1864 Views
වෛද්ය මතයට අනුව ඔමික්රොන් හා ඩෙල්ටා වයිරස් ප්රෙභ්ද ශ්රී ලංකාව තුළ වේගයෙන් ව්යාප්ත වීමේ ප්රවණතාවක් පවතී. මේ වන විට දෛනික කොවිඩ් ආසාදිතයන්ගේ ගණන නවසියය දක්වා වර්ධනය වී ඇත. දෛනික මරණ සංඛ්යාව දාහත දක්වා ඉහළ ගොස් ඇත. ප්රධාන රෝහල් කිහිපයක් නැවත කොවිඩ් රෝගීන්ගෙන් පිරී ඇත.
දැඩිසත්කාර ඒකක තුළ ද යම් තදබදයක් නිර්මාණය වෙමින් පවතී. මේ තත්ත්වය වහා වෙනස් නොවුණහොත් අකැමැත්තෙන් වුව රට වසා දැමීමට ආණ්ඩුවට සිදු වනු ඇත. රට යළි වසා දැමීම යනු අප නැවතත් කොවිඩ් වසංගතය තුළ මුල් අදියරට පැමිණීමකි. කොවිඩ් වසංගතයට ඇති එකම විද්යාත්මක විසැඳුම හා පිළිතුර එන්නත්කරණයයි. එය ලෝකයේ පිළිගත් සත්යයකි. අවිවාදයෙන් එය පිළිගත යුතුය.
මෙහිදී වෛද්ය මතයට ගරු කළ යුතුය. එම උපදේශනවලට අනුව එන්නත් මාත්රාවන් ලබා ගැනීමට ද අප වගබලා ගත යුතුය. එන්නත් මාත්රා දෙක ද, තුන ද, හතර ද යන්න තීරණය කළ හැක්කේ වෛද්ය විශේෂඥයන්ට පමණි. එය දේශපාලකයන් තීන්දු කළ යුතු නැත. සමාජ නායකයන් තීන්දු කළ යුතු නැත. දේශපාලන පක්ෂ තීන්දු කළ යුතු නැත. අපේ වෛද්යවරුන්ගේ මතයට අනුව පූර්ණ ප්රතිශක්තිකරණය සඳහා තෙවන මාත්රාව හෙවත් බූස්ටර් එන්නත ලබා ගත යුතුය.
එහෙත් නොමිලේ ලබා දෙන තුන්වන මාත්රාව සඳහා ජනතාවගේ ඉදිරිපත්වීම සතුටුදායක නැති බව දිගින් – දිගටම වාර්තා වෙයි. එය අතිශය නරක ආරංචියකි. එක් වෛද්යවරයකුගේ මතයට අනුව ඉදිරි සති දෙකක කාලය තුළ මුළු ජනගහනයෙන් 60%කටත් තුන්වන එන්නත් මාත්රාව හෙවත් බූස්ටර් එන්නත ලබා දුනහොත් කොවිඩ් අවදානම බොහෝ සෙයින් අඩු කර ගත හැකිය. මේ වනවිට තුන්වන මාත්රාව ලබාගෙන ඇත්තේ ලක්ෂ පනහක පමණ පිරිසක පමණි. රටට අවශ්ය තරම් බූස්ටර් එන්නත් ගෙන්වා ඇති අතර, රටපුරා විවිධ මධ්යස්ථානවල දී දෛනිකව එන්නත්කරණය සිදු වේ.
මේ මධ්යස්ථානවල පෝලිම් දැක ගත යුතු වුව එවැන්නක් දකින්නට නැත. වෛද්ය අංශ බලා සිටිය ද මහජනයාගේ පැමිණීම ඉතා දුර්වලය. කිසිවකු බලහත්කාරයෙන් එන්නත් සඳහා යොමු කිරීමේ හැකියාවක් නැත. පුරවැසියා කිසියම් වැටහීමකින් යුතුව එන්නත්කරණය සඳහා යොමුවිය යුතුව තිබේ. දැනට පවතින කොවිඩ් අවදානමට ප්රධාන උත්තර දෙකක් ඇතැ‘යි සිතිය හැකිය.
පළමුවන්න තුන්වන එන්නත් මාත්රාව හෙවත් බූස්ටර් එන්නත හැකි විගස ලබා ගැනීමය. දෙවන්න කොවිඩ් ව්යාප්තියට බලපාන අනාරක්ෂිත සංචරණයන්ගෙන් වැළකී සිටීමය. අවම වශයෙන් එම සාධක දෙක ජයගැනීමට අපට හැකිනම් ඉදිරි සති දෙකක කාලය තුළදී වඩාත් සුබදායක ප්රතිඵලයක් ලබා ගතහැකිය. එසේ නොවුණෙහාත් සිදුවන්නේ බරපතළ අර්බුදයක් කරා නැවතත් රට තල්ලුවීමය.
