Dec
23

කොළඹ බාලිකාවක 14 හැවිරිදි දැරියක් කාමාතුරයන්ට විකුණලා – ගැනුම්කරුවන් ගැනත් තොරතුරු එළියට

 
2027 Views
   
 

14 හැවිරිදි දැරියක රුපියල් 50 000 මුදලකට නොයෙකුත් පුද්ගලයන්ට විකුණූ ඇගේ ඥාති සොයුරිය සහ රුපියල් 50,000 කට දැරිය මිලදී ගත් මෝටර් රථ අලෙවි කොටස් විකිණීමේ යෙදෙන ව්යාපාරිකයෙකු මරදාන පොලිසිය විසින් අත් අඩංගුවට ගෙන තිබේ.

දැරියගෙන් ප්රශ්න කිරීමේ දී රුපියල් 50,000 බැගින් ගෙවා ඇයගේ පහස ලබා ගත් පුද්ගලයන් කිහිප දෙනෙකු ගැන තොරතුරු හෙළිවී ඇතැයි මරදාන පොලිසිය කියයි. සමහර පුද්ගලයන් ගැන ඇය තොරතුරු කිසිවක් දැන නොසිටින බව පොලිසිය කියයි.

රුපියල් 50 000ක මුදලකට දැරිය විකුණා මුදල් ලබා ගන්නා ඥාති සොහොයුරිය ඇයට ඇඳුම් පැළඳුම් හා කෑම බීම රැගෙන දී ඉතිරි මුළු මුදලම ඥාති සොහොයුරිය ගන්නා බව මේ පිළිබඳව කළ විමසීමකදී මරදාන පොලිස් ස්ථානාධිපති ප්රධාන පොලිස් පරීක්ෂක ඉෂාන්ත කුමාර ඇපලකොටුව මහතා කීවේය.

පොලිසිය පවසන අන්දමට සිද්ධිය සැකෙවින් මෙසේය. සිද්ධිය සම්බන්ධයෙන් අත් අඩංගුවට ගත් මුස්ලිම් කාන්තාව එම දැරියගේ ඥාති සොහොයුරියකි. දැරිය පාසල් යන වියේ පසුවන අතර ඇය කොළඹ බාලිකා විද්යාලයක ඉගෙනුම ලබන බව මරදාන පොලිසිය කීය.

ඥාති සොහොයුරිය දැරියගේ මවුපියන් දැනුවත්ව දැරිය නිවසෙන් රැගෙන ගොස් තිබේ. ඒ ඇයට ආදරය සෙනෙහස දක්වන බව අඟවමිනි. එලෙස මවුපියන්ගේ අවසරය මත රැගෙන ගිය දැරිය යළි නිවසට ගෙනවිත් ඇරලා දී ඇයට කෑම බීම සහ ඇගේ නිවසට ද කෑම බීම ගෙනදීම ඥාති සොහොයුරිය පුරුද්දක් කරගෙන තිබේ.

මේ නිසා දැරියගේ මවුපියන් එම ඥාති සොහොයුරිය ගැන සැකයක් උපදවා ගෙන නොමැති අතර දැරිය රැගෙන යාමට සොහොයුරියට ඉඩකඩ ලබාදී තිබේ. මෙලෙස වසර දෙකකට ආසන්න කාලයක් මේ ඥාති සොහොයුරිය විසින් 14 හැවිරිදි දැරිය මෙලෙස නිවසින් රැගෙන ගොස් ඇත. සමහර දිනවල දැරිය තම නිවසේ රඳවා ගන්නා බව කියමින් දින දෙක තුන ඥාති සොහොයුරිය සිය නිවසේ රඳවාගෙන තිබේ.

කෙසේ වෙතත් මෑතක සිට දැරිය, ඥාති සොහොයුරිය සමඟ නිවසෙන් පිටවී යෑමට අකමැත්ත පළ කර තිබේ. ඇය මේ බව සිය මවුපියන්ටද දන්වා තිබේ. පසුව මව්පියන්ද දැරියගේ අකමැත්තෙන් රැගෙන යාම ගැන ඥාති සොහොයුරිය ට අකමැත්ත පළ කර තිබේ.

