Jan
29

මෙරට එන්නත්කරණයට වසරක් සපිරෙයි

 
1811 Views
   
 
මීට වසර දෙකකට පමණ පෙර චීනයේ හුබෙයි හී, වූහාන් නගරයෙන් ආරම්භ වූ මාරාන්තික Covid 19 වෛරසය මුළු ලෝකයම වෙලා ගත්තේ ඇසි පිල්ලමක් ගසන වේගයෙනි. තාක්ෂණයෙන් ඉදිරියෙන් සිටින ලෝක දැවැන්තයන් පවා මෙම වෛරසය ඉදිරියේ දණ නැමුවේ ලෝකයේ අනෙක් කුඩා රටවලට අත්වෙන ඉරණම ගැන සිතා ගැනීමට ඉඩක්වත් නොතබමිනි. ඉතාලිය වැනි දියුණු රටවල් යුරෝපයේ Covid 19යේ කේන්ද්රස්ථානය විය. එකල අප ගත කලේ දිනකට කොරෝනා වෛරසය ආසාදිතයන් මෙන්ම ආසාදනය වීම හේතුවෙන් සිදුවන මරණ ගණනද ගනන් කරමිනි. ඒ සඳහා අපට ශ්රී ලංකාවද , ආසියාවද, යුරෝපාකරයද, ඇමරිකාවද යන්න අදාල නොවීය. මාරන්න්තික කොවිඩ් වෛරසය එතරම්ම අපගේ ජීවිත වලට බලපෑම් කලේය.
මෙය 2019 යේදී බලයට පත්වූ ගෝඨාභය රාජපක්ෂ ජනාධිපතිතුමා ප්රමුඛ ආණ්ඩුව මුහුණ දුන් ප්රධානතම සහ පළමුවන අභියෝගය විය. වත්මන් ජනාධිපතිවරයා බාර ගත් රටට හිමිව තිබුනේ 1%ක ආර්ථික වර්ධන වේගයකි. 97ත් වතාවක් ආරක්ෂක අංශ දැනුම් දීලත් වළක්වා ගැනීමට නොහැකි වූ පාs ku ප්රහාරය නිසා සංචාරක කර්මාන්තය බිංදුවටම වැටී තිබුනි. කෙටියෙන්ම පවසනවා නම් පාසල් නිළඇඳුමවත් ලබා දීමට සූදානම් නොකල, රෝහල්වල බෙහෙත් ද්රව්ය පවා නොතිබූ රටකි. මැරී ඉපදුණු කෙනෙකුට හැර වෙන අයට නම් මේ තත්වය හොඳින් මතක ඇත.
මෙවන් තත්වයක් උඩ 2020 ජනවාරි 27 වනදා පළමු කොවිඩ් රෝගියා ශ්රීලංකාවෙන් වාර්තා විය. ඇය චීන ජාතික කාන්තාවකි. ඇය සුව කිරීමේ වගකීම ශ්රීලංකාව බාර ගත්තේය. එය ජය ගත් ශ්රීලංකාව කොවිඩ් අවධානම තම රට තුලට ඇතුලු වී ඇති බව වටහා ගත්තේය.
ජනාධිපතිතුමාගේ උපදෙස් මත කොවිඩ් කාර්ය සාධන බලකායක් ස්ථාපිත විය. එයට ආරක්ෂක අංශ, සෞඛ්ය අංශ අයත් විය. ගෝඨාභය ජනාධිපතිතුමා මෙම වසංගතය පාලනය කිරීමට උත්සහ කරන විට පටු දේශපාලන වාසි ලබා ගැනීමට විපක්ෂය නිතරම උත්සහ කලහ.
 
🔺 කොවිඩ් මරණ පුලුස්සන්න ඉඩ නොදෙන ලෙස ඉල්ලා එක්තරා පිරිසක් සමග සජිත් ප්රේමදාස ඇතුලු ජනතා විමුක්ති පෙරමුණ අවුරුද්දක් තිස්සේ පාරවල් වල උද්ඝෝෂණය කරමින් ඇවිද්ද හැටි මතකය.
 
🔺විටෙක විපක්ෂ නායකවරයා කොවිඩ් වෛරසයට ප්ලැකනිල් නම් ඖෂධය භාවිතා කරන ලෙස කීවේ ආණ්ඩුව අපහසුතාවයට පත් කරමින් ය.
 
