493 Views
ICC දූෂණ මර්දන අංශය විසින් LPL ක්‍රිකට් තරඟාවලියේ ගාලු කණ්ඩායම, එනම් ගෝල් ටයිටන්ස් කණ්ඩායමේ තරග පාවාදීමේ සිද්ධියක් ගැන පර්යේෂණ අරඹයි. ගෝල් ටයිටන්ස් කණ්ඩායමේ අයිතිකරු වූ නයන වාසලතිලක ප්‍රමුඛ චූදිතයන් සම්බන්ධයෙන් දැනටමත් පර්යේෂණ අරඹා ඇත. මේ හේතුවෙන් නයන වාසලතිලක සහ ඔහු පසුපස සිටින අදිසි හස්තයන් දැනටමත් කලබලයට පත්ව ඇතිබව වාර්තා වේ. පසුගිය සති කිහිපය තුල ආන්දෝලනයට තුඩු දුන් දේශපාලකයින් සහ ශ්‍රී ලංකා ක්‍රිකට් සංගමය අතර ගැටුමෙන් පසු ICCය විසින් ශ්‍රී ලංකා ක්‍රිකට් තහනමට ලක් කළ අතර, ගාලූ ටයිටන්ස් කණ්ඩායමේ තරග පාවාදීමේ දූෂණ විමර්ශනය අනපේක්ෂිත පියවරකි. ඒ අනුව ක්‍රිකට් ක්ෂේත්‍රය උඩු යටිකුරු වන සිදූවීම් දාමයක් ඉදිරි සති කිහිපය තුලදී බලාපොරොත්තු විය හැකිය.
ICC ACU හෙවත් ජාත්‍යන්තර ක්‍රිකට් කවුන්සිලයේ දූෂණ මර්දන අංශයේ සභාපති සර් රොනී ෆ්ලැනගන් මහතා සහ සාමාන්‍යාධිකාරී ලෙස ඇලෙක්ස් මාර්ෂල් මහතාගේ ප්‍රධානත්වයෙන් මෙම විමර්ශන සිදුවීමට නියමිතයි.
