Nov
2

කෝටි 06ක මුදල් බැංකුවෙන් පැහැරගෙන පලා ගිය බැංකුවේම රියදුරුට වැඩේ වැරදුණ හැටි

 
1468 Views
   
 

හැටන් නගරයේ පෞද්ගලික බැංකුවක ATM යන්ත්රවලට තැන්පත් කිරීම සඳහා මුදල් ගෙනැවිත් තිබූ රථයක රියැදුරු කෝටි 6ක මුදලක් පැ හැ ර ගෙ න යමින් සිටියදී පොලිස් විශේෂ කාර්ය බලකායේ අත් අඩංගුවට පත්ව තිබේ.

ඊයේ (01) දිනයේදී අදාළ පෞද්ගලික බැංකුවේ ATM යන්තරවලට මුදල් තැන්පත් කිරීම සඳහා මහනුවර සිට ආයතනයේ නිලධාරියෙකු, ආරක්ෂක නිලධාරියෙකු සහ රියැදුරා වෑන් රථයකින් පැමිණ ඇත.

පසුව ATM යන්තරයේ මුදල් තැන්පත් කිරීමට ආරක්ෂක නිලධාරියා සහ ආයතනයේ නිලධාරියා වෑන් රථයෙන් බැසීමෙන් පසු රියැදුරු රථයේ තිබූ කෝටි 6කට වැඩි මුදලක් ද පැහැරගෙන වෑන් රථය පදවාගෙන පළා ගොස් තිබේ.

වාහනයේ සවි කර තිබූ GPS මගින් ලබා ගත් තොරතුරු ඔස්සේ ආයතනයේ නිලධාරින් වෑන් රථය පසුපස ලුහුබැඳ ඇති අතර වෑන් රථය තලවාකැලේ, ලිඳුල හරහා අඹේවෙළ පරදේශයට පදවාගෙන යන බව දැන ගන්නට ලැබී ඇත.

ඒ අනුව සිදු කර ඇති දැනුම් දීමකින් පසුව මීපිලිමාන පොලිස් විශේෂ කාර්ය බලකායේ නිලධාරින් රේන්දපොළ පරදේශයේදී වෑන් රථය ලුහුබැඳ ගොස් මාර්ගය හරස් කර එදිනම ප.ව. 05.00 ට පමණ වෑන් රථය සමග රියැදුරු අත් අඩංගුවට ගෙන ඇත.

සැකකරු හා මුදල් සමග වෑන් රථය වැඩිදුර පරීක්ෂණ සඳහා හැටන් පොලිසිය වෙත භාර දුන් බවත් පසුව සිදුකළ පරික්ෂා කිරීම්වලදි වෑන් රථයේ තිබූ සියලුම මුදල් එලෙසම පැවති බවත් පොලිස් විශේෂ කාර්ය බලකායේ, මීපිලිමාන කඳවුරේ නිලධාරියෙකු පවසා ඇත.

සැකකරු අද අධිකරණයට ඉදිරිපත් කළ බව පොලිසිය වැඩිදුරටත් පැවසීය.

erertreterterter
මෙන්න බලන්න තවත් ගොසිප්