එහෙත් ඥාති සොහොයුරිය දැරිය බිය කරමින් යළිත් රැගෙන යාමට උත්සාහ දරා ඇත. පසුව මව්පියන් මේ සිදුවීම මරදාන පොලිසියට දැනුම්දී ඇති අතර මරදාන පොලිස් ස්ථානාධිපතිවරයාගේ උපදෙස් මත ළමා හා කාන්තා කාර්යාංශය විමර්ශන අරඹා ඇත.

පසුව දැරිය ගෙනවිත් ප්රශ්න කිරීමේ දී හෙළි වී ඇත්තේ දැරියට කෑමබීම ආදරය සෙනෙහස ලබා දෙන මුවාවෙන් රැගෙන යන මෙම දැරිය ඥාති සොහොයුරිය විසින් නොයෙකුත් පුද්ගලයන්ට ඇයව විකුණා ඇති බවයි.

බාල වයස්කාර දැරිය සමඟ යහන්ගතවීමට ඥාති සොහොයුරිය එක් පුද්ගලයෙකුගෙන් රුපියල් 50,000 මුදලක් අයකර දින ඇති බව පරීක්ෂණවලදී හෙළි වී තිබේ. එලෙස ලබා ගන්නා මුදලින් ඥාති සොහොයුරිය සුඛෝපභෝගී ජීවිතයක් ගතකර ඇතැයි පොලිසිය කියයි.

සිද්ධිය සම්බන්ධයෙන් ග්රෑන්ඩ්පාස් පහසු ප්රදේශයේ පදිංචි 32 හැවිරිදි ඥාති සොහොයුරිය පොලිසිය විසින් අත් අඩංගුවට ගෙන ඇත. එමෙන්ම දැරියගෙන් ප්රශ්න කිරීමේ දී දැරිය සමග මුලින්ම ලිං ගි ක ව හැසිරී ඇති මෝටර් රථ කොටස් අලෙවි කරන ව්යාපාරිකයාද පොලිසිය විසින් අත් අඩංගුවට ගෙන තිබේ.

ඔහු 38 හැවිරිදි විවාහකයෙකි. දැරිය මේ වන විට රෝහල් ගත කර ඇති අතර ළමා හා කාන්තා කාර්යාංශයේ නිලධාරීන් ඇයගෙන් ප්රකාශයක් ලබා ගනිමින් සිටින බවද මරදාන පොලිසිය කියයි.

දැරියගේ ප්රකාශය මත රුපියල් 50,000 බැගින් ගෙවා දැරිය සමග ලිං ගි ක ව හැසිරුණු ව්යාපාරිකයන් හා පුද්ගලයන් අත් අඩංගුවට ගැනීමට ඉදිරි දින වලදී කටයුතු කරන බව මරදාන පොලිසිය කියයි.

සැකකාරිය හා සැකකරු අධිකරණයට ඉදිරිපත් කිරීමට නියමිතය බස්නාහිර පළාත භාර ජ්යෙෂ්ඨ නියෝජ්ය පොලිස්පති දේශබන්දු තෙන්නකෝන්, කොළඹ දිසා භාර නියෝජ්ය පොලිස්පති චන්ද්රකුමාර, කොළඹ මධ්යම කොට්ඨාස භාර ජ්යේෂ්ඨ පොලිස් අධිකාරී නිශාන්ත චන්ද්රසේකර හා සහකාර පොලිස් අධිකාරී සෙනරත් යන මහත්වරුන්ගේ උපදෙස් මත මරදාන ළමා හා කාන්තා කාර්යාංශයේ ස්ථානාධිපතිනි ප්රධාන පොලිස් පරීක්ෂක නන්දනී ප්රියංකා මහත්මිය ඇතුළු කණ්ඩායමක් සිද්ධිය සම්බන්ධයෙන් වැඩිදුර විමර්ශන සිදුකරයි.

 

උපුටා ගැනීම – මව්බිම පුවත්පත

මෙන්න බලන්න තවත් ගොසිප්