🔺ජනතා විමුක්ති පෙරමුණ ඊට දෙවනි නැත. ටිල්වින් සිල්වා කොවිඩ් ව්යාප්ත කරන්නේ ගෝඨාභය යැයි ප්රසිද්ද වේදිකාවක කීවේය.
 
🔺ඇතැම් විකල්ප මතදාරීන් කියා කියා ගන්නා අය ඇවිගන් නමැති ඖෂදයක් ගැන කියමින් එය ලබා ගන්නා ලෙස රටේ ජනතාව අවුස්සමින් රජයට අනවශ්ය පීඩනයක් එල්ල කලේය.
 
🔺සුනිල් හඳුන්නෙත්තිලා, බිමල් රත්නායකලා කේරලය දෙස, වියට්නාමය දෙස බලන්න කියමින්, ගෝඨාභය ජනාධිපතිවරයාට මෙන්ම ආරක්ෂක අංශ හා සෞඛ්යය අංශ සිදුකරන ලද කොවිඩ් මර්ධන වැඩපිළිවෙල දිගින් දිගටම පහත් කරමින් කතා කලෝය.
නමුත් ගෝඨාභය ජනාධිපතිතුමාට තමා පත් කල රට වැසියා සමග සම්මුතියක් තිබුනි. ජනතාව රැක ගනිමින් ආර්ථිකය කළමණාකරනය කර ගැනීම ඔහුගේ පළමු ඉලක්කය විය. සංචරණ සීමා පනවමින්, රාජ්ය සේවකයන්ට වැටුප් ගෙවමින්, රුපියල් 5,000 බැගින් දීමනාවක් ලබා දුන්නේය. අත්යවශ්ය සේවා පවත්වාගෙන ගියේය. මේ සියල්ලම සිදු කලේ රාජ්ය ආදායම් මාර්ග සියල්ලම ඇහිරී ඇති පසුබිමකය.
මේ අතර Covid 19 වෛරසය සඳහා ලෝකයට බලාපොරොත්තුවක් කරමින් එන්නතක් නිශ්පාදනය කෙරිනි. ලෝක සෞඛ්ය සංවිධානය හා විශේෂඥයන්ගේ මතය වූයේ Covid වෛරසයට එකම විසඳුම එන්නත්කරණය පමණක් බවයි. අප කුඩා රටකි. අපට එන්නත් නිශ්පාදනය සිදුකල නොහැකිය. නමුත් රටවැසියා වෙනුවෙන් එන්නත්කරණය ආරම්භ කලයුතුය. ජනාධිපතිතුමා අභියෝගය බාර ගත්තේය. 2021 ජනවාරි 18 වනදා Covid එන්නත මෙරටට් ආනයනය කිරීමේ වගකීම රාජ්ය ඖෂධ සංස්ථාවට පවරන ලදී. මේ සඳහා ගෝඨාභය රාජපක්ෂ ජනාධිපතිතුමා ඍජු ලෙස රාජ්ය ත්රාන්ත්රිකව මැදිහත් වන ලදී. ඒ අනුව ජනවාරි මාසයේදී පළමු එන්නත් තොගය වී, කොවිෂිල්ඩ් ඇස්ට්රසනිකා මාත්රා ලක්ෂ පහක තොගයක් ශ්රීලංකාවට ලැබෙන ලදී. මෙය පළමුව ලබා දුන්නේ අවදානම වැඩි අවුරුදු 60ට වැඩි වැඩිහිටියන් ඉලක්කකොට ගෙනය. මෙම එන්නත්කරණ වැඩසටහන සඳහා විපක්ෂය කොයිම මොහොතකවත් ප්රශංසාවක් කලේ නැත. කලේම අසත්ය සමාජ ගත කිරීම හා පහත්කොට කතා කිරීමයි.
 
🔺ජනතා විමුක්ති පෙරමුණේ අනුර කුමාර විටක පැවසුවේ, ගෝඨාභය ජනාධිපතිවරයා විසින් එන්නත් රට රටවල් වලින් හිඟා කන බවයි. මේ ප්රකාශය හිරිකිතය. එතරම් පහත් ලෙස කතා කල හැක්කේ කුහකයෙක්ටම පමණී.
 
