1904 Views
චීනය විසින් ශ්‍රී ලංකාවේ ඉදිකිරීමට සැලසුම් කරනු ලැබ තිබූ දෙමුහුන් බලශක්ති පද්ධති (Hybrid Energy system) සම්බන්ධ ව්‍යාපෘති 3ක් නතර කිරීමට තීරණය කර ඇතැයි ශ්‍රී ලංකාවේ චීන තානාපති කාර්යාලය නිවේදනය කර තිබේ.
අදාළ ව්‍යාපෘති Sino Soar Hybrid Technology විසින් උතුරේ දූපත් 3ක ස්ථාපනය කිරීමට සැලසුම් කර තිබූ බව ට්විටර් පණිවුඩයක් නිකුත් කරමින් දැනුම් දී ඇත. එහි සඳහන් වන්නේ, තුන් වන පාර්ශවයකින් පැමිණිය හැකි ‘ආරක්ෂක හේතු’ මත අදාළ ව්‍යාපෘති මාලදිවයින්හි දූපත් 12ක ස්ථාපනය කිරීම සඳහා ගිවිසුමකට අත්සන් තැබූ බව ය.
චීනයෙන් ආනයනය කරන ලද පොහොර නැවට දැඩි මහජන විරෝධයක් නිර්මාණය වීම ත් සමග ඒ සඳහා මුදල් නොගෙවීමට රජය තීරණය කළ අතර ඒ සම්බන්ධයෙන් චීන රජය නොසතුට පළ කර තිබිණි. මේ අතර, පසුගිය දා එළවළු පලතුරු අමාත්‍ය ශෂීන්ද්‍ර රාජපක්ෂ මහතා පාර්ලිමේන්තුවේදී ප්‍රකාශ කළේ, චීනය සහ ශ්‍රී ලංකාව අතර පැවති මිත්‍රත්වය පළුදු වී ඇති බව ය.
අදාළ ට්විටර් පණිවුඩය පහත දැක්වේ.
🇨🇳Sino Soar Hybrid Technology, being suspended to build Hybrid Energy system in 3 northern islands 🇱🇰 due to 'security concern' from a third party, has inked a contract with Maldivian gov't on 29 Nov to establish solar power plants at 12 islands in 🇲🇻.https://t.co/ZhnETZYN6P
— Chinese Embassy in Sri Lanka (@ChinaEmbSL) December 1, 2021
