Nov
11

පවුල් ආරවුලක් බේරෙන්න ආ පොලිස් නෝනා පැමිණිලිකාර පාර්ශවයේ සැමියා සමග පැන ගිහින්

 
13921 Views
   
 

පවුල් ආරවුලක් හා සම්බන්ධ පැමිණිල්ලක් විභාග කළ පොලිස් කාන්තාවක් අවසානයේ දී පැමිණිලිකාරියගේ සැමියා සමග හොර රහසේ ගිය පුවතක් රජරට පැත්තෙන් වාර්තා වේ. ඇය විවාහක තිදරු මවකි. ඔහු කුලී වැඩ කරමින් දරු පවුල නඩත්තු කළ අයෙකි. බිරිඳට තුන්වැනි දරුවා ලැබෙන තුරුම දෙදෙනා අතර අසමගියක් නොවීය.

එහෙත් මෑතක සිට සැමියා බිරිඳට හිරිහැර කරන්නට පටන් ගත්තේය. ඇය පොලිසියට පැමිණිලි කිරීමට තීරණය කළේ බේරුමක් නැති තැනය.

මම එයාට ගොඩක් ආදරෙයි. ළඟකදි ඉඳලා කිසිම හේතුවක් නැතිව එයා මට නිතරම බනිනවා. සමහර අවස්ථාවල පහර දෙනවා. මේක මටත් දරුවන්ටත් ලොකු ප්රශ්නයක්. මම ඉල්ලා සිටින්නේ මේ ආරවුල විසඳලා දෙන්න කියලයි.” 

ඇයගේ මෙම පැමිණිල්ල පොලිස් පොතේ සටහන් කරගත්තේ අවිවාහක වයස අවුරුදු 30ක් පමණ වන තරබාරු පොලිස් කාන්තාවකි. බිරිඳ සහ සැමියා පොලිසියට කැඳවා ඉතා තදින් අවවාද කළ පොලිස් නිලධාරිනිය. දරුවන් ගැන සිතා හෝ සමගියෙන් ජීවත් වන ලෙස ඔහුට උපදෙස් ලබා දී ඇත. එදින සිට සැමියාගේ සැරපරුෂ කම් අඩු වී ය. බිරිඳ නැවත දිනක පැමිණ පොලිස් නිලධාරිනියට මුව නොසෑහෙන සේ ස්තුති කළේ පවුලේ ආරවුල හොඳින් විසඳා දුන් බව කියමිනි. සිද්ධිය අපට පැවසූ අය කතාව අවසන් කළේ මෙසේය. 

මාසෙකට විතර පස්සේ අර කාන්තාව නැවතත් පොලීසියට ඇවිත් පැමිණිල්ලක් කළා. පැමිණිල්ල විභාග කළ පොලිස් නෝනා සිය සැමියා සමඟ හොර රහසේම පැනලා ගිහින්. ලස්සනම වැඩේ කියන්නෙ දෙන්නගෙ පොටෝ එකකුත් ෆේස්බුක් එකෙත් දාලා..”

 

කන්තලේ විශේෂ ආර්.ජී ධර්මදාස

මෙන්න බලන්න තවත් ගොසිප්