Oct
31

“චීන පොහොර නැව සංඥා සමඟ අතුරුදහන්” නලින්ද ජයතිස්ස හෙළිදරව් කරයි

 
976 Views
   
 

චීන කාබනික පොහොර නෞකාව පිළිබඳව මේ දිනවල බොහෝ දෙනකුගේ අවධානය යොමුව ඇත. ඒ සම්බන්ධව විවිධ පාර්ශව විවිධ අදහස් පළ කළ ද තවමත් කාබනික පොහොර රැගෙන ලංකාවට පැමිණියා යැයි පැවසෙන චීන නෞකාව සම්බන්ධයෙන් බොහෝ දෙනෙකුට ඇත්තේ ප්රශ්නාර්ථයකි. තවමත් කිසිවෙකුට දැකගත නොහැකි වූ මේ නෞකාව සම්බන්ධයෙන් ජනතා විමුක්ති පෙරමුණේ හිටපු පාර්ලිමේන්තු මන්ත්රී වෛද්ය නලින්ද ජයතිස්ස මහතා දිවයින පුවත්පතට විශේෂ ප්රකාශයක් සිදු කර තිබේ.

එම ප්රකාශය පහතින්,

මේ අවස්ථාවේ අපේ රටේ අලුත්ම මාතෘකාව වන චීන කාබනික පොහොර නැව ඇත්තටම මේ චීන නැවේ කතාව මොකද්ද ? 

ඇත්තටම කියනවා නම් කාබනික පොහොර ගෙන්වීමේ ගිවිසුම අවුල් ජාලාවක්. සාමාන්යයෙන් වෙන රටකින් අපේ රටට කාබනික පොහොර ගෙන්වීමේදී සම්පත් පරීක්ෂා කිරීම අනිවාර්යයෙන් සිදු කළ යුතුයි. නමුත් නිසි ක්රමවේද වලින් බැහැරව මේ පොහොර ලංකාවට ගෙන්වීමට තමයි අදාල පාර්ශව උත්සාහ කළේ.

රසායනික පොහොර ගෙන්වනවාට වඩා කාබනික පොහොර ගෙන්වන එක බරපතළ කාරණාවක්. කාබනික පොහොර වල ක්ෂුද්ර ජීවී ක්රියාකාරිත්වය ඉහළ නිසා අනිවාර්යෙන්ම තත්ත්වය පරීක්ෂා කළ යුතුයි. කෘෂිකර්ම අමාත්යාංශයේ ශාක නිරෝදායන අංශය මේ පොහොර සම්බන්ධයෙන් වාර්තා කිහිපයක් ලබා දුන්නා නේද ?

පළවෙනි වාර්තාවේදී ලබන ප්රතිඵලය පිළිගන්න බෑ කියලා දෙවැනි වතාවටත් සාම්පල් පරීක්ෂා කළ යුතුයි කීවා. අපි හිතුවේ ප්රතිඵල ලබා දෙන්න කලින් ඒවා වෙනස් කිරීමට ලක් කරයි කියලා. නමුත් ඔවුන්ට අවශ්ය විදිහට වාර්තා වෙනස් කරගන්න බැරි නිසා දෙවැනි වාර්තාවක් පිළිගන්න බෑ කියලා ප්රතික්ෂේප කළා. කණගාටුවට කාරණය මේ රටේ කෘෂිකර්ම ඇමැතිවරයාම තමන්ගේ ආයතනයේ ප්රතිඵල සැක සහිතයි කියලා කියනවා. ඒකෙදි ඇතිවන ගැටලු ගැන කාටවත් අවබෝධයක් නෑ.

මේ රටෙන් වෙනත් රටවලට කෘෂි නිෂ්පාදන අපනයනය කිරීමේදී ඉදිරියේ දී ගැටලු ඇතිවෙන්න වැඩි ඉඩක් තියෙනවා. කෘෂිකර්ම අමාත්යංශයේ ශාක නිරෝදායන අංශය ලබාදෙන තීරණය වැරදියි කියලා කියන නිලධාරීන් වෙනත් උපක්රම වලින් මේ කරන්න යන්නේ ඔවුන්ගේ පෞද්ගලික අරමුණු ඉටු කර ගන්න එක නෙමෙයිද ?

ඔබතුමා අදහස් කරන්නේ මේ චීන පොහොර නැව සම්බන්ධයෙන් අපේ රටේ දේශපාලන හා ව්යාපාරික බලවේග වල සම්බන්ධතාවයක් තියෙනවා කියලද ? 

පැහැදිළිවම ඔව්. එහෙම යම් අරමුණක් නැත්නම් චීන තානාපති කාර්යාලය මහජන බැංකුව black list කරන්නෙ ඇයි ? අනිත් කාරණය මේ කාබනික පොහොර ගැනීමේ ශ්රී ලංකා නියෝජිතයා ලෙස කටයුතු කරන්නේ වෙලීනා කැපිටල් සමාගම. ඒ සමාගම අයිති ලෝලිත අබේසිංහට. ඔහු අග්රාමාත්ය ලේකම්වරයාගේ සමීප ඥාතියෙක්. 2015ට කලින් චීන ව්යාපෘති ගණනාවක උපදේශකවරයෙක් ලෙස කටයුතු කළ ලොව විවිධ කාරණා සම්බන්ධයෙන් චෝදනා පවා තියෙනවා.

ජාත්යන්තර සංඥා 21ක් අතුරුදහන් වෙලා නමත් වෙනස් කරගෙන චීන නැව කටයුතු කරන්නේ අනිවාර්යෙන්ම අපේ රටේ පිරිසකගේ අනුදැනුම ඇතිවයි කියලා ඕනම කෙනෙක්ට තේරෙනවා. රාජ්ය ආයතන නොසලකා හරිමින් විශේෂඥයන්ගේ අදහස් පවා නොසලකා හරිමින් සිදුකරන විනාශයට මේ රටේ නායකයන් වගකිව යුතුයි.

මෙන්න බලන්න තවත් ගොසිප්