Feb
26

” ඇත්තටම මට මෙච්චර ජනප්‍රියත්වයක් හිමි වෙයි කියලා මම කවදාවත් හිතුවේ නෑ” මනෝජා ප්‍රනාන්දු

 
641 Views
   
 

මෙරට ජනප්‍රියත්වයට පත් ටෙලි නාට්‍යය අතුරින් ලාංකිකයන් හැමෝගෙම අවධානය දිනාගත් ටෙලි නාට්‍යයක් තමයි පොදු කියල කියන්නේ. ඇත්තෙන්ම මෑතකදී විකාශය කෙරුණු මෙම ටෙලි නාට්‍යයට ඉහළ ජනතා ආකර්ෂණයක් හිමිකර ගැනීමට හැකියාව ලැබුණා. ඉතින් මේ ටෙලි නාට්‍යයේ කෞෂි කියන චරිතයට රංගන දායකත්වය ලබාදුන්නේ මනෝජා ප්‍රනාන්දු කියන සුන්දර තරුණියයි. ඇත්තෙන්ම පොදු ටෙලිනාට්‍ය විකාශය කෙරුණු කාලයේ මනෝජාට බොහෝ දෙනෙකුගේ හදවත් සොරා ගැනීමට හැකියාව ලැබෙනවා

කොහොම නමුත් ලාංකීය තරුණ පරම්පරාව අතර සුවිශේෂ ජනප්‍රියත්වයක් හිමිකර ගන්නා මනෝජා මේවෙනකොට පුංචි තිරයේ පමණක් නොවෙයි සමාජ ජාලා මාධ්‍ය තුළත් මේවෙනකොට ජනප්‍රියත්වයට පත්ව තිබෙනවා. ඉතින් අද අපි මේ විදිහට කතා කරන්න යන්නේ මේ ජනප්‍රිය රංගන ශිල්පිනිය සමගිනුයි

ඇත්තටම මනෝජා කියල කියන්නේ මේවෙද්දී මෙරට තරුණ පරම්පරාව අතර ජනප්‍රිය රංගන ශිල්පිනියක්. ඉතින් ඔබ පුංචි කාලේ හීන දැක්කේ කවුරු වෙන්නද ?

මගේ පුංචි කාලේ හීනය වුණේ ඩොක්ටර් කෙනෙක් වෙන එක. මගේ සෙල්ලම් බඩු පවා තිබුණේ ඩොක්ටර් කෙනෙකුගේ දේවල්. මම ඩොක්ටර් කෙනෙක් කියලා හිතාගෙන සෙල්ලම් කරපු කාලයකුත් තිබුණා. හැබැයි කලාවට සම්බන්ධ වුණාට පස්සේ කලාවත් එක්ක එක එක දේවල් කරන්න පටන් ගත්තට පස්සේ මම කලාවට ආස කළා. ඒ නිසාම කලාවෙන් ඉස්සරහට යන්න ඕන කියන හැඟීම මට ඇති වෙන්න පටන් ගත්තා

කලාවට එන්න ඔබේ ජීවිතයේ හැරවුම වුනේ කොතනද කියල කිව්වොත් ?

මම පුංචි කාලේ තාත්තා කැස්බෑව සංස්කෘතික මධ්‍යස්ථානයට මාව ඇතුළත් කරල තිබුණා. එහිදි මම නර්තනය ගැන ඉගෙන ගත්තා. ඒ අතරේ තමා මට බන්දුල සර් මුණගැහෙන්නේ. එතුමා මට නාට්‍යය කරන්න බල කලා. හැබැයි මම ඒ කාලේ ඒ විෂයට කැමැති නෑ. ටික කාලයක් යද්දි මම ඒ විෂය හැදෑරුවා. මම නාට්‍ය හා රංගකලාව ඉගෙන ගන්න පටන් ගත්තා. මට අවුරුදු 18 වගේ වෙද්දි මම නර්තනය ගැන ආයේ ඉගෙන ගන්න පටන් ගත්තා. 2015 අවුරුද්දේ නාට්‍ය තරඟයකින් හොදම නිළිය සම්මානය මට ලැබුනා. එතනින් පස්සෙ තමා නාට්‍ය කරන්න ආසාව ඇති වුනේ. ඉතින් එතන තමා මගේ ජිවිතේ හැරවුම

කොහොම නමුත් බැලු බැල්මට ඔබ දගකාර චරිතයක් කියල කියන පුලුවන්. ඉතින් ඔබට ජිවිතේ අමතක නොවන දඩබ්බර වැඩ එහෙම තියෙනවද ?

අපොයි මම කරන තරමක් කලේ දඩබ්බර වැඩ. පුංචි කාලේ මම ගොඩක් දඟ කෙනෙක්. සමහර දවස් වලට අම්මා පොඩි වේවැලකින් මට දඩුවම් පවා කරනවා. ඉස්සර ⁣අපේ අයියාට පොඩි බයිසිකලයක් තිබුනා.මම ඒකට උස නෑ.මම පොඩි කාලේ ඒක පැද්දේ කකුල අස්සෙන් දාලා. මගේගෙවල් පැත්තේ ලොකු පල්ලමක් තියෙනවා. ඉතින් ඒ පල්ලමේ බයිසිකල් පදින්න මම ගොඩක් ආසයි. උඩ ඉදලා පහළට එද්දි වේගය මරු. අම්මා එපා කියද්දි දවසක් මම ඔය පල්ලමේ බයිසිකලය පැද්දා. එදා බයිසිකලයේ චේන් එක පැනලා දැති රෝද අස්සේ කකුල ඇනිලා හොදටම තුවාල වුනා. කොහොම හරි මම එදා ගෙදර ආවේ හොදටම ලේ පෙරාගෙන. අදටත් ඒ පැල්ලම් තියෙනවා

පොදු ටෙලිනාට්‍යයේ කෞෂි කියන චරිතය ඔස්සේ ඔබට ඉතාමත් ඉහළ ජනප්‍රියත්වයක් ලැබෙනවා. ඉතින් ඔබ පොදු ටෙලිනාට්‍යයේ කෞෂි කියන චරිතය හරහා මෙච්චර ජනප්‍රිය වෙයි කියලා හිතුවද?

ඇත්තටම මට මෙච්චර ජනප්‍රියත්වයක් හිමි වෙයි කියලා මම කවදාවත් හිතුවේ නෑ. ඒ වගේම මේ වැඩේ මෙච්චර සාර්ථක වෙයි කියලත් අපි හිතුවේ නෑ. පොදු ටෙලිනාට්‍යයේ චරිත වලට ආදරේ කරන තරම් මිනිසුන් අපිට ආදරේ කලා. කොටස් දහයක් වුනාට ගොඩක් අය අපිට ආදරේ කලා

ඉතින් මනෝජාගේ අනාගත බලාපොරොත්තු ගැන කතා කලොත් ?

මට මගේ ජිවිතේ ලොකු බලාපොරොත්තු නෑ. හැබැයි හීන තියෙනවා. මම ඒ හින හැබෑ කරගන්න උපරිම උත්සහ කරනවා. මම ජිවත් වෙන්නේ අද දවසේ. ඒ කියන්නේ වර්තමානයේ. ඒ නිසා මම අද ජිවිතේ විදිමින් ජිවත් වෙනවා

erertreterterter
මෙන්න බලන්න තවත් ගොසිප්