, පාසලේ පන්ති කාමරය වෙත ද සන්නිවේදනය විය යුතුය.

erertreterterter
මෙන්න බලන්න තවත් ගොසිප්