ආණ්ඩුවෙන් ඉවත්වන ලෙස ශ්රී ලංකා නිදහස් පක්ෂ මන්ත්රීවරුන් 14 දෙනාට දැන්වුවහොත් ඕනෑම මොහොතක ඊට සූදානම් විය යුතු බව පක්ෂ මධ්යම කාරක සභාව ඒකමතිකව තීරණයකර ඇත.
පක්ෂයේ සභාපති සහ හිටපු ජනාධිපති මෛත්රීපාල සිරිසේන මහතාගේ ප්රධානත්වයෙන් ඉකුත් 2 වැනිදා පක්ෂ මූලස්ථානයේ රැස් වූ මධ්යම කාරක සභාවේදී මෙම තීරණය ගත් බව ද ශ්රී.ල.නි.ප ජ්යෙෂ්ඨ මන්තී්රවරයෙක් පැවසීය.
එසේ ඉවත්වීමේදී ශ්රීලනිප මන්ත්රීවරු 14 දෙනාට අමතරව ආණ්ඩුව නියෝජනය කරන ප්රධාන පක්ෂ කිහිපයක මන්ත්රීවරුන් සමඟ ශ්රී ලංකා පොදුජන පෙරමුණේ මන්ත්රීවරුන් 60 දෙනකු පමණ පිරිසක්ද ඉවත්වීමට කැමැත්ත පළකර ඇතැයිද එම මන්ත්රීවරයා සඳහන් කළේය.
මේ අතර ආණ්ඩුවෙන් ඉවත් වී විපක්ෂයට එක්වී පොදු න්යාය පත්රයක් අනුව කටයුතු කිරීමට සමගි ජන බලවේගය පක්ෂයේ ජාතික සංවිධායක තිස්ස අත්තනායක මහතා කළ ඉල්ලීම ශ්රී ලංකා නිදහස් පක්ෂ ඉවත දමා තිබේ.
වත්මන් දේශපාලනයේදී සමගි ඩනබලවේගය කටයුතු කරන හාස්ය ජනක ආකාරය සැලකිල්ලට ගනිමින් ශ්රී ලංකා නිදහස් පක්ෂය ඒ සම්බන්ධයෙන් කිසිඳු සැලකිල්ලක් නොදක්වා ඇති බවයි වාර්තා වන්නේ. ශ්රී ලංකා නිදහස් පක්ෂයේ ජ්යෙෂ්ඨ උප සභාපති මහාචාර්ය රෝහණ ලක්ෂ්මන් පියදාස මහතා සඳහන් කළේ ශ්රී ලංකා නිදහස් පක්ෂයට සමගි ජන බලවේගය සමඟ එක්වී විපක්ෂයේ පොදු න්යාය පත්රයක් අනුව කටයුතු කිරීමට කිසිඳු අවශ්යතාවයක් නොමැති බවයි.