Nov
20

අභියෝග බියගැන්වීම් මතින් ලබා ගත් නිදහසේ අභිමානය

 
1143 Views
   
 

වේළුපිල්ලේ ප්රභාකරන් වරක් කියා සිටියේ සිංහලයා යනු ඉතා ඉක්මනින් ඉතිහාසය අමතක කරන හා මුදල ඉදිරියේ ඕනෑම පාවාදීමක් කරන පුද්ගලයකු බවය.

එබඳු විශාල පිරිසක් සිටින බව සත්යයක් වුව, රට ජාතිය හා ආගම ගැන හැඟීමක් ඇති පිරිසක් ද අපට සිටිති. ත්රස්තවාදයට එරෙහි සටන ජයග්රහණයකින් කෙළවර වූයේ එම පිරිස නිසාය. ඔවුහු සදානුස්මරණීය වෙති.

ඒ සඳහා දිය හැකි හොඳම නිදසුන හසලක වීරයාය. එහෙත් කාලයත් සමඟ එම විරුවන්ගේ නම් ජන මනසින් ඈත් වන්නට පටන් ගෙන තිබේ. සඳහිරු සෑය දකින සෑම වාරයක් පාසා රට බේරාගත් විරුවන් සිහිපත් වනු ඇත. දිනාගත් නිදහස ආරක්ෂා කළ යුතු බව ද අවධාරණය වනු ඇත.

2009ට පෙර අපට උරුම වී තිබුණෙ ලෙයින් හා කඳුළින් තෙමී ගිය කාලපරිච්ඡේදයකි. මරණ බය සියල්ලන්ගේම චිත්ත සන්තානයෙහි කිඳා බැස තිබිණි. ඓතිහාසික රාජධානි ආශ්රිතව ජීවත් වූ ඇතැම් ගොවි පවුල් රාත්රිය ගත කිරීම සඳහා මූකලානක් හෝ ගල්ගුහාවක් හෝ තෝරා ගත්හ.

නගරවල පවුල්වල සාමාජිකයෝ එක් බසයකින් හෝ එක් දුම්රියකින් හෝ ගමන් නොගත්හ. ඔවුන්ගේ ප්රාර්ථනාව වූයේ පවුල වෙනුවෙන් එක් අයකු හෝ ජීවත්ව සිටීමය. එදා සමාජයට ජීවත් වීමේ පරම අයිතිය හොඳින් දැනිණි. එදා සමාජ කතිකාවලදී අසන්නට ලැබුණේ අපට කොන්දක් ඇති නායකයකු නැති බවය.

සාම කතාවලින්, අන්තර්ජාතික බියගැන්වීම්වලින් නායකයෝ තැති ගත්හ. මහින්ද මහතා රටේ නායකත්වය භාර ගන්නේ එබඳු අවිනිශ්චිත හා අර්බුදකාරි අවස්ථාවකය. මහින්ද රාජපක්ෂ පාලන සමය ත්රස්තවාදය පරාජය කිරීමට පමණක් සීමා වූයේ නැත.

නිදහසින් පසු රටේ සංවර්ධනය ඉහළින්ම සටහන් වූ යුගය ද එය වෙයි. වාර්ෂික ආර්ථික වෘද්ධිය 12% ඉක්මවා යෑම වාර්තාගත සිද්ධියකි. එකල දකුණු ආසියාවේ ඉහළම සංවර්ධන වේගය අපට හිමි විය. එපමණක් නොව, සංවර්ධනයේ ප්රතිලාභ උතුරට-නැඟෙනහිරට හා රටේ සෑම පළාතකටම සම සේ බෙදී ගියේය.

‘ආසියාවේ ආශ්චර්යය’ ලෙස එදා ශ්රී ලංකාව හැඳින්විණි. සඳහිරු සෑය රටේ සමස්ත ප්රබෝධයේ සලකුණක් ලෙස ද සැලැකිය හැකිය. මේ මහා සෑය ඉතිහාසයේ ස්වර්ණමය යුගයක සංකේතය වෙයි. 2010දී චෛත්යයට මුල්ගල් තැබුණු අතර, 2014දී චෛත්යයෙහි ධාතු නිධන් කළ බව ද අපට මතකය.

සඳහිරු සෑය මුළුමනින්ම ත්රිවිධ හමුදාවේ හා සිවිල් ආරක්ෂක හමුදාවේ නිර්මාණයකි. අවශ්ය උපදේශන සපයා ඇත්තේ පුරාවිද්යාඥයන් හා මහා සංඝරත්නය බව ගෞරවයෙන් සඳහන් කරනු ලැබේ. දිනකට ගඩොළු තිස්දහසක් නිෂ්පාදනය කරමින් හා ඒවා චෛත්ය භූමිය වෙත ප්රවාහනය කරමින් ඉලක්කගත ඉදිකිරීමක් වෙත යන්නට රණවිරුවන් සමත් වී ඇත. හමුදාවක් යනු දිවිහිමියෙන් ඉලක්ක කරා ඇදී යන කණ්ඩායමකි.

‘කළ නොහැක්කක් නැත’ යන්න ඔවුන්ගේ සටන් පාඨය වෙයි. මේ මහා පුණ්යකර්මය සඳහා බොහෝ පින්වතුන්ගේ සහයෝගය ද ලැබී ඇත. සඳහිරු සෑය ශාසනය වෙත භාර කරමින් ලෝක ප්රජාව වෙත විවෘත කරන අවස්ථාවේ අගමැති මහින්ද රාජපක්ෂ මහතා අපූරු කතාවක් කළේය.

එම කතාව මඟින් අවධාරණය වූයේ රණවිරුවන් දිවිහිමියෙන් දිනාගත් ජාතික නිදහස ආරක්ෂා කිරීම අනාගතයේ බිහි වන සියලු නායකයන්ගේ යුතුකම හා වගකීම වන බවය. එලෙසම රණවිරුවන්ට කෘතවේදි ලෙස සැලකීම ද එම පාලකයන්ගේ වගකීමක් බව මහින්ද මහතා සිහිපත් කළේය.

මෙන්න බලන්න තවත් ගොසිප්