Nov
15

පෙම්වතා සමග ඇවිත් තාවකාලික නිවසක ජීවත් වූ එක්දරු මව නිවස තුළ මියගිහින් – පෙම්වතා අතුරුදන්

 
11663 Views
   
 

පුත්තලම කුරුණෑගල මාර්ගයේ ජයබිම පරදේශයේ නිවසක් තුළ සිදුවී ඇති කාන්තා ම ර ණ ය පිළිබද පුළුල් පරීක්ෂණයක් සිදුකර සිද්ධියට සම්බන්ධ සැකකරුවන් අත් අඩංගුවට ගෙන පුත්තලම අධිකරණයට ඉදිරිපත් කරන ලෙස පුත්තලම වැඩ බලන මහෙස්තරාත් මොහොමඩ් ඉක්බාල් මහතා පුත්තලම පොලිසියට නියෝග කළේය.

සියලූ දොරගුරු වසා තිබූ මෙම නිවසේ තාවකාලිකව පදිංචිව සිටි මියගිය මෙම කාන්තාව මද්දුම උන්ඩියගේ මනූජ මන්ජරී ලෙස හඳුනාගෙන ඇති අතර පේරම සම්බන්ධයක් හේතුවෙන් මෙම ස්ථානයට පැමිණ ඇති බවත් මෙම කාන්තාව මීට සතියකට පමණ පෙර එල්ලී මියගොස් ඇති බවට දැනට පොලිසිය සිදුකළ මූලික විමර්ශන වලදී අනාවර්ණය වී තිබේ.

නිවසින් හැමූ දුඟදක් පිළිබඳ පුත්තලම පොලිසියට සිදුකළ දැනුම් දීමකට අනුව මෙම විමර්ශන ආරම්භ කළේය. මීට සති කිහිපයකට පෙර මෙම නිවසට තම පෙම්වතා සමග පැමිණ පදිංචි වී ඇති 41 හැවිරිදි මෙම කාන්තාව එල්ලී මිය ගියේද නැත්නම් කවුරුන් හෝ මෙම කාන්තාව ඝා’ ත න ය කොට එල්ලා ඇතිද යන්න සම්බන්ධව පුත්තලම මූලික රෝහලේ අධිකරණ වෛද්යවරයා ලවා පශ්චාත් ම ර ණ පරීක්ෂණයක් සිදු කොට වාර්තාවක් අධිකරණයට ඉදිරිපත් කරන ලෙසත් වැඩබලන මහෙස්තරාත්වරයා පුත්තලම පොලිසියට වැඩිදුරටත් නියෝග කළේය.

මියගිය මෙම කාන්තාව සමඟ මෙම නිවසට පැමිණි පෙම්වතා දැනට අතුරුදන් වී ඇති බවත් මෙම කාන්තාවගේ ස්වාමිපුරුෂයා පොලිස් දෙපාර්තමේන්තුවේ පොලිස් කොස්තාපල්වරයකු ලෙස සේවය කරන බවත් ඇය එක් දරු මවක් බවට දැනට අනාවර්ණය වී තිබේ.

සිද්ධිය පිළිබඳව පුත්තලම පොලිසිය පරීක්ෂණ සිදු කරණු ලබයි. පුත්තලම නලින් හෙන්දුරුගොඩ

erertreterterter
මෙන්න බලන්න තවත් ගොසිප්