🔺තමන් ස්වාදීන බුද්ධිමතෙක් ලෙස හඳුන්වන පැතුම් කර්නර් නැමැති පුද්ගලයෙක් ප්රකාශ කර තිබුනේ ශ්රීලංකාවට 2022 වර්ශය වෙනකනුත් එන්නත් ලබා ගැනීමට නොහැකි තරමට ශ්රීලංකාව දුප්පත් බවත්, එය ශ්රීලාංකීක ජනතාවට ටොක්කක් ඇන මතක් කර දිය යුතු බවත් ය.
 
🔺ඇතැම් විපක්ෂයේ පාර්ශව පැවසූයේ එන්නත් මගින් කොමිස් ලබාගන්නා බවය. මෙයට පිළිතුර ආසියානු සංවර්ධන බැංකුව විසින්ම ලබා දෙන ලදී. එන්නත් මිලදී ගැනීමේ ක්රියාපටිපාටියේ ඇති, පාරදෘශ්යභාවය පදනම් කරගෙන ADB විසින් ලබා දුන් ණය මුදල නැවත ලබාදීමට කටයුතු කරන බව සඳහන් කරන ලදී.
 
🔺ඇතැම් විපක්ෂේ වෘත්තීය සමිති උද්ඝෝෂණය කලේද මෙය කඩාකප්පල් කිරීමටය.
 
🔺ඇතැම් පාර්ශව එන්නත පිළිබඳව විවිද දුර්මත සමාජය තුල ප්රචාරය කලේ එන්නත්කරණ වැඩසටහන අසාර්ථක කිරීමට කකුලෙන් අදිමින් ය.
මේ සියලු අවලාද වලට ජනාධිපති ගෝඨාභය රාජපක්ෂ ජනාධිපතිතුමා ක්රියාවෙන් පිළිතුරු දී ඇත. හිඟා කනවා කියූ, 2022 වර්ෂය වනතුරු ශ්රීලංකාවට එන්නත් නැති වනවා යැයි කියූ ප්රකාශ වලට අභියෝග කරමින් අද ශ්රීලංකාව තුල එන්නත්කරණය ආරම්භ කර වසරක් සපිරෙන අද දින වනවිට,
 
👉එන්නත් මාත්රා මිලියන 51ක් දිවයිනට ගෙන්වා ඇත.
 
👉ඉන් මිලියන 35කට වැඩි ප්රමාණයක් පළමු, දෙවන හා තුන්වන මාත්රා ලෙස ලබා දී ඇත.
 
👉මෙරට රෝග නිවාරණ හා ප්රජා සෞඛ්ය ක්ෂේත්රයේ කාර්යක්ෂම බව හා ශක්තිය පෙන්වමින් දිනකට දළවශයෙන් ලබා දුන් එන්නත් මාත්රා ගණන දළ වශයෙන් 100,000 කි.
මෙලෙස බාදා මැද සිදුකරන ලද එන්නත්කරණ වැඩසටහන නිසා මේ වන විට,
 
✊පළමු එන්නත් මාත්රාව 102%කටත්,
 
✊දෙවන මාත්රාව 98%කටත්,
 
✊තුන්වන මාත්රාව 30%කටත් එන්නත් කර අවසන් ය.
ගෝඨාභය රාජපක්ෂ ජනාධිපතිතුමා විසින් විවිධ බාදා කිරීම් මැද සිදු කරන ලද ශ්රීලංකාවේ එන්නත්කරණ වැඩසටහන අවසන් අදියරට පැමිණ තිබේ. මෙය තවත් එක එන්නත්කරණ වැඩසටහනක් නොවේ. කුඩා ආර්ථිකයක් හිමි රටක් විසින් අවුරුද්දක් ඇතුලත පූර්ණ එන්නත්කරණය සිදු කරන ලද වැඩසටහනකි. මෙම එන්නත්කරණ වැඩ සටහන අද ලෝකයේ හතරවෙනි ස්ථානය ලබාගත් එන්නත්කරණ වැඩසටහනයි.
සංචාරක කර්මාන්තය නැවත ආරම්භ කරමින්, රට සාමාන්යකරණීකරනය වෙමින් පවතින මේ අවස්ථාවේ, එන්නත්කරණය ශ්රීලංකාව තුල ආරම්භ කර වසරක් සපිරෙන අද දිනයේ නිහතමානීව රටක් ලෙස ආඩම්බර විය යුතුය.
erertreterterter
මෙන්න බලන්න තවත් ගොසිප්