Mar
30

ළහිරු පෙරේරා වොයිස් වේදිකාවේ තරඟකරුවෙක්ට කී දේට උමාලිගෙන් සැර කතාවක්

 
790 Views
   
Lahiru-Perera's-harsh-words-from-Umali-to-a-voice-contestant  

උමාලි තිලකරත්න කියලා කියන්නේ කලා ක්ෂේත්‍රය තුළ සිටින අති දක්ෂ රංගන ශිල්පිනියක්. ඒ වගේම තමයි ඇය තවත් බොහෝ පැතිකඩයන් ඔස්සේ සිය දස්කම් විදහා දක්වනවා. පසුගිය දිනකදී the voice වේදිකාව ඔස්සේ එක්තරා තරගකරුවකු ගායනා කරන ලද ගීතයකට එම තරගාවලියේ විනිසුරුවරයෙකු වන ලහිරු පෙරේරා විසින් කියන ලද එක් ප්‍රකාශයක් හේතුවෙන් ඇය මුහුණු පොතේ සැර ප්‍රකාශයක් කරලා තිබුණා.

තරග කරු විසින් එම ගීතය ගායනා කරන අතරවාරයේ දී ලහිරු පෙරේරා විසින් නඩුවක් තමයි යනුවෙන් ප්‍රකාශයක් සිදු කරනවා. එහිදී ඔහු අදහස් කරන්නට ඇත්තේ මෙම ගීතය ගායන කිරීම තුළින් යම්කිසි නීතිමය ක්‍රියාමාර්ගයකට යොමු වීමට ඉඩකඩ ඇති බවයි. කෙසේ නමුත් ඔහුගේ මෙම ප්‍රකාශයට උමාලි සිය මුහුණු පොත තුළ තබා තිබුණේ මෙවන් දෙයක්.

