Nov
1

රෝහලේ ජල ටැංකියට වැටුණා යැයි කියන පියාගේ මරණය සැක සහිතයි සැරයන්ගේ පුත් අභිමාන් කියයි

 
1622 Views
   
 

ගම්පොළ ශික්ෂණ රෝහලේ පානීය ජල ටැංකියේ තිබී සොයා ගත් පොලිස් සැරයන්වරයාගේ මරණය සැක සහිත බව ඔහුගේ පුත් එස්. අභිමාන් පවසයි. ප්රතිකාර සඳහා ගම්පොළ රෝහලට ඇතුළත් කර සිටියදී මීට දින 51 කට පෙර මෙම පොලිස් සැරයන්වරයා රෝහලින් අ තු රු ද හ න් ව සිටි අතර බෙහෙවින් නරක් වී තිබූ ඔහුගේ සිරුර ජල ටැංකියේ තිබී මීට දින කිහිපයකට පෙර සොයාගනු ලැබීය.

මෙලෙස මියගොස් ඇත්තේ කොත්මලේ පොලිසියේ සේවය කළ එස් ඉලංගකෝන් නැමැති පොලිස් සැරයන්වරයායි. 50 හැවිරිදි දෙදරු පියෙකු වන ඔහු පූඩළුළඔය ප්රදේශයේ පදිංචිකරුවෙකි. කො රෝ නා රෝගයට ගොදුරුව සුව වී පසුව නැවත ඇතිවූ රෝගී තත්වයක් නිසා මොහු ගම්පොල රෝහලට ඇතුළත් කර ඇත.

සැප්තැම්බර් මස 8 දහවල් සිට ඔහු ප්රතිකාර ගත් වාට්ටුවෙන් අතුරුදන්ව ඇති බවට ලැබී ඇති පැමිණිලි මත ගම්පොල පොලිසිය පූඩළුඔය හා කොත්මලේ පොලිසිය පරීක්ෂණ ආරම්භ කර තිබුණි. මියගිය පොලිස් සැරයන්වරයා කලක් තොන්ඩමන් අමාත්යවරයාගේ ආරක්ෂකයෙකු ලෙසත් පසුව නුවරඑළිය පොලිසියේත් සේවය කර ඇත. පසු ඔහු කොත්මලේ පොලීසිය වෙත වාර්තා කර ඇත.

ඔහු හා පවුලේ පිරිසක්ද කො රෝ නා වෛරසයට ගොදුරුව සිටියදී ඇතිවූ විවිධ ව්යාකූලතා හේතුවෙන් ගම්පොල රෝහලට ඇතුළත් කර තිබුණි. රෝහලේ බීමට ගන්නා ජලයේ අධික දුර්ගන්ධයක් තිබෙන බව වාට්ටු වලින් ලැබුණු පැමිණිලි මත ජල ටැංකිය පරීක්ෂා කිරීමේදී ඒ සිරුර දැක ඇත. අඩි 40කට අධික උසකින් යුත් ජල ටැංකිය තුල තිබී සිරුර හමු වන විට එය බෙහෙවින් නරක් වී තිබුණි. සිද්ධිය වූ ස්ථානයට පැමිණි මහෙස්ත්රාත් සහ දිසා විනිසුරු ශ්රී විජේසේකර මහතා සිරුර ගොඩගැනීමට අවසර ලබාදුන්නේය.

එහිදී මියගිය අයගේ පුත් අභිමාන් තම පියාගේ බැව් හඳුනාගනු ලැබීය. පශ්චාත් මරණ පරීක්ෂණය සඳහා සිරුර මහනුවර මහ රෝහල වෙත රැගෙන ගිය අතර PCR පරීක්ෂණයෙන් පසුව එහි පරීක්ෂණ කිරීමට නියමිතය. මරණය පිළිබඳව එස් අභිමාන් මෙසේ ප්රකාශ කළේය.

“තාත්තාට ගෙදරත් සේවය කළ පොලීසිය තුලත් කිසි ප්රශ්නයක් තිබුණේ නැහැ. එයා අපි කාගෙත් එක්ක හොදින් හිටියා. එයාට මැරෙන්න කිසිම හේතුවක් නෑ. ඒ නිසා අපට මේ මරණය ගැන ගැටළුවක් තියෙනවා. ඒ නිසා ඇතිවන සැකය වැඩියි. අපි ඉල්ලා සිටිනවා මේ ම ර ණ ය ගැන හොඳ විධිමත් පරීක්ෂණයක් කරන්න කියලා.” 

ගම්පොල කොට්ඨාශ භාර යෙෂ්ඨ පොලිස් අධිකාරී ප්රියන්ත පීරිස්, සහකාර පොලිස් අධිකාරී කමල් ආරියවංශ යන නිලධාරීහු ද සිද්ධිය වූ ස්ථානයට පැමිණ සිටියහ. ගම්පොල මූලස්ථාන පොලිසිය වැඩබලන ස්ථානාධිපති ප්රධාන පොලිස් පරීක්ෂක කපිල බණ්ඩාර මහතා ඇතුළු කණ්ඩායමක් විසින් වැඩිදුර පරීක්ෂණ සිදුකරනු ලබයි.

erertreterterter
මෙන්න බලන්න තවත් ගොසිප්