Mar
2

” මේ කලා ක්ෂේත්‍රය තුළ මට කිසිම තරගයක් නැහැ, මම ගමන යන්නේ තනියම මගේ හැකියාවන් හා දක්ෂතාවන් එක්ක” ජනප්‍රිය නළු ඉසුරු ලොකුහෙට්ටිආරච්චි

 
655 Views
   
 

ඉසුරු ලොකුහෙට්ටිආරච්චි කියන චරිතය මේවෙනකොට ලංකාවේ නොදන්න කෙනෙකු නැති තරම්. ඒ තරමට ඔහු මෙරට කලා ක්ෂේත්‍රය තුළ රංගන ශිල්පියෙකු ලෙසින් ජනප්‍රියත්වයට පත්ව තිබෙනවා. ඇත්තෙන්ම ඔහුව අපට වර්තමානයේ වැඩිපුරම කතා බහට ලක්වෙන දක්ෂ ජනප්‍රිය වගේම කඩවසම් රංගන ශිල්පියෙකු ලෙස හදුන්වන්න පුලුවන්. කොහොම නමුත් මීට වසර කිහිපයකට පෙරදී රංගන ක්ෂේත්‍රයට පිවිසෙන ඔහුව අපට මේ දිනවල “ගිනිමල් පොකුරු”‍ හා “කවුරුවත් දන්නේ නැහැ ”‍ කියන චිත්‍රපට ඔස්සේ දැකගන්න ලැබෙනවා

කොහොම නමුත් මේ දක්ෂ රංගන ශිල්පියා පහුගිය දවසක පුවත්පත් සාකච්ඡාවක් සමගින් එක්ව ඔහුගේ අලුත්ම තොරතුරු පිළිබඳ කතා කරල තිබුණා. ඉතින් එලෙස අදහස් දක්වපු ඔහු සිය රංගන දායකත්වය ලබාදෙන උදයකාන්ත වර්ණකුලසූරිය මහතාගේ නවතම සිනමාපටය වන ගිනිමල් පොකුරු කියන වැඩිහිටියන්ට පමණයි ලේබලය යටතේ ලංකාවේ සිදු වූ සත්‍ය සිදුවීමක් ඇසුරෙන් කළ චිත්‍රපටය ගැන කියන්නේ නීතිය හසුරුවන පුද්ගලයෙක් නීතිය භාවිතා කරමින් තම පහත් අරමුණු සාක්ෂාත් කරගන්නා අයුරු තමයි රංග කියන ජ්‍යෙෂ්ඨ පොලිස් නිලධාරියාගේ චරිතය තුළින් නිරූපණය කරන්න තිබුණේ කියලයි

ඒ වගේම ලංකාව තුළ මේ වගේ චරිතයකට පණ පොවන එක අභියෝගාත්මක වුණත් ඒ අභියෝගයට තමන් කරපු කැපවීම තුළින් චරිතයට සාධාරණයක් කරන්නත් හොඳ ප්‍රේක්ෂක ප්‍රතිචාර ලබන්නත් හැකිවෙලා තිබෙනවා කියලයි ඔහු කියන්නේ. ඉතින් ඒ ගැන ඉසුරුට තියෙන්නේ ආඩම්බරයකට එහා ගිය නිහතමානී සතුටක්ලු. තවද මම මේවෙනකොට ටෙලිනාට්‍ය, චිත්‍රපටවල ඕනේ තරම් රඟපාලා තියෙනවා කියන ඔහු කියන්නේ මේ වෙද්දී චිත්‍රපට 12කට පමණ රංග දායකත්වය ලබා දීලා තිබෙනවා කියලයි

එලෙස ඔහු සිය රංගන දායකත්වය ලබාදුන්නු සිනමා නිර්මාණයන් අතරේ වැඩිහිටියන්ට පමණයි ලේබලය යටතේ නිකුත් සිනමා නිර්මාණයන් දෙකයි තිබුනේ කියන ඉසුරු කියන්නේ අනෙක් සියලු‍ චිත්‍රපට එකිනෙකට වෙනස් චරිතයන් ඔස්සේ තමයි නිර්මාණය වුණේ කියලයි. ඒ වගේම තමන් අදටත් කිසිම නිර්මාණයක් තුල චරිත හරහා කොටු වෙලා නැහැ කියන ඔහු ඊට උදාහරණ වශයෙන් නිදහසේ පියා, රශ්, වැඩ බැරී ටාසන්, පාර්ලිමන්ට් ජෝක්ස්, ප්‍රසිඩන්ට් සුපර් ස්ටාර්, කවුරුවත් දන්නේ නැහැ, තිරගත වීමට නියමිත මන්දාරා වගේ සිනමා නිර්මාණයන් පෙන්වා දෙනවා. ඉතින් මේවායේ රංගනයේ යෙදිලා තියෙනවා වුනාට ඒවා එකිනෙකට වෙනස් චරිත කියලයි ඔහු කියන්නේ

කොහොම නමුත් තමන් වෘත්තීයමය රංගන ශිල්පියෙක් විදිහට හැම චරිතයක්ම බාර ගත්තා නම් මෙතනට එන්න පුලුවන් වේවී කියල මම හිතන්නේ නැහැ කියන ඔහු කියන්නේ මට ලැබෙන හැම චරිතයක්ම භාරගන්නේ නැහැ කියලයි. ඒ වගේම තමන්ට ලැබෙන හොඳ නිර්මාණයක්ම චරිතයක්ම කිසිමවිටක දී මම මඟ හරින්නේ නැහැ කියන ඔහු කියන්නේ රඟපාන්න තිබුණ ආසාව නිසාවෙන් තමයි මම හමුදාවෙන් ඉවත් වුණේ කියලයි

ඒක මගේ දෛවය වෙන්න ඇති කියන ඔහු කියන්නේ යුද හමුදාවේ හිටියා නම් මේ යුද හමුදාවේ සේවය කරන 19 වන අවුරුද්ද මේ කියලයි. එහෙම වුණා නම් අවුරුදු 20ක සේවය සම්පූර්ණ කරලා ලබන 2023 අවුරුද්දේ දී යුද හමුදා නිලධාරියෙක් විදිහට විශ්‍රාම යන්නත් තිබුණා කියන ඔහු කියන්නේ රංගන ශිල්පියෙක් වීම සම්බන්ධයෙන් සියයට සියයක්ම තමන් තෘප්තිමත් වෙනවා කියලයි

ඉතින් ඒ නිසාවෙන් කිසිම පසුතැවීමක් නැහැ කියන ඔහු කියන්නේ යුද හමුදාවේ සේවය කළ නිලධාරියෙක් වීම ගැන ඔහු ආඩම්බර වෙනවා විතරක් නෙවෙයි හිස නමලා යුද හමුදාවට අදටත් ආචාර කරනවා කියලයි. ඒ වගේම මේ කලා ක්ෂේත්‍රය තුළ තමන්ට කිසිම තරගයක් නැහැ කියන ඔහු කියන්නේ මම ගමන යන්නේ තනියම මගේ හැකියාවන් හා දක්ෂතාවන් එක්ක කියලයි. ඉතින් ඒ නිසාවෙන් මේ රේස් එක තියෙන්නේ මාත් සමගම‍යි කියන ඔහු අවසාන වශයෙන් කියා සිටියේ මගේ අදහස රේස් එක දිනන්න ඕනි මගේ ජීවිතයේ අප්ඬේට් එක තුළින් කියලයි

erertreterterter
මෙන්න බලන්න තවත් ගොසිප්