නඩුවක් තමයි

මේ වීඩියෝව ඇහැ ගැටුනේ ගලන ගඟ ගීතයට සවන් දීමට youtube ජාලයේ සැරිසරූ විටදීය. මේ මුල් ගීතයට මා බෙහෙවින් ඇලුම් කරමි. චරිත අතලගේ. Charitha Rakshitha Attalage ගේ තියුණු සංගීත හා නිර්මාණකරන භාවිතයත්, පැහැදිලි හා අර්ථවත් ‍රැප් ඉදිරිපත් කිරීමත් මට මුලින්ම මුණගැහෙන්නේ මේ නිර්මාණය හරහායි.
එහෙව් ගීතයේ මෙම පහත ඇති ඉදිරිපත් කිරීමද උපේක්ෂාවෙන් බලාසිටි අතරවාරේ මෙහි එක් තැනක “නඩුවක් තමයි” කියා , එක් විනිසුරු මඬුළු සාමාජිකයෙක් , La Signore කරන මතක් කරදීම කෙතරම් උත්ප්‍රාසයක් උපදවන්නේ නොවෙද යන්න දැන් දින කිහිපයක් තිස්සේ කල්පනා කිරීමෙන් පසුව මෙසේ සටහනක් තැබීමට අපි උත්සාහ කරමු.
කුහක කියමන් හා අත්තනෝමතික ක්‍රියාකලාපයන් හෙලා දැකීමට උත්සුක වෙමු. කලා නිර්මාණ හා බැඳුනු සැබෑ නීතිමය හා සදාචාරාත්මක සංස්කෘතිය හා කාරණා පිළිබඳ දැනුවත් වෙමු.
නිවැරැදි දේ ඉදිරිපත් කෙරෙන්නේ කොහෙද නැද්ද ‍යන
තර්කයත් පෙරදැරි කරගෙන මාධ්‍ය භාවිතා කිරීමට හා ඒ වටා ඔල්වරසන් දීමටත් ක්‍රමානුකූලව විවේචන ඉදිරිපත් වීමටත් හුරුවෙමු.
මේ අපි දකිනා කරනා හා ඒ වෙනුවෙන් අදටත් මාධ්‍ය ඉදිරියේ  ඉදිරිපත් වන සියලු දෙනා තම තමා කරනා ප්‍රකාශයන් හා ඉදිරිපත් වන වැඩසටහන් කොතරම් සාධාරණද නොවේද යන්න පිළිබඳ නිර්මාණකරුවන් හා ශිල්පීන් වශයෙන් කටයුතු කල යුතුව කාලය එළැඹ ඇත. එසේ නොකරන ශිල්පීන් පිළිබඳ ප්‍රේක්ෂක අප්‍රසාදයද පලවිය යුතු කාලය එළැඹ ඇත.
නැත්නම් , ඔබ ඔබේ දරුවාව ඉදිරිපත් කරන වැඩසටහන් හරහා කලාව හා එහි භාවිතයත් , ඔවුන්ගේ ශිල්පීය අනන්‍යතාවයත් අමු අමුවේම මරා දැමෙන්නට ඉඩ ඇත.
හැබැවින්ම , ලාංකේය ස්වතන්ත්‍ර කලා කෘතිවලට-නිර්මාණවලට හිමි වටිනාකම , කතෘභාග හා ලාභාංශ බෙදා දීම් නිසිලෙස ක්‍රියාත්මක වෙන කලක් ලංකාවේ කවදා නම් උදාවේද?
සැබෑ නිර්මාණකරුවන් හා කලා ශිල්පීන් තම නිර්මාණවලට හිමි වටිනාකම රැකගැනීමට හා තවත් නිර්මාණකරුවෙකුගේ හිමිකම් රැකගැනීමටද , ඒ නයින් තම තමන්ගේ වෘත්තීයමය ස්භාවයන්හි ගුණාත්මක බව රැකගෙන විනයගරුකව නිර්මාණකරණයේ හා ප්‍රාසාංගික ඉදිරිපත් කිරීම්වල නියැලෙන කලක් කවදා නම් උදාවේද?
නිර්මාණකරනයට හා එම නිර්මාණවල ගුණාත්මකබවට මුල්තැන දෙමින් කටයුතු කරන නිර්මාණකරුවන් හා ශිල්පීන්ගේ විනයගරුක ප්‍රතිපත්තීන් අවතක්සේරුවට ලක් නොකර ඒ හා බැඳුනු ප්‍රතිපත්තිමය හා වෘත්තීයමය සදාචාරාත්මක වැඩපිළිවෙළක් , එකී මෙකී නොකී මාධ්‍ය හා අනෙකුත් ආයෝජන ආයතන අතර කඩිනමින් ක්‍රියාත්මක වන කලක් කවදා නම් උදාවේද?
නිර්මාණයක හා ශිල්පීය ගුණාත්මක බව , කලා නිර්මාණයක් නිසිලෙස පරිශීලනය කිරීමට හා අවභාවිතා නොකිරීමට පුරුදු පුහුණු කරන අධ්‍යාපන වැඩපිළිවෙළක් හා ඒ ඇසුරින් ගොඩනැගෙන බහුතර සබුද්ධික ප්‍රෙක්ෂක ප්‍රජාවක් බිහිවෙන කලක් කවදා නම් උදාවේද?
නියමාකාරයට නම් මේ විකාශනය වන හා භාවිතා වන හැම නිර්මාණයකටම හිමි කතෘභාග හා ලාභාංශ නිසිලෙස බෙදා හැරදීම සිදුවිය යුතුය.
එය එදා සිට අද දක්වා නිසි පරිදි ක්‍රියාත්මක කෙරුනේ නම් මෙරට හොර නිර්මාණකරනයට ඉඩකඩ ඇහිරීයාමද , රටකට සම්පතක් වන සැබෑ නිර්මාණකරුවන් සදා රැකගැනීමටද ඉඩකඩ සැලසෙනු නොඅනුමානය.
මට ජයලත් මනෝරත්නයන්ගේ හඬ නිහඬ නාට්‍යය සිහියට නැගේ.. ( මේ නාට්‍යය නැරඹූ අය මා කියනා මේ තත්ත්වය මොනවට වටහා ගනීවි යැයි මා සිතමි ) ..!
අදවන විට මේ මුලු යාන්ත්‍රනයම “නඩුවක් තමයි.”
මෙම වැඩසටහන මැද ඒ බව ප්‍රකාශ වීමත් “නඩුවක් තමයි.”
නඩු ආශ්‍රිතව හෝ නිර්මාණවල ස්වයිරීභාවය රැකගැනීමට ක්‍රියාකාරකම් සිදුවෙනවා නම් Charitha Rakshitha Attalage මෙන් ඔහු පොරක් තමයි . එසේ නොකරනවානම් අපේ කලා කෙතට සදා හුලං තමයි !

මෙන්න බලන්න තවත් ගොසිප්