Sep
25

මෙරට ප්‍රධානතම නගරයක හෝටල් අවන්හල් මුහුදට ගසාගෙන යයි සුනාමි අවධානමක්?

 
694 Views
   
 

හික්කඩුව නාරිගම වෙරල තීරය පසුගිය දිනවල විශාල වශයෙන් මුහුදු ඛාදනයට ලක්වීම හේතුවෙන් හෝටල්වල අවන්හල් රැසක් මුහුදට ගසා ගෙන ගොස් තිබේ. මීටර් 100ක පමණ වන පරිදි වෙරළ තීරය සම්පුර්ණයෙන් මුහුදු ඛාදනයට ලක් වීමෙන් මෙම ප්‍රදේශයේ තිබූ සංචාරක හෝටල්වල අවන්හල් සහ අවන්හල් පමණක පවත්වාගෙන ගිය සංචාරක අවන්හල් විනාශ වී තිබේ.

හෝටල් හිමියන් සඳහන් කරන්නේ මෙම තත්ත්වය එම ප්‍රදේශයේ සංචාරක කර්මාන්තය එල්ල වූ බලවත් පහරක් බවයි. මීට තාවකාලික විසඳුමක් ලෙස ආරක්ෂක රෙදි ආවරණ යෙදවීමට වෙරළ සංරක්ෂණ නිලධාරින් විසින් කටයුතු කර තිබේ. මුහුදු ඛාදනය තවදුරටත් උග්‍ර වුවහොත් සංචාරක හෝටල් පවා මුහුදට බිලි වනු ඇති නිසා මේ සම්බන්ධයෙන් රජය හැකි ඉක්මනින් අවධානය යොමු කළ යුතු බවද හෝටල් හිමියෝ කියා සිටිති. එමෙන්ම, ශ්‍රී ලංකාව භූමි කම්පාවක් සිදුවිය හැකි අවදානම් කලාපයේ පිහිටා නො මැති නමුත් ඉන්දුනීසියාව අවට සිදුවන භූ කම්පන හේතුවෙන් සුනාමි තත්ත්වයන්ට ගොදුරුවීමේ ඉඩකඩක් පවතින බව ජ්‍යෙෂ්ඨ භූ කම්පන විද්‍යාඥ නිල්මිණී තල්දෙන පවසන්නීය.

එහෙත් සුනාමි තත්ත්වයකට මුහුණදීමට වර්තමානයේ සියලු ක්‍රියාමාර්ග ගෙන ඇති බව ඇය සඳහන් කළාය. පරිසර අමාත්‍ය මහින්ද අමරවීර මහතාගේ ප්‍රධානත්වයෙන් පැවැති මාධ්‍ය හමුවකට එක්වෙමින් ජ්‍යෙෂ්ඨ භූ කම්පන විද්‍යාඥ නිල්මිණී තල්දෙන මහත්මිය මේ බව කියා සිටියාය. “ලංකවේ දැනට ස්ථාවර භූ කම්පන නිරීක්ෂණ මධ්‍යස්ථානය 4ක් තිබෙනවා. මහන්දරාව, හක්මන, පල්ලේකැළේ සහ බුද්ධංගල දැනට බටහිර පැත්තේ තමයි භූ කම්පන මධ්‍යස්ථානයක අඩුවක් පවතින්නේ. අපි දැනටම ඒ ප්‍රදේශයේ මධ්‍යස්ථානයක් සවිකරන්න වීන රජය සමග සාකච්ඡා පවත්වමින් යනවා.

ඒ වාගේම ප්‍රධාන භූමිකම්පාවක් එන කතාවක් කිව්වොත් අපේ භූ විද්‍යාත්මක පිහිටිම අනුව විද්‍යාඥයින් කරල ඇති අධ්‍යයනවලට අනුවත් පැහැදිලි වෙන්නේ මේ ප්‍රදේශයේ විනාශකාරී ලොකු භූමිකම්පාවක් වෙනවා කියලා කොහෙවත් අනාවැකි කියලා නැ හැ. භූමිකම්පා සම්බන්ධයෙන් ගතහොත් අනාවැකි කිමේ හැකියාවක් නැ හැ. එතකොට දැන් ලංකාව අවට ප්‍රදේශ ගතහොත් අධ්‍යයන කටයුතුවලින් පෙනෙන්නට ඇත්තේ එම විනාශකාරී භූමිකම්පාවක් වීමේ ඉඩකඩ ගොඩක් අඩුයි. නමුත් අපේ ලංකාවට භූමිකම්පා සම්බන්ධයෙන් බලපෑමක් විදිහට ගතහොත් ජාවා, සූමාත්‍ර ප්‍රදේශයේ ඇතිවන ලොකු භූමිකම්පා හින්දා ඇතිවන සූනාමි තත්ත්වයන්. යම්කිසි සුනාමි තත්ත්වයක් ආවත් අපිට 2004ට වඩා සාර්ථක ලෙස මුහුණදීමේ හැකියාව අපිට තියෙනවා.“ මේ අතර මෙරට පස්වන භූ කම්පන මැනීමේ මධ්‍යස්ථානය බස්නාහිර පළාතේ පිහිටුවීමට පියවර ගන්නා බව බලධාරීන් පැවසීය. විශාල මුදලක් මේ සඳහා වැය කරන අතර දැනටමත් ඒ සඳහා අවශ්‍ය මූලික පියවර ගෙන ඇති බව අමාත්‍ය මහින්ද අමරවීර මහතා සඳහන් කළේය.

erertreterterter
මෙන්න බලන්න තවත් ගොසිප්