Aug
25

කෑම පාර්සලයෙන් මාට්ටු වුන අනියම් පෙම, ඒක ඔෆිස් එකේ ප්‍රසිද්ධ රහසක්

 
1246 Views
   
 

එකම කාර්යාලයේ හා ගමේ යෙහෙළියට සැමියා ලව්වා දුන් ගමන් පහසුව නො මඟ ගොස් තිබෙන අයුරු කෑම පාර්සලයෙන් හසුවූ පුවතක් දකුණු පළාතේ ගමකින් අසන්නට ලැබේ. තම යෙහෙලිය හා මෙම කාන්තාව රැකියාව කලේ නගරයේ එකම කාර්යාලයක වන අතර අදාළ කාන්තාවගේ සැමියා නගරයේ වෙළඳසැලක් පවත්වාගෙන ගියේය.

යෙහෙළියගේ සැමියා විදේශ රටක සේවය කල අතර එකම රැකියා ස්ථානයක සේවය කිරීමත් එකම ගමේ වාසය  කිරීමත් නිසා සහෝදරියන් දෙදෙනෙකු මෙන් බැඳීමක් මොවුන් අතර පැවතුණි. එම නිසාම තම සැමියා සමඟ යතුරු පැදියෙන් පවා යාමට ඒමට තම මිතුරියට කිසිදු බා ධා ව ක් නො කලාය.

මෙසේ ටික දිනක් යනවිට වෙළඳසැලේ සේවය කරන සැමියා මොටර් රථයක් මිලදී ගත් අතර තම බිරිඳ සේම බිරිඳගේ මිතුරියත් මෝටර් රථයේ නංවාගෙන රැකියා කරන ස්ථානයට ඇරලවීම මොහු විසින් සිදුකරන ලදී. එක් දිනයක රැකියා කරන අවස්ථාවේ දිවා ආහාරයෙන් පසුව තමාට හිසේ අමාරුවක් සෑදීම නිසා තම සැමියාට මෝටර් රථයෙන් කාර්යාලයට එන ලෙස පැවසුවාය.

ඒ වරුවක නිවාඩුවක්ද දමමිනි. සැමියා පැමිණ මොටර් රථයේ නංවාගෙන ව්‍යාපාරික ස්ථානයට ගිය අතර ව්‍යාපාරික ස්ථානයේ ව්‍යාපාරික කටයුතු වල නිරත වූ හෙයින් මෙම කාන්තාවට සැමියා එනතුරු රථයේ ටික වේලාවක් රැඳී සිටීමට සිදුවිය. තමාගේ ගතට ඇති වූ තෙහෙට්ටුව නිසා ඇය ම මෝටර් රථයේ පසුපස ආසනයට ගියේ අතපය දිග හැර ලද නිමේෂයෙන් කෙටි විවේකයක් ලබා ගැනීමටයි.

ඒ නිසාම මෝටර් රථයේ පිටුපස අසුනට ගිය ඇයට කෑම පාර්සලයක් තිබෙනු දක්නට ලැබුණු අතර එම කෑම පාර්සලය තම යෙහෙළිය එදින දහවල් කෑමට ගෙනා පාර්සලයට සමාන වූ නිසාම ඇය මේ පාර්සලය ලිහා බලන්නට සිතුවාය. ඒ කාරණා දෙකක් නිසා වන අතර එකක් මෑතක සිට සිය සැමියා නිවසේ සාදන කෑම දිවා ආහාරය සඳහා නො ගෙන ඒම පළමු වැන්න වූ අතර සිය යෙහෙළිය දහවල් කෑමට ගෙනා කෑම පාර්සලයට මේ කෑම පාර්සලය සමානවීම දෙවැන්න විය.

ඒ අනුව කෑම පාර්සලය ලිහා බැලූ ඇයට දක්නට ලැබුණේ යෙහෙළිය එදින දිවා ආහාරයට ගෙනැවිත් තිබූ කෑම වර්ග සියල්ලම මේ පාර්සලයේ තිබීමය. විශේෂත්වය වූයේ යෙහෙළිය ගෙනා කෑම පාර්සලයේ එක බිත්තරයක් වෙනුවට බිත්තර දෙකක් තිබීමයි. ඇය මෙය රහසකව තබා ගත්තාය. මෝටර් රථයෙන් යෙහෙළිය සමඟ යෑමේදී ඇය බොහෝම සීරුමාරුවට සැමියාත් යෙහෙළියත් දෙස නිරීක්ෂණාත්මක පරීක්ෂණයක නිරත වූවාය.

මෝටර් රථයේ කණ්ණාඩියෙන් සැමියාත් යෙහෙළියගේත් සරාගී බැල්මවල් ඇයට හොඳින් මීටර් විය. ඒ පමණක් නොව යෙහෙළිය කාර්යාලය ඉදිරිපිටින් බැසීමට ඔන්න මෙන්න කියා තිබිය දී සිය බෑගය විවෘත කර කෑම පාර්සලයක් මෝටර් රථයේ පසුපස කාටත් හොරෙන් දමනුද ඇයට නිරීක්ෂණය විය.

සැමියාගේත් තම යෙහෙළියගේත් අ නියම් සබඳතාව තමා නො දැන සිටියද මුලු කාර්යාලයේම ප්‍රසිද්ධ රහසක් වී ඇති බවට ඇයට ඒ සම්බන්ධයෙන් සෙවීමේ දී දැනගන්නට ලැබුණි. සිය යෙහෙළිය කළ උදව්වට ස්තූති කරමින් ලිපියක් ලියා ඇය වෙනත් සේවා ස්ථානයකට මාරුවීමක් රැගෙන ගියේ සැමියාට නගරයේ වෙළඳසලට මෝටර් රථයෙන් ඒමද ත හනම් කරමිනි.

ඒ පමණක්ම නො ව යළිත් සිය යෙහෙළිය සමඟ අයුතු සම්බන්ධතාවක් පැවැත්තුවහොත් කසාදයද කටුගා දමන බවට සිය සැමියාද දැනුම්වත් කළාය.

erertreterterter
මෙන්න බලන්න තවත් ගොසිප්