Jul
21

දකුණු ආසියාවේ ශක්තිමත්ම හා සාර්ථකම එන්නත්කරණ වැඩසටහන ඇත්තේ ශ්‍රී ලංකාවට

 
1018 Views
   
 

කොවිඩ් ම ර්දනයට අදාළ වැදගත් සාධක දෙකක් ඇත. ඉන් පළමුවැන්න එන්නත්කරණය ලෙස සැලකිය හැකිය. දෙවැන්න නම් රටවල් විසින් පවත්වාගෙන යනු ලබන සෞඛ්‍ය නීති හා රීතිය. මේ දෙක සාර්ථකව පවත්වාගෙන යා හැකි නම් කොවිඩ් ව්‍යාප්තිය ගැන බි ය විය යුතු නැත. එන්නත් විද ගත් තැනැත්තකුට වයිරසය ආසාදනය වූව ද ඔහු මා රාන්තික තත්ත්වයට පත්වන්නේ නැත. එලෙසම එම පුද්ගලයා රෝග වාහකයකු වන්නේ ද නැත. දකුණු ආසියාවේ ශක්තිමත්ම හා සාර්ථකම එන්නත්කරණ වැඩසටහන ඇත්තේ ශ්‍රී ලංකාවේය. ඉන්දියාව, පාකිස්තානය, බංග්ලාදේශය, නේපාලය, ඇෆ්ගනිස්ථානය යන සෑම රාජ්‍යයක්ම එන්නත්කරණය අතින් අපට වඩා පසුගාමීය. සෑම දිනකම ලක්ෂ තුනකට වැඩි පිරිසකට එන්නත් දීමට රජය සමත් වී ඇත.

අපේ සෞඛ්‍ය නීති වරින් වර වෙනස් කරනු ලැබේ. ඒ වසංගතයේ තත්ත්වය හා පැතිර යෑමේ වේගය සැලකිල්ලට ගනිමින් කොවිඩ් ම ර්දනය සඳහා ගනු ලබන තීරණ වෙයි. මේ දිනවල ජනතාවගේ සෞඛ්‍ය ආරක්ෂණ පිළිවෙත් සඳහා නීති රීති හතළිස් තුනක් හඳුන්වා දී ඇත. මේවා ඒ අයුරින්ම අනුගමනය කරන්නේ නම්; කොවිඩ් තෙවන රැල්ල පහසුවෙන් ජය ගත හැකිය. එහෙත් සෞඛ්‍ය නීති රීති, නිරෝධායන නීති, සංචරණ නීති ඒ අයුරින්ම අනුගමනය කිරීමක් දැක ගත නොහැකිය. ඇතැම් පුද්ගලයෝ මුව ආවරණ පැලඳීම වැනි මූලික සෞඛ්‍ය නීති පවා උල්ලංඝනය කරති. මුව ආවරණ නොමැතිව දුම්රිය ස්ථානයක හැසිරුණු තරුණයෝ දෙදෙනෙක් ඒ ගැන විමැසීමට ගිය ආරක්ෂක නිලධාරියාට දරුණු ලෙස පහර දුන්හ. මෙබඳු සිදුවීම්වලින් රටේ ජනතාවගේ තත්ත්වය මැන ගත හැකිය.
මේ වන විට ලෝකය පුරා රටවල් භාවිත කරන එලෙසම ලෝක සෞඛ්‍ය සංවිධානයේ අනුමැතිය ලද එන්නත් වර්ග හතක් තිබේ. එයින් එන්නත් වර්ග පහක්ම ශ්‍රී ලංකාවේ භාවිත වෙයි. එය සාධනීය තත්ත්වයකි. ඇස්ට්‍රාසෙනෙකා, ස්පුට්නික්, සයිනොෆාම්, ෆයිසර් හා මොඩර්නා එම එන්නත් වර්ග වේ. මේ සෑම එන්නතක් සඳහාම අධි ඉල්ලුමක් පවතී. එන්නත් මිලට ගැනීම තුළ අධික තරගයක් ද දකින්නට ලැබේ.

ශ්‍රී ලංකාව වැනි පහළ ආදායම් ලබන රාජ්‍යයක් එන්නත් ලබා ගැනීමේ දී සාර්ථක ප්‍රතිඵල අත් කරගෙන ඇත්තේ පෙර සූදානමකින් කටයුතු කිරීමට රජය ක්‍රියාකර ඇති නිසාය. කොවිඩ් පිළිබඳ සිදු කරන ලෝක පර්යේෂණ ගැන පවා අපේ ජනාධිපතිවරයා උනන්දුවක් දක්වයි. එහි ප්‍රතිඵලයක් ලෙස අනාගතය දෙස බලාගෙන වැඩ කරන්නට කොවිඩ් මර්දන කමිටුවට හැකියාව ලැබී ඇත.

ලබන සැප්තැම්බරය අවසන් වනවිට ර‍ෙට් මුළු ජනගහ‍නයෙන් 60%කට එන්නත් දීම රජයේ ඉලක්කය වී තිබේ. මේ ඉලක්කය ජය ගත හැකි බව පෙනී ගොස් ඇත. බස්නාහිර පළාතේ වයස අවුරුදු තිහට වැඩි සියලු දෙනාට ජූලි අවසන් වීමට පෙර එන්නත් දෙන්නැ’යි ජනාධිපතිවරයා උපදෙස් ලබා දී ඇත. එය කඩිනම් වැඩපිළිවෙළකි. ත්‍රිවිධ හමුදාව ද එන්නත්කරණ වැඩසටහනට එකතු වී සිටිති. බස්නාහිර පළාත යනු කොවිඩ් ව්‍යාප්තිය අතින් අ’වදානම් කලාපයකි. අ’වදානම් කලාපවලට සේම අ’වදානම සහිත කණ්ඩායම්වලට ද එන්නත්කරණයේ ප්‍රමුඛතාව දී ඇත. එය කාලෝචිත පියවරකි. ජුලි අවසන් වීමට පෙර තවත් දිස්ත්‍රික්ක ගණනාවක එන්නත්කරණය අවසන් කිරීමට සැලසුම් කර තිබේ.
සෞඛ්‍ය අංශ, ආරක්ෂක අංශ, දේශපාලන නායකත්වය හා පොදු ජනතාව කොවිඩ් ම’ර්දනය සඳහා කැප වීමකින් කටයුතු කරන්නේ නම්; වසංගතය පාලනය කරගෙන ආර්ථික ඉලක්ක කරා ගමන් කළ හැකි බව ශ්‍රී ලංකාව සනාථ කරන්නට පටන්ගෙන තිබේ. වසංගත තත්ත්වය තුළ වුව ජාතික ආර්ථිකයේ යම් පිබිදීමක් ද ඇති වී තිබෙන බව මහ බැංකුව මෑතක දී ප්‍රකාශ කර තිබේ. මේ ගැම්ම දිගටම පවත්වාගෙන ගිය හොත් කොවිඩ් වසංගතය පරාජය කොට රටක් වශයෙන් නැගී සිටිය හැකිය.

erertreterterter
මෙන්න බලන්න තවත් ගොසිප්